إڤاريست ليڤي پروڤونصال
إڤاريست ليڤي پروڤونصال (مزيود ف 4 يناير 1894 ف لجزائر لعاصمة، توفّا ف 27 مارس 1956، ف پاري ف فرانسا) هوّا موستشريق و توارخي ديال لإسلام فرانساوي، لي أصلو من فاميلة دزايرية يهودية.[1] سميتو فاش تزاد كانت مخلوف إڤاريست ليڤي لي بدّلها فاش كان عندو 19 عام. ليڤي پروڤونصال كان عندو توجه ضد ليستيعمار، و لكتابات ديالو على لإسلام كانلقاو فيها ف نفس لوقت إعجاب كبير و نقد ل تّاريخ لإسلامي.
إڤاريست ليڤي پروڤونصال
| ||
| ||
| معلومات عامة | ||
| زيادة | 4 يناير 1894 لجزائر | |
| لموت | 23 مارس 1956 (62 عام) avenue Émile-Deschanel | |
| لجنسية | فرانصا | |
| لحرفة | توارخي، ؤستاد جاميعي و كاتب | |
| لّوغات لي كيعرف | لفرانساوية | |
| معلومات خرى | ||
| لأعمال |
| |
| لعسكر | ||
| لحروب | لحرب لعالمية لّولة و حملة جاليبولي | |
| لجوايز |
| |
| ||
لكاريير بدل
ليڤي پروڤونصال دار لّيسي ف قسنطينة، و حارب موراها ف لجيش لفرانساوي ف لحرب لعالمية لّولة، و تّجرح ف 1917. دوّز فترة د نّقاهة ف لمغريب. كانو قدّامو جوج ختيارات باش يكمّل قرايتو، إما سّتيشراق (دراسة د لعربية و لإسلام) ؤلا تّاريخ رّوماني ف شمال إفريقيا، ؤ ف لفترة فاش كان شاد پوسط ف لمنطقة د رّيف، قرر باش يمشي معا لختيار لّول.[2]
من بعد نضم ل لمعهد لعالي ديال دّراسات لمغريبية، ؤ من 1926 خدا مناصب أكاديمية ف لجامعة د لجزائر لعاصمة، و موراها ف لجامعة د پاري (صوربون) ف 1945.
ليڤي پروڤونصال كيتّعتابر لمؤسس ديال لبحت لأكاديمي لفرانساوي ف لإسلام، و هوّا أول مودير ديال لمعهد د دّراسات د لإسلام ف لجزائر لعاصمة. كان متخصص ف تّاريخ د لأندلس و ديال لمسلمين ف سپانيا. عاون ف طّرجامة ديال لمصادر لعربية على لأندلس، معا لعارابيست سّپنيولي إميليو ݣارثيا ݣوميث.
بعض لأعمال بدل
- Les historiens des Chorfa: essai sur la littérature historique et biographique au Maroc du XVIe au XXe siècle. Larose. 1922.
- Histoire de l'Espagne musulmane.
- Séville musulmane au début du XIIe siècle siècle.
- L'Espagne musulmane au Xe siècle. Institutions et vie sociale siècle. Maisonneuve & Larose. 1932.
عيون لكلام بدل
- ^ "Évariste Lévi-Provençal". مأرشيڤي من لأصل ف 18 نونبر 2020.
- ^ ريجيس بلاشير (ماي 1956). "Évariste Lévi-Provençal (1894-1956)". Arabica: 133–135. مأرشيڤي من لأصل ف 2023-04-04. تطّالع عليه ب تاريخ 2022-10-05.
 هادي زريعة ديال مقالة خاصها تّوسع. تقدر تشارك ف لكتبة ديالها. |