ݣورزيل

ݣورزيل هوّا رب أمازيغي كانو كيعبدوه لأمازيغ لقدام، سيرتو لقبايل ديال لواتة ف ليبيا. لعيبادة ديالو تقدر تكون كانت واصلة حتال وليلي ف لمغريب. ف دّيانة لأمازيغية لقديمة، ݣورزيل كان كيتّعتابر رب د رّعد ؤلا رب د لحرب، ؤ هوّا ولد رّب لّيبي لميصري أمون، ؤ كيتمتل علا شكل تور.

نقيشة بونيقية كاتدكر ڭورزيل

علا حساب شنو كتب لمؤرخ لأندلسي البكري، تقدر تكون لعيبادة د ݣورزيل ستامرات حتال لقرن حضاش لميلادي، ف مدينة ݣيرزا ف لجنوب شّرقي د ليبيا، لّي غالبا تسمات عليه، ؤ كان فيها معبد خاص ب ݣورزيل.

ݣورزيل مدكور ف قصيدة سميتها يوهانيس ديال لكاتب لأمازيغي رّوماني كوريپوس، لّي وصف فيها لحروب ما بين لمور ؤ رّومان شّرقيين ف لقرن سّات لميلادي. سّمية ديالو أيضا مدكورة ف نقيشة نيوبونيقية تّلقات ف ليپتيس ماݣنا ف ليبيا، ؤ مديورة قبل من سّمية د رّب رّوماني ساتورن، شّي لّي كيدل علا لأهمية لكبيرة ديالو. كوريپّوس دكر بلي شّاف ديال قبيلة لواتة كان ف نفس لوقت راهب ديال ݣورزيل، ؤ بلي تصاور ديال هاد رّب علا شكل تور كانو كيتخادو ديما ف لحرب. قبل لبدية د لمقاتلة، كانو لّواتيين كيطلقو تور د بصّح علا لعدو ديالهوم.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.