جهة لعيون ساقية لحمرا
العيون - الساقية الحمراء (ar)
ⵜⴰⵙⴳⴰ ⵏ ⵍⵄⵢⵓⵏ ⵜⴰⵔⴳⴰ ⵜⴰⵣⴳⴳⵯⴰⵖⵜ (zgh) | ||||
|
| ||||
| ||||
| التقسيم لإداري | ||||
| لبلاد | لمغريب | |||
| لعاصيمة | لعيون | |||
| لأقاليم | ||||
| التأسيس | 2015 | |||
| تسمات على | لعيون و الساقية الحمراء | |||
| لجغرافيا والسكان | ||||
| لميساحة | 140,018 كم² | |||
| لبلاصة طايحة | سبخة طاح (−55 م) | |||
| محادية معا | جهة ݣلميم واد نون جهة الداخلة وادي الذهب | |||
| شحال دالسكان | 367,758 (2014) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-11 | |||
| خريطة لجيهة | ||||
| ||||
جهة العيون الساقية الحمراء (بلأمازيغية: ⵜⴰⵙⴳⴰ ⵏ ⵍⵄⵢⵓⵏ ⵜⴰⵔⴳⴰ ⵜⴰⵣⴳⴳⵯⴰⵖⵜ، بالفرانساوية: Laâyoune-Sakia El Hamra) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فلجنوب ديال البلاد، و لعاصيمة ديالها هي لعيون، و مابين لمدن اللي كاينين فيها: طرفاية وبوجدور والسمارة وبوݣراع وݣلتة زمور. عدد السكان على حساب لإحصاء اللي تدار فـ2014 وصل فهاد لجيهة لـ367,758.[3] لمساحة ديال لجيهة هي 140,018 كم².[4]
السكان ولأقاليم
بدلالسكان فلأقاليم ديال لجيهة
بدلهاد لجدوال كايبين لأقاليم ديال لجيهة والسكان ديالها:[3]
| لأقاليم أولا لعمالات | شحال دلفاميلات | شحال دالسكان |
|---|---|---|
| إقليم بوجدور | 10,186 | 50,566 |
| إقليم السمارة | 11,614 | 66,014 |
| إقليم لعيون | 53,561 | 238,096 |
| إقليم طرفاية | 3,393 | 13,082 |
| جهة العيون الساقية الحمراء | 78,754 | 367,758 |
التطور ديال شحال دالسكان
بدلجدول كايعطي التطور ديال شحال دالسكان فلجيهة.[5]
| 1994 | 2004 | 2014 | |||
|---|---|---|---|---|---|
| 215,395 | 316,578 | 367,758 | |||
| 1994 و2004 و2014: إحصاء رسمي ديال الدولة. | |||||
لجغرافيا ولموناخ
بدلجهة العيون الساقية الحمراء محاديها من الشمال جهة ݣلميم واد نون ومن لجانوب جهة الداخلة وادي الذهب. هاد لجيهة فيها خصائص لجغرافية بحال أنها كاتميز بلميساحة الصحراوية لكبيرة، مع شوية دلغابات ديال لحلفا والربيع الصحراوي. لميساحة ديال لجيهة واصلة لـ140,018 كم². لموناخ ديال لجيهة بارد ومعتادل فلمناطيق حدا لبحر، وسخون وبعض لمرات بالشرݣي فالداخل. هاد لجدوال كيعطي لمعلومات على لحرارة والشتا فمدينة لعيون اللي هي لعاصيمة ديال لجيهة.
| لموناخ ديال لعيون | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| أكبر درجة دلحارارة تسجلات بـ C° | 28 | 33 | 37 | 41 | 38 | 37 | 43 | 47 | 40 | 38 | 33 | 30 | |
| معدّال لحرارة لعليا بـ C° | 20 | 20 | 22 | 22 | 22 | 24 | 26 | 28 | 27 | 24 | 24 | 20 | |
| معدّال لحرارة بـC° | 16 | 17 | 19 | 18 | 20 | 21 | 21 | 25 | 24 | 22 | 20 | 17 | |
| معدّال لحرارة السفلانية بـC° | 12 | 13 | 16 | 15 | 16 | 18 | 20 | 20 | 20 | 18 | 16 | 13 | |
| أدنى درجة دلحارارة تسجلات بـC° | 5 | 6 | 8 | 10 | 11 | 11 | 12 | 16 | 16 | 8 | 2 | 6 | |
| معدّال الشتا فالشهر بلميليميتر | 17.9 | 18.5 | 6.7 | 2.5 | 3.2 | 0.3 | 0 | 0 | 1.2 | 7.4 | 16.9 | 18.6 | |
لبينية التحتانية
بدل
مطار العيون الدولي (مطار لعيون لحسن اللول) هو مطار كاين فمدينة لعيون لجيهة ديال العيون الساقية الحمراء. كيبعد لمطار على الصونطرڤيل ديال لمدينة بـ2 دلكيلوميتر، وقريب من الطريق لوطنية اللولة. كيتعتابر تاسع أكبر مطار فلمغريب من ناحية عدد لمسافرين، وكايقدر يهز 300.000 مسافر.
ماكاينينش أوطوروطات فهاد لجيهة، ولاكين دايزين فيها بزاف ديال الطرقان لوطنية:
ليقتيصاد
بدللفلاحة
بدل
لفلاحة فلجيهة ديال لعيون الساقية لحمرا ماشي موهيمة حيتاش لميساحة اللي صالحة ليها مافايتاش 7500 هيكتار أولا 0.054% ديال لميساحة دلجيهة، ؤواحد 100 هيكتار هي اللي كاتسقى وكايتزرع فيها لعلف، اللي وصل لينتاج ديالو ل365 طن ف2016 فإقليم لعيون، وشي شوية ديال لخضرة بحال لقزبور ولمعدنوس ولكرافس وخيزّو ولفجل ولخرشوف.[5] فلكسيبة كانت فلعام د2016 شي 302 ألف ديال لمعيز و206 آلاف راس دلغنم و105 آلاف دالجمال و1847 راس دلبݣر.[5] فنفس لعام تنتجات مليون و722 ألف إيطرو ديال لحليب و5 دلمليون و127 ألف إيطرو ديال اللبن و67 ألف و350 كيلو ديال الزبدة.[5] كاينة فلجيهة 575 كيلوميتر ديال لبحر، وفيه تلاتة ديال لمراسي فطرفاية ولعيون وبوجدور. تنتجات 464 ألف طن ديال لحوت اللي لقيمة ديالو وصلات ل727 مليون درهم، زيادة على الطحالب اللي تجمعات منها 260 طن واللي وصلات لقيمة ديالها لـ2 دلمليون ديال الدرهم.[5]
الصيناعة
بدل
وصلات لارقام ديال لوحادات الصيناعية فلجيهة ديال لعيون الساقية لحمرا لـ395 لأغلبية ديالها فلعيون اللي فيه 72.4% ديال لوحادات، عاد باش بوجدور بـ16.2%، وعاد باش السمارة اللي فيها%، ومن موراهوم طرفاية اللي فيها 14.8% ديال هاد لوحدات.[5] الصيناعة هنايا واقفة على الصيناعة التحويلية (لوزينات ديال السرديل)، الصيناعة ليستيخراجية (لوزينات ديال لفوصفاط)، لبني والطرابوبليك وحتى ليسيرڤيس. هاد لجدوال كايعطي كيفاش مفرقة هاد لوحادات على حساب لإقليم ولمجال:
| لقيطاع | لأقاليم | |||
|---|---|---|---|---|
| لعيون | بوجدور | طرفاية | السمارة | |
| الصيناعة التحويلية | 141 | 33 | 6 | 3 |
| الصيناعة ليستيخراجية | 22 | - | 2 | 1 |
| لبني والطرابوبليك | 41 | 25 | 4 | 11 |
| ليسيرڤيس | 45 | 6 | 3 | 8 |
| مجالات خرين | 37 | - | 4 | 3 |
| لمجموع | 286 | 64 | 19 | 26 |
| لمصدر: [5] | ||||
السياحة
بدل.jpg)
كاين بزاف ديال لمواقيع اللي إيقدرو يجيبو السياح لجيهة لعيون الساقية لحمرا، بحال لبحر ديال لعيون وضاية النعيلة اللي هي محمية طبيعية، واحة لمسيد اللي جات مابين لعيون والسمارة، اللي فيها بزاف ديال النخيل، سبخة الطاح اللي كاينة فمدينة الطاح واللي كاينة 55 ميترو تحت لمستاوى ديال لبحر، وفيها طبقات ديال لملحة ولغيس لمرمّل.[5] فلبحر ديال طرفاية كاينة واحد لقصبة بناها تاجر نݣليزي سميتو روبرت ماكينزي فـ1880. فهاد لجيهة كاينة 35 أوطيل مصنف بـ1996 فراش و14 أوطيل مامصنفش بـ306 دلفراش. فـ2016 جات 41 ألف سايح تقريبا و77% منهوم مغاربة.
شوف حتى
بدلعيون لكلام
بدل- ^ laayouneinvest.ma…
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-04.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ a b c d e f g h "مونوغرافيا جهة العيون الساقية الحمراء 2018". مأرشيڤي من لأصل ف 2022-11-30. تطّالع عليه ب تاريخ 2020-10-04.
|
تقدر تزيد شوف بزاف د تّصاور و لمعلومات ديال Laâyoune-Sakia El Hamra ف ويكيميديا كومنز. |