موريشيوس

موريشيوس ؤلا جزر موريس (بلموريسية: Moris - بلفرانساوية: Maurice - بلينݣليزية: Mauritius) هي بلاد أرخبيل ف لمحيط لهندي، جات من الشرق د إفريقيا، تقريبا 2000 كم عليها، و 860 كم على أقرب بلاصة ليها، اللي هي ماداݣاسكار. موريس فيها 4 د لجزر كبار، مفرقين ف لبحر، و هو اللي تيخلّي لمنطقة لإقتصادية اللي تابعاليها كبيرة بزاف و تاتفوت 2 د لمليون كم مربع.

أول أوروپيين وصلو لموريس كانو هوما لبرتغاليين ف 1507، و لكن ماداوهاش فيها. ف 1598 حتلّو لهولانديين لجزر ولكن خلاّوهم ف 1710. ف 1715، خدات فرانسا لجزر، ولكن ف 1810 خداتها منها بريطانيا، اللي بقات محتلاها تال 1968، اللي هو التاريخ د لإستقلال د جزر موريس.

تيسكنو ف جزر موريس تقريبا 1.2 مليون د الناس، و لعاصمة ديالها هي پور لوي. ماكايناش لغة رسمية ف الدستور د لبلاد، لأغلبية د الناس تيهضرو لموريسية، و ف لحوايج الرسمية تيخدّمو لينݣليزية ولا لفرانساوية. لفلوس اللي تاتخدّم هي الروپي لموريسي. موريس ماكاناوش فيها سكان أصليين ملّي تكتاشفاش، و عليها جاوليها ناس من بلايص بزاف، و ولاّت دولة مخلطة، ساكنين فيها لهندوس ولمسيحيين ولمسلمين. لجزر د موريس كانت هي لبلاصة لوحيدة ف لعالم اللي كان ساكن فيها الطير ديال الدودو، اللي نقارض ف 1662 من مورا ما بقاو تيصيّدوه بزاف د الناس اللي جاو للجزيرة.^[1]

عيون لكلام

^ "طائر انقرض بفعل الإنسان وأصبح رمزاً للسياحة - العربية (2017)". مأرشيڤي من لأصل ف 2021-09-28. تطّالع عليه ب تاريخ 2021-03-12.

تقدر تزيد شوف بزاف د تّصاور و لمعلومات ديال Mauritius ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "طائر انقرض بفعل الإنسان وأصبح رمزاً للسياحة - العربية (2017)". مأرشيڤي من لأصل ف 2021-09-28. تطّالع عليه ب تاريخ 2021-03-12.

[1]