مليلية

مليليةلأمازيغية ⵎⵔⵉⵛ، مريش ؤلا ⵎⵍⵉⵍⵜ، مليلت) مدينة مستاقلة تابعة إدارياً ل سپانيا على ضّفة شّمالية د لمغريب، جات على بعد ديال 14 كيلوميطر تقريبان من ناضور (~16 كيلوميطر صوݣان). مليلية من بين لبلايص لقلال ف إفريقيا لي باقة تحت حتيلال سپنيولي ؤ ؤروپي، لوخرين هوما سبتة، ݣزاير لكاناري ؤ شي ݣزاير قلال مامسكونينش.

مليلية

Melilla (es)

Flag of Melilla.svg Escudo de Melilla.svg
(Melilla) Aterrizando en Melilla (16668390111).jpg
لبلاصة
لبلاد صبانيا
لعاصيمة لا قيمة
لجيهة صبانيا
لإقليم صبانيا
لإدارة
لعمدة Eduardo de Castro González (15 يونيو 2019)
السكان
شحال دالسكان 86,261 (2021)
السكان الدكور 43,894 $1
السكان لعيالات 42,593 $1
لجغرافيا
لميساحة 12.338 كم²
معلومات خرا
توقيت ديال لمدينة ڭرينيتش + 1
ڭرينيتش +2
نمرة التيليفون لمحلية 952
كود د لبوصطة 52001
السيت الرسمي melilla.es
الرمز لجغرافي 6362988

ف لعصور لقديمة، مليلية كانت معروفة ب سميت "روسادير" ؤ كانت من ديما مخدّمة كا مرسا د لباطوات. طاحت ف يد سپانيا ف 1497، ؤ من تما بقات تابعة ليها وخا كانو محاولات ديال لمغاربا باش يردّوها. وحدة ف هاد لمحاولات، فوقت حرب رّيف، قرّبات تصدق ب قيادة محمد بن عبد الكريم الخطابي ف 1921. ف يوليوز 1936، كانت مليلية من لمدون لّولين ف سپانيا لي ناضو ضد لجبهة شّعبية، ؤ ساهمات ب داكشي ف لبدية ديال لحرب لأهلية د سپانيا. فاش لمغريب خدا ستيقلالو على سپانيا ف 1956، خلّات مليلية ؤ مارجّعاتهاش ل لمغريب، بحال أراضي خرة لي كانت مغريبية تاريخياً. ف 1995، قبلات لحوكومة د سپانيا باش تعطي ل مليلية ؤ سبتة حوكم داتي ف إطار سّيادة د سپانيا.[1]

لقتيصاد د مليلية معتامد على ليكسپور ديال لحديد لي كيتمنجم ف جبال رّيف، ب لإضافة ل لميطالورجي، تّيكستيل، ؤ تاخرّازت. سّرابس، سيرتو سّياحة، حتا هوما كيلعبو دور متزايد ؤ كيشكلو جزء موهيم من لقتيصاد د لمدينة. جوج تلات ديال سّكان د مليلية كاطوليكيين، ؤ لما باقي أغلبية مسلمين.[1]

عيون لكلامعدل

  1. ^ a b "موسوعة بريطانيكا، مليلية". موسوعة بريطانيكا (ب نڭليزية).
 
هادي زريعة ديال مقالة خاصها تّوسع. تقدر تشارك ف لكتبة ديالها.