زيمبابوي
زيمبابوي، رسميا لجمهورية د زيمبابوي (بلينݣليزية: Republic of Zimbabwe) هي بلاد ماكاطلش على لبحر جات ف لجنوب د إفريقيا. تاتحدّها من الشمال زامبيا، من الشرق موزامبيق، من لغرب بوطسوانا ومن لجنوب جنوب إفريقيا. لحدود د زيمبابوي مرسومة ما بين جوج د لويدان كبار، اللي هوما لواد د زامبيزي، و لواد د ليمپوپو.
زيمبابوي
| ||||
|
Zimbabwe (sn)
| ||||
| نشيد | National Anthem of Zimbabwe
| |||
| لعاصيمة | هاراري | |||
| الساكينة | ||||
| شحال دالسكان | 15,178,979 (2022) | |||
| اللوغات الرسمية | نڭليزية لغة الشونا النديبيلية الشمالية شيشيوا Barwe Kalanga لغات خويسان Ndau لغة تسونجا Zimbabwe Sign Language سيسوطو Tonga التسوانية الفيندية الكوسية Nambya | |||
| متوسط ديال لعمر | 61.163 (2016) | |||
| لجغرافيا | ||||
| لميساحة | 390,757 كم² | |||
| لقمة لعالية | Mount Nyangani (2,592 م) | |||
| لبلاصة الطايحة | Runde River (162 م) | |||
| لإدارة | ||||
| رئيس زيمبابوي | إمرسون منانغاغوا | |||
| رئيس زيمبابوي | إمرسون منانغاغوا | |||
| لبرلمان | برلمان زيمبابوي | |||
| لقتيصاد | ||||
| لبيطالة (شوماج) | 5 % (2014) | |||
| مؤشر التنمية لبشرية | 0.593 (2021) | |||
| لفلوس | الدولار د ميريكان | |||
| معلومات خرة | ||||
| توقيت ديال لبلاد | ڭرينيتش +2 Africa/Harare | |||
| رمز لبلاد | ZW | |||
| رمز لانترنيت | .zw | |||
| رمز التيليفون | +263 | |||
| نماري د ليرجونس | 999، 994، 995 و 993 | |||
| جيهة د صوڭان | ليسر | |||
| السيت الرسمي | parlzim.gov.zw | |||
لبلاصة اللي فيها زيمبابوي دازو منها بزاف د لمملكات و لحضارات ف التاريخ لقديم بحال لمملكة د روزڤي و لمملكة د متواكازي. بدات بريطانيا تاتدخل للمنطقة ف 1890، و مورا بزاف د لحروب متقطّعة حتلات لبلاصة كاملة ف 1923، و سمّاتها لمستعمرة د جنوب روديزيا. ف 1965، قررو لأقلية د السكان لبويض يعلنو على لإستقلال د لبلاد، اللي تسمات ديك الساعة "روديزيا". بدات من بعد حرب أهلية ما بين لبويض و لكوحل، حيت لبلاد الجديدة كانت فيها عنصرية بزاف و سياسة ديال التفراق على حساب اللون.[1] ف 1980 ربحات لجبهة د التحرير د زيمبابوي لحرب، و بدّلو السمية د لبلاد ل زيمبابوي. واحد من لقيّاد د هاد لجبهة كان هو روبرت موݣابي، اللي ترأس لبلاد 30 عام (من 1987 ل 2017).
تيسكنو ف زيمبابوي تقريبا 14.3 مليون د الناس و لعاصمة ديالها هي هاراري. لبلاد عندها 16 لغة رسمية (أكتر وحدين تيتهضرو هوما لينݣليزية و الشونا و الشيوا و نديبيلي) و لفلوس اللي كاتخدّم هي الدولار د زيمبابوي. زيمبابوي داخلة مع بزاف د لمنضمات عالمية بحال لأمم لمتحدة و لإتحاد لإفريقي و مجموعة التنمية د إفريقيا لجنوبية.
عيون لكلامعدل
|
تقدر تزيد شوف بزاف د تّصاور و لمعلومات ديال Zimbabwe ف ويكيميديا كومنز. |