العتيراف الدولي ب الجمهورية العربية الصحراوية الديموقراطية

جّبهة د لپوليزاريو علنات علا لجمهورية لعربية صّحراوية دّيموقراطية نهار 27 شهر 2، 1976 ف بير لحلو، هاد لجمهورية صّحراوية كاتطّالب ب سّيادة على ݣاع صّحرا لغربية، لّي كانت مستعمرة د صّبليون، ولكن حاليّا لحكومة د لجمهورية صّحراوية كاينة ف لمنفى ف دزاير، لأمم لمتحدة وقوات حفظ سّلام شادّا واحد 20% تال 25% من لأرض ديال صحرا لغربية، و لباقي تابع ل ليدارة لمغربية.

حتال دابا، 84 دولة لّي محسوبة مع لأمم لمتحدة عتارفات ب لجمهورية لعربية صّحراوية دّيموقراطية. منهوم 44 دولة لّي "جمّدو" ولّا "سحبو" لعتيراف ديالهوم. ف واحد لوقيتة، (43.5%) من دّول لّي محسوبة مع لأمم لمتحدة عتارفو ب لجمهورية لعربية صّحراوية دّيموقراطية، 38 من دّول لّي محسوبة مع ليتيحاد ليفريقي لّي فيه 54 دولة (70%)، ؤ 18 لدولة من لمنضمة ديال تّعاون لإسلامي لّي فيه 57 دولة (32%)، ؤ 5 ديال دّول لّي محسوبة مع لجامعة ديال دّول لعربية لّي فيها 22 دولة (23%). بزاف ديال دّول لّي مامعتارفاش ب لجمهورية صّحراوية معتارفة ب جّبهة د لپوليزاريو بلّي هي لممتّل شّرعي ل سكّان ديال صّحرا لغربية، ولكن مامعتارفاش بلّي لپوليزاريو واحد لحكومة ف لمنفا د واحد دّولة عندها سّيادة.

كانت لجمهورية صّحراوية محسوبة مع ليتيحاد ليفريقي، لّي كان سميتو منظمة لوحدة لإفريقية، من 1984. لمغريب نساحب من منظمة لوحدة لإفريقية علا ود هاد البلان، حتا عاود رجع مرة اخرا ف 2017. لجمهورية صّحراوية كاتشارك ضيفة ف لإجتماعات د حركة عدم لإنحياز ولّا شّراكة لإستراتيجية لأسيوية – لإفريقية جّديدة، واخّا لمغريب كايعتارض لمشاركة ديالها.

لجامعة ديال دّول لعربية كاتأيّد "سّلامة لإقليمية ديال لمغريب"، بلا ما تزيد تحدّد بضّبط. كاين شي دول لّي كايدعمو صّحرا لغربية تكون تابعة لمغريب ؤ عندها حكم ذاتي ف لموستقبال، ؤ كاين شي دول عتارفات ب لمغربية د صّحرا ؤ فتحو قنصليات ف لعيون ؤ داخلة بحال لميريكان، لإمارات، كوط ديڤوار ؤ جزر لقمر.. الخ.

كاينين دول بحال لمكسيك، دزاير، إيران، ڤينيزويلا، ڤييطنام، نيجيريا ؤ جنوب إفريقيا، لهند كانت هي لقوة لوسطا لكبيرة لّي عتارفات ب لجمهورية صّحراوية، منين خلّاتها تحل سفارة ف نيوديلهي ف 1985. غير هو لهند "حيدات" لعتيراف ديالها ف فعام 2000.

دّول لّي عتارفات ب لجمهورية صّحراوية

لعتيراف ديال دّول ب لجمهورية لعربية صّحراوية دّيموقراطية:

  لجمهورية صّحراوية كيمّا مطالبين بيها

  دّول لّي معتارفا دابا ب لجمهورية صّحراوية

  دّول لّي "سحبات" ولّا "جمّدات" ولّا "حبسات" لعتيراف ديالها ب لجمهورية صحراوية

84 دولة لّي محسوبة مع لأمم لمتحدة ؤ أوسيتيا لجنوبية يا إما معتارفة دابا ب لجمهورية صّحراوية ولّا فايت ليها عتارفات بيها. منهوم 44 دولة "حبّسات" ولّا "جمّدات" ولّا "سحبات" لعتيراف ديالها (آخر وحدة كانت هي بوليفيا). بزّاف ديال دّول ف إفريقيا ؤ دّول لّي ف لجزر د لكاريبي ولّا لمحيط لهادي دارو هاد لقرارات علا ود ضّغط ؤ لعروض ديال لمغريب لقتيصادية ؤ عروض وحداخرا، واخّا جّميع بين هاد لعروض ؤ لقرارات باقي فيه نّقاش. ؤ من جهة اخرا رجّعات شي دول لّي "سحبات" ولّا "جمدات" لعتيراف ديالها من بعد، (آخر وحدا كانت هي پاناما).

نهار 9 شهر 7، 2011، جنوب سودان كانت هي آخر دولة كاتعتارف رسميا ب لجمهورية صّحراوية.

هادي ليسطة ديال ݣاع دّول لّي عتارفات ب لجمهورية لعربية صّحراوية دّيموقراطية.

	دّول لي معتارفا دابا (40 دولة من لأمم لمتّحدة ؤ أوسيتيا لجنوبية)
	دّول لّي "سحبات" ولّا "جمّدات" ولّا "حبسات" لعتيراف ديالها (44 دولة من لأمم لمتّحدة)

	دّولة	فوقاش كان لعتيراف	لعلاقات دّيپلوماسية	لعوضوية ؤ ديطاي
1	ماداݣاسكار	28 شهر 2، 1976	ماكايناش	ليتيحاد ليفريقي؛ عتارفات بيها لجمهورية د مدغشقر دّيموقراطية. لعتيراف "تجمّد" نهار 6 شهر 4، 2005.
2	بوروندي	1 شهر 3، 1976	ماكايناش	ليتيحاد ليفريقي؛ لعتيراف "تجمّد" نهار 5 شهر 5، 2006، ؤ عاود رجع نهار 16 شهر 6، 2008، ؤ "تسحب" نهار 25 شهر 10، 2010.
3	دّزاير	6 شهر 3، 1976	كاينة	ليتيحاد ليفريقي، لجامعة ديال دّول لعربية، لمنضّمة ديال تّعاون لإسلامي.
4	بينين	11 شهر 3، 1976	ماكايناش	ليتيحاد ليفريقي، لمنضّمة ديال تّعاون لإسلامي؛ عتارفات بيها لجمهورية د لبينين شّعبية. لعتيراف "حبس" نهار 21 شهر 3، 1997.
5	أنݣولا	11 شهر 3، 1976	كاينة	ليتيحاد ليفريقي؛ عتارفات بيها لجمهورية د أنݣولا شّعبية.
6	موزامبيق	13 شهر 3، 1976	كاينة	ليتيحاد ليفريقي، لمنضّمة ديال تّعاون لإسلامي؛ عتارفات بيها لجمهورية د لموزامبيق شّعبية.
7	غينيا بيصاو	15 شهر 3، 1976	ماكايناش	ليتيحاد ليفريقي، لمنضّمة ديال تّعاون لإسلامي؛ لعتيراف "تسحب" نهار 2 شهر 4، 1997، ؤ عاود رجع نهار 26 شهر 5، 2009، ؤ عاود "تسحب" نهار 30 شهر 3، 2010.
8	كوريا شّمالية	16 شهر 3، 1976	كاينة	—
9	طّوݣو	17 شهر 3، 1976	ماكايناش	ليتيحاد ليفريقي، لمنضّمة ديال تّعاون لإسلامي؛ لعتيراف "تسحب" نهار 16 شهر 6، 1997.
10	رواندا	1 شهر 4، 1976	كاينة	ليتيحاد ليفريقي.
11	ليامان	2 شهر 2، 1977	ماكايناش	لجامعة ديال دّول لعربية، لمنضّمة ديال تّعاون لإسلامي؛ لعتيراف جا من لجمهورية د ليامان دّيموقراطية شّعبية ؤ لجمهورية لعربية ليامانية في 22 شهر 5، 1990. خدا ليامان لموحّد لعتيراف لّي دارو جنوب ليامان. فواحد رّسالة تشاركو فيها صيفطوها ل لأمين لعام د لأمم لمتحدة قبل من تّوحيد، لووزارا د لخارجية دليامان شّمالي ؤ لجنوبي علنو بلّي "ݣاع لمعاهادات ؤ لإتّفاقيات ما بين لجمهورية لعربية ليامانية ولّا لجمهورية د ليامان دّيموقراطية شّعبية ؤ بين دّول ؤ لمونضّمات دّولية لوخرا غادي تبقا خدّامة علا حساب لقانون دّولي لّي كان ساري نهار 22 شهر 5، 1990، ؤ غا تبقا لعلاقات دّولية لّي كانت ف هاد تّاريخ بين لجمهورية لعربية ليامانية ؤ لجمهورية د ليامان دّيموقراطية شّعبية ؤ بين دّول لوخرا". ؤ كاينين مصادر اخرا كاتبيّن ليامان لموحّد مكمّل ف لعتيراف. ؤ حاليا علا حساب لمصادر لمغربية، ليامان كايدعّم لمطالبات د لمغريب ف لموضوع د صّحرا لغربية، ولكن ماكاينش مصادر كاتبيّن بلّي لعتيراف ب لجمهورية صّحراوية "تسحب" رسميا ولّا "تجمّد".
12	سيشيل	25 شهر 10، 1977	ماكايناش	ليتيحاد ليفريقي؛ لعتيراف "تسحب" نهار 17 شهر 3، 2008.
13	لكونݣو	3 شهر 7، 1978	ماكايناش	ليتيحاد ليفريقي؛ عتارفات بيها جمهورية لكونݣو شّعبية. لعتيراف "تسحب" نهار 13 شهر 9، 1996.
14	ساو طومي ؤ پرينسيپي	22 شهر 7، 1978	ماكايناش	ليتيحاد ليفريقي؛ لعتيراف "تسحب" نهار 23 شهر 10، 1996.
15	پاناما	23 شهر 7، 1978	كاينة	لعتيراف "تحبس" نهار 20 شهر 11، 2013. ؤ عاود رجع نهار 7 شهر 1، 2016.
16	غينيا لستيوائية	3 شهر 11، 1978	ماكايناش	ليتيحاد ليفريقي؛ لعتيراف "تسحب" نهار 2 شهر 5، 1980.
17	طنزانيا	9 شهر 11، 1978	كاينة	ليتيحاد ليفريقي.
18	إتيوپيا	24 شهر 2، 1979	كاينة	ليتيحاد ليفريقي؛ عتارفات بيها إتيوپيا لإشتراكية.
19	ڤييطنام	2 شهر 3، 1979	كاينة	لمعلومات لّي كاينة علا لموقف د لڤييطنام كاتضرب ف بعضيّاتها، لمصادر لمغربية كاتݣول بلّي لعتيراف "تسحب" ف 2010 ولّا قبل، ؤ آخر هاد لمصادر كايبيّن "سّحب" د لعتيراف جا ف شهر 6، 2013. واخّا هكّاك مازال ف لاپّاج د لوزارة د لخارجية ديال ڤييطنام دايرين لجمهورية لعربية صّحراوية دّيموقراطية ف لاليسط ديال دّول لّي كادّير معاهوم ڤييطنام علاقات ديپلوماسية. هاد لاليسط دارولها ميزاجور ف شهر 5، 2013، يعني من مور 3 سنين ولّا كتر منين تݣال بلّي را "سحبات" لعتيراف ديالها. من بعد ف شهر 5، 2016 وضاحت لأمور منين حطّات ڤييتنام سفير عند لجمهورية صّحراوية.
20	كامبودج	10 شهر 4، 1979	ماكايناش	عتارفات بيها لجمهورية د كامپوتشيا شّعبية. من بعد مابقاتش معتارفا بيها من نهار 14 شهر 8، 2006.
21	لاووص	9 شهر 5، 1979	كاينة	—
22	أفغانستان	23 شهر 5، 1979	ماكايناش	لمنضّمة ديال تّعاون لإسلامي؛ عتارفات بيها لجمهورية د أفغانستان دّيموقراطية. لعتيراف "تسحب" نهال 11 شهر 7، 2002.
23	رّاس لخضر	4 شهر 6، 1979	كاينة	ليتيحاد ليفريقي؛ "تجمّد" لعتيراف نهار 27 شهر 7، 2007، ؤ عاود رجع نهار 6 شهر 2، 2012 ولّا قبل.
24	ݣرينادا	20 شهر 8، 1979	ماكايناش	لعتيراف "تسحب" نهار 11 شهر 8، 2010.
25	غانا	24 شهر 8، 1979	كاينة	ليتيحاد ليفريقي؛ "تجمّد" لعتيراف ف شهر 5، 2001، ؤ عاود رجع ف 2011.
26	ݣويانا	1 شهر 9، 1979	كاينة	لمنضّمة ديال تّعاون لإسلامي.
27	دومينيكا	1 شهر 9، 1979	ماكايناش	لعتيراف "تسحب"نهار 22 شهر 7، 2010.
28	سانط لوسيا	1 شهر 9، 1979	ماكايناش	لعتيراف "تسحب" نهار 21 شهر 3، 1989، ؤ زادو أكّدو علا "سّحب" د لعتيراف نهار 9 شهر 8، 2010.
29	جامايكا	6 شهر 9، 1979	ماكايناش	لعتيراف "تسحب" نهار 14 شهر 9 2016.
30	نيكاراݣوا	6 شهر 9، 1979	كاينة	"تجمّد" لعتيراف نهار 21 شهر 7، 2000، ولكن لعلاقات دّبلوماسية رجعات نهار 12 شهر 1، 2007.
31	أوݣاندا	6 شهر 9، 1979	كاينة	ليتيحاد ليفريقي، لمنضّمة ديال تّعاون لإسلامي.
32	لمكسيك	8 شهر 9، 1979	كاينة	—
33	ليسوطو	9 شهر 10، 1979	كاينة	ليتيحاد ليفريقي
34	زامبيا	12 شهر 10، 1979	كاينة	ليتيحاد ليفريقي؛ لعتيراف "تسحب" نهر 29 شهر 3، 2011، ؤ عاود رجع نهار 21 شهر 11، 2012.
35	كوبا	20 شهر 1، 1980	كاينة	—
36	إيران	27 شهر 2، 1980	ماكايناش	لمنضّمة ديال تّعاون لإسلامي.
37	سييرا ليون	27 شهر 3، 1980	كاينة	ليتيحاد ليفريقي، لمنضّمة ديال تّعاون لإسلامي؛ "تجمّد" لعتيراف نهار 16 شهر 7، 2003، ولكنه استؤنف في 20 يونيو 2011.
38	سوريا	15 شهر 4، 1980	ماكايناش	لجامعة ديال دّول لعربية، لمنضّمة ديال تّعاون لإسلامي.
39	ليبيا	15 شهر 4، 1980	ماكايناش	ليتيحاد ليفريقي، لجامعة ديال دّول لعربية، لمنضّمة ديال تّعاون لإسلامي؛ عتارفات بيها لجمهورية لعربية لّيبية شّعبية لإشتراكية.
40	إسواتيني	28 شهر 4، 1980	ماكايناش	ليتيحاد ليفريقي؛ لعتيراف "تسحب" نهار 4 شهر 7، 1997.
41	بوطسوانا	14 شهر 5، 1980	كاينة	ليتيحاد ليفريقي
42	زيمبابوي	3 شهر 6، 1980	كاينة	ليتيحاد ليفريقي
43	تشاد	4 شهر 7، 1980	كاينة	ليتيحاد ليفريقي، لمنضّمة ديال تّعاون لإسلامي؛ لعتيراف "تسحب" نهار 9 شهر 5، 1997، ؤ عاود رجع من بعد، ؤ عاوتاني "تسحب" نهار 17 شهر 3، 2006، من بعد نهار 17 شهر 7، 2007، قرّو بجوج يعلّيو نّيڤو د لعلاقات دّبلوماسية ديالهوم ل نّيڤو د سّفراء "في أقرب وقت".
44	مالي	4 شهر 7، 1980	ماكايناش	ليتيحاد ليفريقي، لمنضّمة ديال تّعاون لإسلامي.
45	كوسطاريكا	30 شهر 10، 1980	ماكايناش	"تجمّد" لعتيراف نهار 22 شهر 4، 2000.
46	ڤانواتو	26 شهر 11، 1980	كاينة	لعتيراف "تسحب" نهار 24 شهر 11، 2000, لعلاقات دّبلوماسية رجعات نهار 31 شهر 7، 2008.
47	پاپوا غينيا جّديدة	12 شهر 8، 1981	ماكايناش	لعتيراف "تسحب" نهار 30 شهر 3، 2011.
48	توڤالو	12 شهر 8، 1981	ماكايناش	لعتيراف "تسحب" نهار 3 شهر 9، 2000.
49	كيريباتي	12 شهر 8، 1981	ماكايناش	لعتيراف "تسحب" نهار 3 شهر 9، 2000.
50	ناورو	12 شهر 8، 1981	ماكايناش	لعتيراف "تسحب" نهار 3 شهر 9، 2000.
51	جزر صالومون	12 شهر 8، 1981	ماكايناش	لعتيراف "تسحب" ف شهر 1، 1989.
52	جزر موريس	1 شهر 7، 1982	كاينة	ليتيحاد ليفريقي؛ لعتيراف "تسحب" نهار 17 شهر 1، 2014، ولكن رجع نهار 23 شهر 11، 2015.
53	ڤينيزويلا	3 شهر 8، 1982	كاينة	—
54	سورينام	21 شهر 8، 1982	ماكايناش	لمنضّمة ديال تّعاون لإسلامي؛ لعتيراف "تسحب" نهار 9 شهر 3، 2016.
55	بوليڤيا	14 شهر 12، 1982	كاينة	—
56	لإكوادور	14 شهر 11، 1983	كاينة	لعتيراف "تسحب" نهار 14 شهر 6، 2004، ولكن رجع نهار 8 شهر 2، 2006.
57	موريطانيا	27 شهر 2، 1984	ماكايناش	ليتيحاد ليفريقي، لجامعة ديال دّول لعربية، لمنضّمة ديال تّعاون لإسلامي.
58	بوركينا فاصو	4 شهر 3، 1984	ماكايناش	ليتيحاد ليفريقي، لمنضّمة ديال تّعاون لإسلامي؛ عترفات بيها لجمهورية لعاليا د ڤولطا. لعتيراف "تسحب" نهار 5 شهر 6، 1996.
59	پيرو	16 شهر 8، 1984	ماكايناش	"تجمّد" لعتيراف نهار 9 شهر 9، 1996.
60	نيجيريا	11 شهر 11، 1984	كاينة	ليتيحاد ليفريقي، لمنضّمة ديال تّعاون لإسلامي.
61	صربيا	28 شهر 11، 1984	ماكايناش	لعتيراف عطاتو لجمهورية د يوݣوسلاڤيا لإشتراكية لإتحادية، ولكن "تسحب" نهار 26 شهر 10، 2004 من طرف دّولة د يوݣوسلاڤيا لّي جات من موراها لّي هي صربيا ؤ مونطينيݣرو (دّولة لّي جات موراها هي صربيا).
62	كولومبيا	27 شهر 2، 1985	ماكايناش	"تجمّد" لعتيراف نهار 20 شهر 12، 2000.
63	ليبيريا	31 شهر 7، 1985	كاينة	ليتيحاد ليفريقي؛ لعتيراف "تسحب" نهار 5 شهر 9، 1997، ولكن رجع نهار 30 شهر 10، 2012 ولّا قبل.
64	لهند	1 شهر 10، 1985	ماكايناش	لعتيراف "تسحب" نهار 26 شهر 6، 2000.
65	ݣواطيمالا	10 شهر 4، 1986	ماكايناش	"تجمّد" لعتيراف ف شهر 4، 1998، كايݣولو بلّي ݣواطيمالا نكارت بلّي راها عتارفات بيها (ف شهر 7، 2002).
66	لجمهورية د الدومينيكان	24 شهر 6، 1986	ماكايناش	"تجمّد" لعتيراف نهار 23 شهر 5، 2002.
67	طرينيضاض ؤ طوباݣو	1 شهر 11، 1986	ماكايناش	—
68	بيليز	18 شهر 11، 1986	كاينة	—
69	سان كيتس ؤ نيڤيس	18 شهر 11، 1986	ماكايناش	لعتيراف "تسحب" نهار 12 شهر 8، 2010.
70	أنتيݣوا ؤ باربودا	27 شهر 2، 1987	ماكايناش	لعتيراف "تسحب" نهار 12 شهر 8، 2010.
71	ألبانيا	29 شهر 12، 1987	ماكايناش	لمنضّمة ديال تّعاون لإسلامي؛ عتارفات بيها لجمهورية د ألبيانيا شّعبية لإشتراكية. لعتيراف "تسحب" نهار 11 شهر 11، 2004.
72	باربيدوس	27 شهر 2، 1988	ماكايناش	"تجمّد" لعتيراف نهار 11 شهر 2، 2013.
73	صّالڤادور	31 شهر 7، 1989	كاينة	لعتيراف "تسحب" ف شهر 4، 1997، ؤ عاود رجع نهار 6 شهر 6، 2009 ولّا قبل.
74	هوندوراس	8 شهر 11، 1989	كاينة	كايݣولو أن هاد لعتيراف "تسحب" شهر 1، 2000، ولكن لجمهورية صّحراوية نكرات هادشي ؤ لمغريب عاود أكّدو. ؤ نهار 5 شهر 6، 2013، سيناو دّول بجوج واحد لاتّفاق فيه بلّي "باغيين يبداو يرجّعو لعلاقات دّبلوماسية بيناتهوم".
75	ناميبيا	11 شهر 6، 1990	كاينة	ليتيحاد ليفريقي.
76	مالاوي	16 شهر 11، 1994	ماكايناش	ليتيحاد ليفريقي؛ لعتيراف "تسحب" نهار 26 شهر 6، 2001, لعلاقات دّبلوماسية تصاوبو نهار 24 شهر 3، 2002، "تسحب" لعتيراف نهار 27 شهر 12، 2002، ؤ عاودو صاوبو لعلاقات دّبلوماسية نهار 1 شهر 2، 2008، لعتيراف "تسحب" نار 16 شهر 9، 2008، ؤ رجعات عاوتاني لعلاقات دّبلوماسية نهار 6 شهر 3، 2014، ؤ مرّاخرا "تسحب" لعتيراف نهار 5 شهر 5، 2017.
77	پاراݣواي	9 شهر 2، 2000	ماكايناش	"تجمّد" لعتيراف نهار 25 شهر 7، 2000, ؤ عاود رجع نهار 12 شهر 8، 2008، ؤ "حبس" نهار 3 شهر 1، 2014.
78	سانت ڤينسنت ؤ لݣرونادين	14 شهر 2، 2002	ماكايناش	"تجمّد" لعتيراف نهار 13 شهر 2، 2013.
79	تيمور شّرقية	20 شهر 5، 2002	كاينة	—
80	جنوب إفريقيا	15 شهر 9، 2004	كاينة	ليتيحاد ليفريقي.
81	كينيا	25 شهر 6، 2005	كاينة	ليتيحاد ليفريقي؛ جمدات لعلاقات دّبلوماسية نهار 18 شهر 10، 2006، لعتيراف "جمد" نهار 26 شهر 6، 2007، ؤ رجع من بعد نهار 6 شهر 2، 2014 ولّا قبل.
82	أوروݣواي	26 شهر 12، 2005	كاينة	—
83	هايتي	22 شهر 11، 2006	ماكايناش	لعتيراف "تسحب" نهار 2 شهر 10، 2013.
—	أوسيتيا لجنوبية	27 شهر 2، 2011	ماكايناش
84	جنوب سّودان	9 شهر 7، 2011	كاينة	ليتيحاد ليفريقي.

دّول لّي صوّت لبرلمان ديالها علا لعتيراف ب لجمهورية صّحراوية

بزاف د لبرلمانات ديال بزاف د دّول لّي ما معتارفاش ب لجمهورية لعربية صّحراوية دّيموقراطية، دعاو لحكومات ديالهوم باش يعتارفو بيها، لبرلمان ديال سّويد كان هو أوّل برلمان ف لإتحاد لأوروپي كايصوّت ل لعتيراف ب صّحرا لغربية ف شهر 12، 2012، ولكن لحكومة سويدية ما خداتش بيه ف لخّر، ؤ حتا لبرلمانات د شيلي ؤ لبريزيل ديكلاراو.

ؤ هادي ليسطة ديال دّول لّي لبرلمنات ديالها عتارفو ب لجمهورية لعربية صّحراوية دّيموقراطية.

	دّولة	فوقاش كان لعتيماد	شكون لي عتامد	لعوضوية ؤ ديطاي
1	شيلي	1 شهر 9، 1999. 14 شهر 6، 2009. 4 شهر 8، 2010. 1 شهر 8، 2014.	مجلس نّواب	لوزير د لخارجية ديال شيلي بلّغ نهار 30 شهر 11، 1999 ب واحد رّسالة رسمية مسيفطها ل لمستشار صّحراوي بلّي رّئيس د شيلي قرّر يعتارف ب لجمهورية لعربية صّحراوية دّيمقراطية. ولكن ݣاع ما نفّد. داكشي علاش دعا لمجلس د نّواب ف لبرلمان د شيلي شحال من مرّة باش يتعتارف ب لجمهورية صّحراوية ؤ باش يديرو علاقات دبلوماسية معاها.
2	ؤسطراليا	29 شهر 11، 2004	مجلس شّيوخ د ؤسطراليا	عتامد لمجلس شّيوخ د ؤستراليا واحد لمقترح لعنوان ديالو "كايخص لحكومة د ؤسطراليا تدّير ف عين لعتيبار باش تزيد توسّع لعتيراف دّپلوماسي ب لجمهورية لعربية صّحراوية دّيمقراطية منين تكون لوقيتة مزيانة".
3	لبريزيل	31 شهر 5، 2007. 26 شهر 10، 2011. 3 شهر 9، 2014.	مجلس نّواب	طلب مجلس نّواب د لبرازيل شحال من مرّة من لحكومة ديال لبرازيل باش تعتارف ب لجمهورية لعربية صّحراوية دّيمقراطية ؤ تدّير علاقات دبلوماسية معاها.
4	سّويد	5 ديسمبر 2012	لبرلمان د سّويد	لإتحاد لأوروپي؛ صوّت لبرلمان د سّويد باش يوصّي هادشي: "تعتارف لحكومة د سّويد ب لجمهورية لصّحراوية ف أقرب أجل".