معاونة:كيفاش تزيد لعيون

هاد لمقال كيحاول يشرح، من نّاحية تّقنية، كيفاش كيتزادو لمصادر د لمعلومات (عيون لكلام كيف كانسمّيوهوم ف ويكيپيديا ب دّاريجة). لحكام د لعيون ب لموقابيل موجودين ف ويكيپيديا:لحكام د لمحتوى - عيون لكلام.

وحدة من سّياسات لأساسية ديال ويكيپيديا هيّا لمراجعية، يعني لقابلية ديال لمعلومات باش يتراجعو ؤ يتڤيريفاو من طاراف أي كتاتبي ؤلا قاري. لمقالات د ويكيپيديا خاصها تكون موتّقة ب عيون موتوقة لي كاتدعم لمحتوى د لمقال، سيرتو لمعلومات لي يقدر شي حد يشكّك ف صّحة ديالها. ويكيپيديا أيضاً ماشي بلاصة ديال لأبحات لأصلية، ؤ ماخاص حتا كتاتبي يزيد معلومات ؤلا ستينتاجات من راسو، بلا مايتحقق بلي كاينة ف شي مرجع موتوق. يلا كنتي كا كتاتبي كاتزيد معلومات إضافية ل شي مقال، كاتبقا لمسؤولية ديالك باش تزيد عيون لي كاتدعم ديك لمعلومات. أي معلومات مامدعوماش تقدر تعرّض ب سوهولة ل تّحياد. ف شي حالات يقدر شي كتاتبي أخور يزيد طّاڭ ديال خاص شي عين/مصدر لهادشي، باش يعطي لفورصة ل مول تّعديل لأصلي يزيد عيون مناسبة. ولاكين ف بزاف د لحالات يقدر داكشي يتحيّد ب كل بساطة. لكتاتبي خاصّو يحاول يزيد لعيون بأمانة (ماديرش عين مافيهاش لمعلومات لمقصودة ؤلا عين خيالية لي ماكايناش ڭاع)، ؤ بدقة (متلا يدير حتا نّمرة د صّفحة ف كتاب ؤ يلا قدر حتا لمقطع من لكتاب لي فيه لمعلومة)، باش يسهّل لمراجعة ديال لعيون.

كاينين بزاف د لأنواع د لعيون، بحال لمقالات صّحافية ف لويب ؤلا ف جّورنالات ؤ لمجلات، لمقالات لعلمية، ؤ لكتوبا. كلا واحد فيهوم عندو طاݣ ؤلا قالب خاص بيه باش كيتزاد ف لموضع د تّيكست لي محتاجين ليه.

طّاݣ ref ؤ قالب:عيونعدل

باش يتجمعو لعيون ف بلاصة وحدة، خاص لقالب د كلا لعين يكون مضور بيه طّاڭ د <ref>سمية ؤلا ليان ؤلا قالب د لعين</ref>. بشكل ؤطوماتيكي كيتجمعو لعيون ف لّخر ڭاع د لمقال. يلا بغيتي يتجمعو لعيون ف موضع محدد د لمقال (ماشي ب ضّارورة ف لّخر ڭاع) متلا تحت فقرة خاصة ب لعيون، كاتستعمل قالب:عيون ب هاد شّكل:

== عيون لكلام ==
{{عيون}}

طّاݣ ref تقدر تزيدو ب كليك واحد على "مرجع" ف لبارة ديال تّعديل.

 

يلا كتبتي لعين كيما موصوف ف لفقرة لي قبل غادي تبان هاكا:[1]

عيون لكلامعدل

  1. ^ سمية ؤلا ليان ؤلا قالب د لعين

أبسط طاريقةعدل

يلا وحلتي ف زّيادة د لعيون، ؤ بغيتي طاريقة ساهلة، يكفي تزيد سّمية د لعين بين طّاݣات د ref كيما ديجا مشروح قبل، متلاً:

<ref>الإستقصا في أخبار المغرب الأقصى، الناصري، ص. 65</ref>

يلا كانت لعين على شكل ليان د لويب، تقدر تزيدها ب أبسط طاريقة هاكا:

<ref>[http://www.google.com ݣوݣل]</ref>

صفحات د لويبعدل

لعيون لي على شكل صفحات عامة د لويب (ديال شي سيت د لويب) كيتقادو ب ستيعمال قالب:مرجع ويب ؤلا قالب:Cite web. هاد لقالب كيسمح ب وضع معلومات محددة على لعين، بحال لعنوان، تّاريخ فاش صدرات، تّاريخ فاش تشافت، لّيان (رابط) د لويب، لّوغة، طّرجامة د لعنوان يلا ماكانش ب دّاريجة، سّمية د سّيت، مقطع من لعين لي عندو علاقة ب لموضوع... لقالب ؤ لمودول لي خدّام من موراه كيتكلّفو ب لفورماطاج ديال نّص د لعين باش تبان بشكل مزيان ؤ مقاد. تّفاصيل ديال تّخدام د هاد لقالب كاينة ف ضّوكو د لقالب براسها. ف لكوض كيبان هاد لقالب هاكا:

{{مرجع ويب
|url=لّيان
|title=لعنوان
|trans-title=طّرجامة د لعنوان
|date=تّاريخ فاش صدرات (متلا 6 مارس 2004)
|website=سّمية د سّيت
|access-date=تّاريخ فاش تشافت (متلا 25 أكتوبر 2021)
|quote=مقطع
|language=لّوغة (ب سّمية بحال "لعربية"، ؤلا لكوض د لّوغة بحال "ar"
}}

باش يتزاد معا لعيون، غادي يخص تضوّر هاد لقالب ب طّاݣ د ref ب طابيعت لحال.

لكتوباعدل

قالب:مرجع كتاب ؤلا قالب:Cite book

جّورنالات ؤ لمجلاتعدل

قالب:مرجع جورنال ؤلا قالب:Cite journal

لخبارعدل

قالب:مرجع خبار ؤلا قالب:Cite news