رواندا

رواندا رسميا لجمهورية د رواندا (بلينݣليزية: Republic of Rwanda - بلفرانساوية: République du Rwanda - بلكينيارواندا: Repubulika y'u Rwanda - بالسواحيلي: Jamhuri ya Rwanda) هي بلاد ماكاطلش على لبحر جات ف الشرق د إفريقيا. تاتحدّها طنزانيا من الشرق، أوݣاندا من الشمال، جمهورية لكونݣو ديموقراطية من لغرب، و بوروندي من لجنوب. رواندا بلاد طالعة فلإرتفاع، و تاتسمّا ب "لبلاد ديال ألف هضبة".[1] رواندا معروفة تا باللي فيها الضايات بزاف، و هي وحدا من لبلايص اللي تينبع فيها لواد د النيل.

رواندا

Rwanda (rw)

Flag of Rwanda.svg Coat of arms of Rwanda.svg
نشيد Rwanda Nziza
لعاصيمة كيڭالي
الساكينة
شحال دالسكان 12,208,407 (2017)
اللوغات الرسمية كينيارواندا
نڭليزية
لفرانساوية
السواحيلي
متوسط ديال لعمر 67.129 (2016)
لجغرافيا
لميساحة 26,338 كم²
لقمة لعالية جبل كاريسيمبي (4,507 م)
لبلاصة الطايحة واد روزيزي (950 م)
لإدارة
رئيس رواندا پول كاڭامي
رئيس وزراء رواندا Édouard Ngirente
لبرلمان لبرلمان د رواندا
لقتيصاد
لبيطالة (شوماج) 1 % (2014)
مؤشر التنمية لبشرية 0.524 (2017)
لفلوس فرنك رواندي
معلومات خرا
توقيت ديال لبلاد ڭرينيتش +2
رمز لبلاد RW
رمز لانترنيت ‎.rw‎
رمز التيليفون +250
نيميرويات دليرجونس 112 و 912
الجهة دالصوگان ليمن
السيت الرسمي gov.rw

رواندا معروفة ف لعالم بلمجزرة لكبيرة اللي وقعات فيها ف 1994، ما بين لقبايل د لهوتو و التوتسي، و اللي مات فيها كتر من مليون واحد. من مورا هاد لوقيتة لكحلة، تقادات شويا لأمور ف لبلاد، و دابا ولاّ عندها اقتصاد مزيان، و عندو أكبر نسبة د النمو ف إفريقيا (تيطلع ب 8% ف لعام[2]).

تيسكنو ف رواندا تقريبا 12.6 مليون د الناس و لعاصمة ديالها هي كيݣالي. لبلاد عندها ربعا د اللغات رسمية هوما لينݣليزية و لفرانساوية و لكينيارواندا و السواحيلي. ف 2008، بدلات رواندا اللغة اللولا ديالها اللي كاتخدّم ف التعليم و لإدارة من لفرانساوية للينݣليزية.[3] لفلوس اللي كاتخدّمو ف لبلاد هوما لفرنك الرواندي. رواندا داخلة مع بزاف د لمنضمات دولية بحال لأمم لمتحدة و لإتحاد لإفريقي و لكومونويلث (واخا ماعمرها ما كانت مستعمرة ديال بريطانيا).

لعيونعدل

  تقدر تزيد شوف بزاف د صور و معلومات ديال Rwanda ف ويكيميديا كومنز.