عوام 1990
| هادا مقال بوتي، عاون ف لمراجعة و التطوير ديالو. |
عوام 1990 ؤلا عقد 1990 ولّا التسعينات د لقرن لعشرين هوّ عقد ديال الزمان بدا ف 1 يناير 1990 و سالا ف 31 دجنبر 1999. هاد لعقد كيتسمى "لعقد مور لحرب لباردة"، لي ف لمخيّلة التقافية كيتمتّل ف لأحدات لي طراو مور التورات ديال 1989 و تسالاو معا لهجمات د 11 شتنبر 2001.[1] لإنحلال ديال لإتحاد السوڤياتي علن على سقوط روسيا كا قوة عظمى، النهاية ديال النظام لعالمي متعدد لأقطاب، و طلوع لمشاعر ضد لغرب. الشينوا كانت باقية كاتتعافى من فترة سياسية و قتيصادية صعيبة.[2] هادشي خلّا لميريكان تطلع كا قوة عظمى وحيدة ف لعالم، شي لي خلق حالة نسبية ديال السلام و لإزدهار ف لبلدان لغربية. ف هاد لعقد تزاد التعداد د لبشري من 5,1 ل 6,3 مليار واحد.[3]
شوفة عامة
بدللعقد ديال التسعينات شاف هتمام كبير ب التعدد الثقافي و تقدّم لإعلام لبديل. التوعية لعامة حول السلوك الجنسي الآمن قلّلات من نتيشار ڤيروس نقص لمناعة (لإيدز) ف لبلدان لمتقدّمة. جيل X[ن 1] ف لغرب كانو كيتقربو من بعضهم من خلال الدوق الموسيقي ديالهم. التقشاب ف التلفازة و لأفلام تميّز ب السخرية من الدات معا إشارات تقافية شعبية. حركات لموسيقى البديلة بحال لڭرانج، الرّيڭايتون، ليورودانس، و لهيپ هوپ، ولاو مشهورين، سيرتو مع تزايد لقنوات لفضائية و التلفازة ب لكابل، و لأنتيرنيت. و بانو أنماط جديدة ديال لموسيقى ب الطبل و لباص، المور-روك post-rock، لهاپي هاردكور happy hardcore، الدينپا denpa، و الطرانس trance. شعبيّة اللوعاب د التيليجو طلعات بزاف بفضل تطوير الرسوميات ب تلاتة د لأبعاد، على السيديات ف منصات بحال پلايستيشن ديال صوني، نينتاندو 64، و لپيسي.
التطور الطيكنولوجي عطانا الريزو الرتيلي لعالمي ولّا لويب، لي عامة الشعب ماكيفرّقوهش على أنتيرنيت (طيكنولوجيا لي كانت ديجا بانت من الستينات). زيادة على هادشي بان پروصيصور د پانتيوم، لباتريات د الليتيوم لي كيعاودو يتشارجاو، أول تجارب ديال لعلاج ب الجينات، و لكلوناج. مشروع الجينوم د بنادم تلونصى من عند لمؤسسة لوطنية د الصحة لميريكانية ف 1990، ب هدف ديال الصيكونصاج ديال الدنا د بنادم ب لكامل. الزداح لكبير د لهادرونات، أكبر كسيراتور د لفرتيتات ف لعالم، بدا لبني ديالو ف 1998. ناسداك ولّا أول سوق د التعامولات د لميريكان كاتخدم ف أنتيرنيت. بزاف د الشركات ولاو كيدخّلو السيستيمات د لانفورماتيك.
.png)
شوف تا
بدلكرونولوجيا
بدلمقالات د لعقد د 1990:
نويطات
بدل- ^ جيل د الناس لي تزادو مابين 1965 و 1979
مصادر
بدل- ^ The Nineties, A Book by Chuck Klosterman, pg. 132
- ^ Lovell، Julia (15 October 2022). "The 1980s Are Buried but Not Dead in China". Foreign Policy (ب نڭليزية). تطّالع عليه ب تاريخ 2023-03-09.
- ^ "World Population Growth Rate 1950-2022".
 هادي زريعة ديال مقالة خاصها تّوسع. تقدر تشارك ف لكتبة ديالها. |
