الطوݣو

الطوݣو (بلفرانساوية: Togo) اولا لجمهورية د طوݣو هي بلاد جات ف لغرب د إفريقيا. تاتحدّها غانا من لغرب، بينين من الشرق، بوركينا فاصو من الشمال، و لمحيط لأطلسي ف لجنوب. لمساحة ديال لبلاد كاملة هي 56,785 كم²، و هو اللي تيخلّيها تكون ما بين أصغر لبلدان ف إفريقيا. لعرض ديال الطوݣو صغير بزاف، و لمسافة ما بين لحدود ف الشرق (مع بينين) و ف لغرب (مع غانا) غير 115 كيلوميطر.

الطوݣو عندها تاريخ قديم و سكنو فيها بزاف د لقبايل. من لقرن 16 ل 18، كانت لمنطقة معروفة ف لعالم بلبيع و الشرا د لعبيد، حتا تعرفات واحد لوقت ب "الساحل د لعبيد".^[1] ف 1884، ستعمرات ألمانيا لمنطقة، و سمّاتها "طوݣولاند". و لكن مورا لحرب لعالمية اللولا، اللي خسرات فيها ألمانيا، خدات فرانسا لبلاد، و بقات مستعمراها، تا ستاقلاّت لجمهورية د الطوݣو ف 1960.

تيسكنو ف طوݣو تقريبا 8.2 مليون د الناس^[2]، و لعاصمة ديالا هي لومي. اللغة الرسمية د لبلاد هي لفرانساوية، و لفلوس اللي كاتخدّم هي لفرنك د غرب إفريقيا. لأغلبية د السكان د طوݣو تيآمنو بلأديان لمحليّة ديالهم، و عاد كاين أقليات ديال لمسيحيين و لمسلمين ف لبلاد. طوݣو داخلة ف بزاف د لمنضمات عالمية بحال لأمم لمتحدة و لإتحاد لإفريقي، لمنضمة د التعاون لإسلامي، لمنضمة لعالمية د لفرونكفونية و إيكوواس.

عيون لكلام

^ "من ساحل الرقيق إلى قلعة العبيد - مركز الدراسات الإفريقية (2019)".
^ "معلومات على طوݣو - كتاب ديال سي آي إي". مأرشيڤي من لأصل ف 2023-10-12. تطّالع عليه ب تاريخ 2021-03-04.

تقدر تزيد شوف بزاف د تّصاور و لمعلومات ديال Togo ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "من ساحل الرقيق إلى قلعة العبيد - مركز الدراسات الإفريقية (2019)".

[2] "معلومات على طوݣو - كتاب ديال سي آي إي". مأرشيڤي من لأصل ف 2023-10-12. تطّالع عليه ب تاريخ 2021-03-04.

[1]

[2]