أمازيغي مستعرب
لأمازيغي لمستعرب هوّا واحد شّخص لي لوغتو د لم هيّا وحدة من لّهجات د لعربية، ولاكين لأصل ديالو أمازيغي.
على حساب ناشطين أمازيغيين، أغلبية د سّكان ديال شمال إفريقيا، بمن فيهوم لي ف لمغريب، دزاير، تونس ؤ ليبيا عندهوم ؤصول أمازيغية، ؤ هاد نّاشطين كيناضلو باش ترجع لهوية لحقيقية ديال شمال إفريقيا، من لمنضور ديالهوم.[1]
تاريخ
بدللمصادر تّاريخية ليونانية ؤ رّومانية كاتبيّن بلي شمال إفريقيا كانت مأهولة بشكل كبير من لفترة لقديمة. لبحت لأركيولوجي ف لفترات لقبلتاريخية كايبين أيضاً بلي ماكانش نقيطاع ديال سّكنة ف شمال غرب إفريقيا ف مليون عام لّخرة. ف لمصادر لعربية لقديمة كانلقاو بلي شمال إفريقيا، من غير مصر، كاتسمّا بلاد لبربر. هاد تّسمية تقدر تكون هيّا لأصل ديال موصطلح بارباريا لي خدّموه لؤروپيين على لمغرب لكبير تال لقرن 19.
تّحول لعام من لأمازيغية ل لعربية طرا بشكل تدريجي من لفوتوحات لإسلامية ف شمال إفريقيا ف لقرن 7، تال لقرن 20 ؤ 21، ؤ سبابو بشكل رئيسي هوّا لپريستيج لي كان عند لعربية كا لوغة ديال دّين، ديال تّقافة ؤ لمؤسسات د دّولة، عكس لأمازيغية لي ف أغلبية د لمراحل تّاريخية مالعباتش هاد لأدوار على مستوى كبير. كاينين عوامل تاريخية خرة بحال لهجرة ديال بني هلال ؤ قبايل عربية خرة ل شمال إفريقيا مابين لقرن 11 ؤ 13.
تا ف لأندلس، على حساب بعض تّوارخيا، أغلبية د لهجرات كانو من شمال إفريقيا ديال أمازيغ، لي تعرّبو ل واحد دّرجة بلي نساو لؤصول ديالهوم، ؤ ولاو كيدّاعيو أصل من شي قبيلة عربية مشهورة.[2]
عيون لكلام
بدل- ^ ؤفرا بينݣيو؛ ݣابرييل بن دور (1999). Minorities and the State in the Arab World. Lynne Rienner Publishers. ص. 33. ردمك 978-1-55587-647-0. مأرشيڤي من لأصل ف 2023-04-14. تطّالع عليه ب تاريخ 2022-08-18.
- ^ مارك د. مييرسون (19 غشت 2022). The Muslims of Valencia in the Age of Fernando and Isabel [لمسلمين د ڤالينسيا ف عهد فيرديناند ؤ إيزابيل]. مطباعة جامعة كاليفورنيا. ص. 233. ردمك 9780520371774.
Guichard argues in favor of an early Berberization of the area... the Berbers were so Arabized that they pretended an affiliation to prestigious Arab tribes
 هادي زريعة ديال مقالة خاصها تّوسع. تقدر تشارك ف لكتبة ديالها. |