پاناما
پاناما، رسميا لجمهورية د پاناما (بالصبليونية: República de Panamá) هي بلاد جات ف لوسط د أمريكا، ما بين لقارات د أمريكا لوسطانية و أمريكا لجنوبية. تايحدّوها من الشمال لبحر د لكاريبي و لمحيط لأطلسي، من لجنوب لمحيط لهادي، من لجنوب الشرقي كولومبيا، و من الشمال لغربي كوسطاريكا. پاناما معروفة بلقناة اللي جات ف لوسط ديالها (قناة پاناما - تبنات ف 1914)، و اللي تاتخلّي لباطويات يدوزو ما بين لمحيط لأطلسي و لمحيط لهادي.
پاناما
| ||||
|
República de Panamá (es)
| ||||
| نشيد | النشيد لوطني د پاناما
| |||
| لعاصيمة | پاناما سيتي | |||
| الساكينة | ||||
| شحال دالسكان | 4,098,587 (2017) | |||
| السمية ديال السكان | پانامي، پانامية، پاناميين, پاناميات | |||
| اللوغات الرسمية | صبليونية | |||
| متوسط ديال لعمر | 78.001 (2016) | |||
| لجغرافيا | ||||
| لميساحة | 74,177.3 كم² | |||
| لقمة لعالية | بركان بارو (3,475 م) | |||
| لبلاصة الطايحة | لبحر د لكاريبي (0 م) | |||
| تاريخ | ||||
| توارخ مهمة | استقلال بنما عن إسبانيا انفصال بنما عن كولومبيا | |||
| لإدارة | ||||
| نضام الدولة | جمهورية | |||
| رئيس بنما | José Raúl Mulino | |||
| رئيس بنما | José Raúl Mulino، لورنتينو كورتيزو، خوان كارلوس فاريلا، ريكاردو مارتينيلي، مارتين توريخوس و ميريا موسكوسو | |||
| لبرلمان | لجمعية لوطني د پاناما | |||
| لقتيصاد | ||||
| الناتج الداخلي لكامل | 67,406,738,052 $ (2021) | |||
| لبيطالة (شوماج) | 4 % (2014) | |||
| مؤشر التنمية لبشرية | 0.805 (2021) | |||
| لفلوس | بالبوا لپانامي | |||
| معلومات خرة | ||||
| توقيت ديال لبلاد | ڭرينيتش - 5 America/Panama | |||
| رمز لبلاد | PA | |||
| رمز لانترنيت | .pa | |||
| رمز التيليفون | +507 | |||
| نماري د ليرجونس | 911، 103 و 104 | |||
| جيهة د صوڭان | ليمن | |||
| السيت الرسمي | visitpanama.com… | |||
سكنو ف لبلاصة اللي فيها پاناما بزاف د لقبايل د السكان لأصليين، حتا دخلو ليها الصبليون و ستعمروها فاللّول د لقرن 16. ستاقلات لبلاد ف 1821 و دخلات مع لجمهورية د كولومبيا لكبيرة. بقات لبلاد طرف د كولومبيا تال 1903، فين عاوناتها لميريكان باش تخرج منها و ولاّت هي لجمهورية د پاناما. ملّي تبنات لقناة د پاناما ف 1914، كانت لميريكان هي اللي حاكمة فيها، و بقات بحال هاكاك تال 1999، اللي هو لعام اللي ولات فيه الدولة د پاناما هي اللي قابطة لقناة كاملة و ولاّت عندها سيادة كاملة عليها.[1]
تيسكنو ف پاناما تقريبا 4.2 مليون د الناس، و لعاصمة ديالها هي لمدينة د پاناما. اللغة الرسمية د لبلاد هي الصبليونية، و لفلوس اللي كاتخدّم فيها هي لبالبوا (عندها نفس لقيمة بحال الدولار لميريكاني). لإقتصاد ديال لبلاد تيضور على لمدخول اللي تادّير من لقناة، و على لمالية و السياحة اللي بداو تيكبرو تا هوما. پاناما داخلة مع بزاف د لمنضمات دولية منها لأمم لمتحدة و لمنضمة د لبلدان لميريكانية و لمنضمة لعالمية د الصحة ولمجموعة د 77.
عيون لكلام
بدل- ^ "بنما.. قناة كبيرة في دولة صغيرة - الجزيرة (2016)". مأرشيڤي من لأصل ف 2022-07-03. تطّالع عليه ب تاريخ 2021-05-16.
|
تقدر تزيد شوف بزاف د تّصاور و لمعلومات ديال Panama ف ويكيميديا كومنز. |