محمد بن عبد الكريم الخطابي

محمد بن عبد لكريم لخطابي (تولد فأجدير ف 1882، مات ف لقاهرة فمصر ف 6 فبراير 1963)، و لي معروف بسميت مولاي موحند، ولا عبد الكريم، كان قائد سياسي وعسكري د لمقاومة فلمنطقة د الريف فوقت لإستعمار صبليوني و لفرانساوي للمغريب.

محمد بن عبد الكريم الخطابي
محمد بن عبد الكريم الخطابي
معلومات عامة
زيادة 12 يناير 1882
أجدير
لموت 6 فبراير 1963 (81 عام)
لقاهرة
طريقة دلموت موتة طبيعية
لجنسية لمغريب (1882–1963)
لحرفة قاضي شرعي، سياسي، صحافي، مقاوم، كتاتبي و رئيس
لفاميلة
لواليد عبدلكريم لخطابي
خوت Mhamed Abd el-Krim
معلومات خرى
دين إسلام
لعسكر
لڭراد قائد عام
لحروب معركة أنوال و حرب الريف (1920 - 1927)


الخطابي ف لغلاف د لمجلة د "تايم" ديال 17 غشت 1925.

تولد فوسط عائيلة ديال لأعيان، باه عبدلكريم لخطابي كان خدام قاضي.

لخطابي معروف باللي كان تيخدًم تقنية د حرب لعصابات، لي خلاتو يربح بزاف د لمعارك، منها لمعركة د أنوال، لي ماتو فيها كتر من 10.000 عسكري صبليوني.[1] من 1921 ل 1926، أسس الخطابي لجمهورية د ريف، و كان هو رئيس ديالها. ف 1926، تحبسات هاد لجمهورية من بعد ماتحالف سلطان مولاي يوسف مع فرانسا وصبانيا[2] وخدًمو لأسلحة لكيماوية باش يقضيو على لمقاومة فريف.

من مورا ما استسلم لخطابي، نفاتو فرانسا لجزيرة لاريينيون، اللي ݣلس فيها 22 عام، حتى مشا لمصر وخدا فيها اللجوء ف 1948، وبقا ساكن ف لقاهرة حتا مات وتدفن فيها ف 1963.

لخطط ديال لخطابي فحرب لعصابات أترات على بزاف د لقادة لي غايجيو من موراه وتعلمو منو بحال شي ݣيڤارا وهو شي مين و ماو تسي طونݣ. لخطابي كان هو أول مغربي بان فالصفحة اللولا ديال مجلة "تايم" لميريكيانية، ف غشت 1925.

عيون لكلامعدل

  تقدر تزيد شوف بزاف د صور و معلومات ديال Abd el-Krim ف ويكيميديا كومنز.