هشام نوستيك

كاتب، يوتيوبر ؤ پودكاستر مغريبي

هشام نوستيك (مزيود ف تازة ف 1976)[1][2] لّي مشهور بسمية كافر مغربي، و لّي سميتو لحقيقية يمكن تكون هشام بوليمان (على حساب بعض لمقالات صّحفية)[مصدر؟] هو كاتب مغريبي و منتج محتوى ف إنترنيت عايش ف كندا. نوستيك معروف ب لبرامج ديالو (ولا لّي كاينتجها و يساهم فيها مع ناس خرين) لّي كاتشد ف لأديان. نوستيك كايعرف راسو على أنو لاأدري (أݣنوستيك) و ملحد ب لإلاه لإبراهيمي لّي كايتشاركو فيه لإسلام ولمسيحية و ليهودية. نوستيك ألف كتوبا ب دّاريجا[3] كاتعاود على سّيرة داتية ديالو و كيفاش تطورات لأفكار ديالو و لّي كايفصل فيها لمواقف ديالو على لأديان و لإسلام ب دّات.[4][5]

هشام نوستيك
معلومات عامة
زيادة 1976 (47/48 عام)
تازة
لجنسية لمغريب
كانادا
لحرفة كاتب، يوتوبر، پودكاسطر و منتج
لّوغات لي كيعرف عربية، نڭليزية، لألمانية، الداريجة لمغريبية و لفرانساوية
معلومات خرى
لأعمال
Facebook: HichamNostikOfficial Twitter: HichamNostik Instagram: hichamnostikofficial Youtube: UCTVh-cqx43BP04yOYVPGnzw Patreon: hichamnostik Twitch: hichamnostik Modifica els identificadors a Wikidata


حياتو بدل

نوستيك خلاق ف تازة و دوز صغرو ف ضروف صعيبة. ماتو واليديه و هو صغير و تكلفات بيه ختو و راجلها، لّي رباوه مع ولادهوم ف قنيطرة. ف لمغريب كان نوستيك ف شّباب ديالو متأتر ب لحركات لإسلامية، و دخل مع منظمات بحال دّعوة و تّبليغ و لعدل و لإحسان. من بعد لباك هاجر ل ألمانيا و تما دخل مزيان ف لجماعات لإسلامية سّلفية و مشا بعيد ف أفكار لجهاد. جراتو ديك تّجربة تال لبوسنة ف تسعينات لّي كانت كاتعرف حرب أهلية. من بعد داتو ظّروف باش يدرس لأدب لألماني و من بعد لمسيحية، تما بدات مرحلة شّك عندو و لّي كملات ب أنو ولا لاأدري و بدا كايخدم ف إنتاج محتويات "كفرية" على حساب كيفاش كايسميها. هاد لإنتاجات ديالو لقات متابعة كبيرة ف لمغريب و دّول لهاضرة ب لعربية.

لكتوبا ديالو بدل

  • مذكرات كافر مغربي (ب دّاريجة). دار نّشر التوحيدي. 2019.
  • حوار مع المسلم اللي ساكن فيا (ب دّاريجة). دار نّشر التوحيدي. 2020.
  • العدمية البراغماتية ؛ مفتاح السعادة (ب دّاريجة). دار نّشر التوحيدي. 2022.[6]

لبرامج و لإنتاجات ديالو بدل

  • "حوارات هشام" - حوارات صحفية تايديرها مع شخصيات من لمغريب و من برا لمغريب كاتدوز ف يوتيوب و فايسبوك.
  • "قبسات من حياة الأنبياء" - سلسلة تمثيلية ساخرة.
  • "قبسات من حياة الرسول" - سلسلة تمثيلية ساخرة.
  • مسلسلات صوتية ؤلا مصورة ساخرة ديال رمضان: "أهل الكهف" - "أحداث النهاية" - "مائدة الأنبياء".

عيون لكلام بدل

  1. ^ "هشام نوستيك يكشف سبب إلحاده ودوافع قناته "كافر مغربي" (حوار)". مأرشيڤي من لأصل ف 2023-06-14. تطّالع عليه ب تاريخ 2020-02-17.
  2. ^ "دار التوحيدي للنشر، هشام نوستيك" (ب لعربية). مأرشيڤي من لأصل ف 2023-08-06. تطّالع عليه ب تاريخ 2021-03-16.CS1 maint: unrecognized language (link)
  3. ^ أحداث ثقافية "كافر مغربي" يصدر سيرته الذاتية بالدارجة المغربية
  4. ^ ""كافر مغربي" يخرج من الإسلام ويدخل إلى "معرض الكتب" بالبيضاء". مأرشيڤي من لأصل ف 2020-02-17. تطّالع عليه ب تاريخ 2020-02-17.
  5. ^ "كافر مغربي: هكذا تركت الإسلام.. وهذه قصة مذكراتي". مأرشيڤي من لأصل ف 2020-02-17. تطّالع عليه ب تاريخ 2020-02-17.
  6. ^ "العدمية البراغماتية ؛ مفتاح السعادة" (ب لعربية). 20 يناير 2022.

لمزاود بدل