كوريپوس
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
فلاڤيوس كريسكونوس كوريپوس كاتب ؤ شاعر ؤ توارخي أمازيغي روماني عاش ف لقرن 6، ؤ لي لكاريير ديالو عرفات زديهار تحت لحكم ديال لأباطيرا لبيزنطيين يوستينيان لّول ؤ يوستين تّاني. لأعمال لمعروفة ديالو هوما قصيدة ملحامية ب عنوان يوهانيس Iohannis، ؤ قصيدة خرة ب عنوان "مدح يوستين لأصغر" In laudem Iustini minoris. كوريپوس كيتّعتابر ف لغالب آخر كاتب لاتيني موهيم ديال لعصر لقديم.[1]
كوريپوس
| ||
| معلومات عامة | ||
| زيادة | لقرن 6 شمال إفريقيا | |
| لموت | أقدم تاريخ ممكن 568 | |
| لجنسية | لإمبراطورية لبيزنطية | |
| لحرفة | شاعير و كاتب | |
| لّوغات لي كيعرف | اللاتينية | |
| لفاميلة | ||
| لإتنية | أمازيغ | |
| معلومات خرى | ||
| دين | مسيحية | |
| لأعمال |
| |
حياتو بدل
كوريپوس أصلو من شمال إفريقيا، ؤ كان مدكور ف واحد لوتيقة بلي كان "موعلّيم" (ب لّاتينية grammaticus). بعض تّوارخيا كيعتاقدو بلي راه هوّا نفس شّخص لمعروف ب سميت كريسكونيوس أفريكانوس، لي كان فرايلي عاش تال لقرن 7، ؤ لي ألّف كتاب ديال لقانون لمسيحي ب عنوان "كونكورديا كانونوم" Concordia Canonum، ولاكين ماكاينينش أديلّا كافية كاتتبت هاد لفرضية.
مامعروفة تا حاجة على كوريپوس من غير داكشي لي مدكور ف لقصايد ديالو. على ماكيبان كان شاد لمنصب ديال نوطير ف لمحكمة تحت لإدارة ديال أناسطاسيوس، لي كان أمين لمال ديال يوستينيان لّول. ف لأواخر د لفترة د لحكم ديال يوستينيان، كوريپوس هاجر من شمال إفريقيا ل لقسطنطينية (دابا إسطنبول ف تركيا)، ف لغالب حيت فقد لممتلكات ديالو ملي هجمو لڤندال على لبيزنطيين، ؤ تّورات لمورية لي شعلو موراها.
لأعمال بدل
لأعمال ؤ لأسلوب ديال كوريپوس تلقّاو بزاف د لمدح، سيرتو حيت أصلو ماشي طالياني ؤلا ؤروپي ؤ كان كيكتب ب لّاتينية بشكل سلس.
يوهانيس بدل
مقالة متعمقة: يوهانيس (قصيدة ملحامية)
هاد لكتاب مكتوب على شكل قصيدة ملحامية، ب نفس لعنوان، لي معروفة أيضاً ب عنوان "على لحروب لّيبية" De bellis Lybicis. هاد لقصيدة ماتّكتاشفات تال لقرن 19، ؤ كاتعاود على لجينيرال يووانيس طروݣليطا لي كان كوماندان ديال لجيش لبيزنطي ف شمال إفريقيا، و لي حارب لمور ؤ قدر يتغلب عليهوم. يوهانيس، لي كان هدية ل لأعيان د مدينة قرطاج، فيه 8 د لݣزوات، لّخر فيهوم ماكاملش، ؤ 5000 سطر. لكتاب كيبدا فاش يوستينيان عطا أمر ل لجينيرال باش ينضم ل لحرب، ؤ كيسالي فاش نتاصر ف معراكة قرطاج ف 548 ميلادية. لكتاب كان مدكور عند توارخيا بحال يوهانيس كوسپينيانوس، ؤ كان سّلطان لعتماني سليمان لّول دمّر نسخة ديالو، ولاكين ماتّكتاشفات نسخة خرة منو تال 1814 ف ميلانو ف طّاليان.
لقصيدة د يوهانيس قيمتها كاتّجاوز لمحتوى تّاريخي ديالها، لي كيوصف شّعوب ديال شمال إفريقيا ف لعصر لقديم لّخر، ؤ كاتّعتابر تحفة أدابية كبيرة د لّاتينية.
مدح يوستين لأصغر بدل
هاد لقصيدة من 4 د لݣزوات، و كاتعاود على لوفاة ديال لإمبراطور يوستينيان لّول، ؤ طلوع يوستين تّاني ل لعرش ف 13 نونبر 565، ؤ لأحدات لي طراو ف لبدية د لحكم ديالو.