لبيوتقليد ؤلا بيوتعياب (النڭليزية: Biomimetics ؤلا Biomimicry) (لفرانساوية: Biomimétisme) هي التعياب ؤلا التقليد ؤلا لموحاكات د موضيلات ؤلا سيسطيمات ؤلا عناصر موجودين ف الطبيعة ب غاراض لحل ديال مشاكيل معقدة لي كاتواجه بنادم. كلمة "بيوتعياب" ؤلا "بيوتقليد" هي نيولوجيزم مركبة من جوج كلمات: بيو لي جاية من ليونانية Bio ؤ لي كا تعني حي ؤلا حياة ؤ كلمة تعياب ؤلا تقليد ب الداريجة لي كا تعني تعيْب ؤلا تقلد ؤلا تكوپي شي حاجة.

دوك الشعيرات الصغار (لكلالب ؤلا صنانر صغار) (hooks) ف الثمرة د نبات لبور (Bur) أنسپيراو لڤيلكرو
أول محاولة د الطيران ل شي بنادم لي دارها لعالم لأمازيغي لأندلسي عباس بن فرناس مثال زوين ديال لبيوتعياب.

لكائنات لحية طورو هياكل ؤ مادّات لي مأضابطيين بزاف ف لمدة ديال زمانات جيولوجية قدهم قداش على طريق لانتيخاب الطبيعي. لبيوتعياب خرّج لينا طيكنولوجيّات جداد مأنسپيرين من حلول بيولوجيّة فالمستوى د الماكرو ؤ لقياس ديال النانو. من نهار لينسان عقل على راسو ؤ هو كا يقلب على حلول للماشاكيل ديالو ف الطابيعة. الطابيعة صولڤات عرام د لماشاكيل لهنداسية بحال كيفاش تداوي راسك براسك، كيفاش توازن بين التاعايوش ؤ لمقاومة فاش كا تكون معرّي للمحيط لبراني، لهيدروفوبيا، التركيب الداتي، كيفاش تستافد من الطاقة الشمسية.

التاريخ بدل

واحد من أقدم لأمثلة د لبيوتعياب هو الديراسة د الطيور باش بنادم يتعلم يطير. واخا المحاولة ديالو فشلات كانت على بونت تقتلو، عباس بن فرناس (809م - 887م) دار أول محاول نص ناجحة د الطيران ف تاريخ البشرية فين صاوب ألة د الطيران كا تعيب الجناح ديال الطيور فصلها على المقاس ؤ الوزن ديالو ؤ غطا راسو بالريش من موراها جمع الناس ؤ طلع من فوق قصر الرصافة للي جا من فوق واحد الربوة عالية ف قرطبة ؤ لاح راس ؤ قد يطير لواحد المسافة طويلة ولكن الهبوط ديالو كان عنيف حيت نسا الديل للألة الشراعية ديالو د الطيران.[1]

ليوناردو داڤينشي (1452–1519) تا هو كان مراقيب شغوف للطبيعة ؤ للأناطومي د الطيور ؤ الطيران ؤ حاول يصمم نماديج ؤ شي وساخ لألة د الطيران واخّا ما خرّج والو من داكشي للواقيع. أول محاولة ناجحة للطيران ل بنادم د لإخوان رايت لي كانت ف 1903م تا هي كانت مأنسپيريا من لمراقبة د الطيران د لحمام.[2]

 
لوساخ د ليوناردو دا ڤينشي لي حاول يصمم فيه ألة د الطيران مستوحات من الجناح د خفاش.

عيون لكلام بدل

  1. ^ White، Lynn (1961). "Eilmer of Malmesbury, an Eleventh Century Aviator: A Case Study of Technological Innovation, Its Context and Tradition". Technology and Culture. 2 (2): 97. doi:10.2307/3101411. ISSN 0040-165X.
  2. ^ Fred (1987). Wilbur and Orville : a biography of the Wright brothers. New York (منشور 1st ed). OCLC 15133227. ردمك 0-394-54269-X. Check date values in: |publication-date= (معاونة)