لفن د لحرب
ميّز على لفن د لحرب د سون بين.لفن د لحرب (ب الشينوية: 孫子兵法، حرفياً الطريقة لعسكارية ديال سون تزو) كتاب ديال لفلسفة و السطراتيجية لعسكارية ألّفو الجينيرال الشينوي سون تزو، غالبا ف لّخر ديال لفترة د الدولات لمتحاربة (فترة لي كانت الشينوا فيها مقسّمة ل 7 د الدولات كيتحاربو بيناتهوم).[1] لكتاب فيه 13 شاپيطر كلا واحد فيهوم كيهضر على نوع من نواع السطراتيجيات لعسكارية، بحال لختيار ديال لأرض د لمعراكة، ولا التاجسّوس على لعدو.
لفن د لحرب
| ||
| ||
| معلومات عامة | ||
| عنوان أصلي | 孫子兵法 | |
| لموضوع رئيسي | فنون عسكارية | |
| نوع د لكتاب | إيكونومي، رسالة بحثية و treatise on war | |
| طبعات ؤ طرجمات | The Art of War، The Art of War, the New Translation، 孫子، Adabka dagaalka : sun txu، The Book of War, the military classic of the Far East و Q18824166 | |
| مؤلف | سون تزو | |
| لبلاد لأصلية | الشينوا | |
| لّوغة لأصلية | الشينوية لكلاسيكية | |
| لكوپيرايت | ضومين عام | |
لفن د لحرب كان تّشكر بزاف و تطبّق ف لحروب ف شرق أسيا من نهار بان. ف لقرن 20 لكتاب تّشهر بزاف و ولا عندو تطبيق ماشي غير عند لعسكر، مي تا ف تّاجسوس، السياسة، التبزنيس و ف السپور، سيرتو ف لعالم لغربي.
لكتاب تطرجم ل لفرانساوية أول مرة ف 1772، و ب النݣليزية ف لبدية د لقرن 20. كاينين طرجمات ديالو تا ب لعربية.
الشاپيطرات د لكتاب
بدلكلا شاپيطر ف لكتاب كيهضر على نوع من نواع السطراتيجيات لعسكارية، و شنو لمواصفات لي خاصها تكون ف الجينيرال د لارمي باش يقدر يطبقها. لكتاب متأتر بزاف ب لفلسفة الطاوية، سيرتو من الناحية د لمعايير لأخلاقية و النفسية.[2]
شاپيطر 1: لحطّان د لبلانات
بدلكيهضر على 5 د لعوامل لأساسية (الطريقة، لفصول، التيران ؤلا لأرض، لقيادة، و الجيستيوناج) و سبعة د لعناصر لي كاتحدد النتيجة د التلاحمات لعسكارية. ب التفكير و التقدير و لمقارنة د هاد لعوامل، الجينيرال يقدر يحسب لحتيمال د الرباح د لارمي ديالو. هاد الشاپيطر كيشدد على لفكرة بلي لحرب قضية ديال الدولة لي خاصها تّخاد ب جدية، و بلي الجينيرال د لارمي ماخاصوش يبداها بلا مايكون خمم مزيان ف لعواقب ديالها.
قتيباس مشهور:
جميع لحروب مبنيين على لخدعة
شاپيطر 2: شن لحرب
بدلكيشرح التفاصيل ديال لقتيصاد د لحرب، و كيفاش الإلتحامات لعسكارية لمصيرية ماخاصهاش تشد وقت طويل باش يكون الرباح مضمون. هاد الشاپيطر كينصح مول السطراتيجية لعسكارية باش يحد من لمصاريف د لحرب.
قتيباس مشهور:
ماعمّر شي دولة ماستافدات من حرب طويلة
شاپيطر 3: السطراتيجية د لاطاك
بدلكيعرّف لمصدر ديال لقوة د لارمي بلي هوّا التوحد ديالها ماشي لحجم ديالها. و كيناقش لعوامل لخمسة ديال النجاح ف أي حرب. هاد لعوامل، مرتّبين على حساب لأهمية، هوما: لاطاك، السطراتيجية، التحالفات، لارمي، و لمدون.
قتيباس مشهور:
لفن د لحرب هوّا باش تغلب لعدو ديالك بلا ماتدخل معاه ف مطايفة
قتيباس أخور:
عرف راسك و عرف لعدو ديالك و غادي تغلبو بلا ماتّعرض ل لخطر
شاپيطر 4: لمناورات الطاكتيكية
بدلكيشرح لأهمية ديال الدفاع على لموضع لي شداتو لارمي، قبل ماتزيد ل لݣدام بشكل ناجح. كيعلّم لكوماندانات لأهمية ديال التعرف على لفرص السطراتيجية، و ف نفس لوقت بلي ماخاصهومش يعطيو فرصة ل لعدو ديالهوم.
شاپيطر 5: الطاقة د لارمي
بدل
كيشرح كيفاش لإبداع و التوقيت يقدرو يتخدمو باش يعطيو طاقة و قوة نفسية ل لارمي.
قتيباس مشهور:
لفرص يقدرو يبانو ف عز لفوضى
شاپيطر 6: نقاط الضعف و نقاط لقوة
بدلكيشرح كيفاش لفرص ديال لارمي كيجيو من فتحات ف لمحيط ديالها لي سبابها ضعف نسبي ديال لعدو، و كيفاش خاصها تستاجب ل تغيرات مستامرة ف ساحة لمعراكة.
قتيباس مشهور:
دير راسك ضعيف فاش تكون قوي، و قوي فاش تكون ضعيف
شاپيطر 7: لمناورة ب لارمي
بدلكيشرح لخطورة ديال لمواجهة لمباشرة، و كيفاش الجينيرال د لارمي يقدر يربح هاد لمواجهات يلا تزيّر باش يواجه و ماكانش حل أخور.
قتيباس مشهور:
خبي بلاناتك و ماتخليها تبان بحال الضلمة د الليل، و ملي تّحرك، طيح على عدوك بحال لبرق
شاپيطر 8: نواع الطاكتيكات لحربية
بدلكيشرح ضرورة باش تكون الستيجابة ديال لارمي فليكسيبل، و كيفاش تّدار على حساب الضروف لمتغيرة.
شاپيطر 9: الزحف ب لارمي
بدلكايوصف لوضعيات مختالفة لي تقدر لارمي تلقا راسها فيها، معا دخولها ف لمجال ديال لعدو، وكيفاش تقدر تستاجب ل هاد لوضعيات. أجزاء كبيرة من هاد الشاپيطر كاتركز على كيفاش تفهم لأهداف ديال لخرين.
شاپيطر 10: نواع التضاريس و لأراضي
بدلكايوصف لمجالات التلاتة ديال لمقاومة (لمسافة، لخطورة و لحواجز)، و ستة د لپوزيصيونات على لأرض لي كيجيو منهوم. كلا وحدة من هاد لپوزيصيونات تقدر تكون أڤونطاج ؤلا عائق.
شاپيطر 11: تسع نواع د لمواقف
بدلكيوصف تسعة د لمواقف ؤلا لمراحل خيلال لحملة لعسكارية، و علاياش لكوماندان د لارمي خاصو يركّز باش يدوز منهوم.
شاپيطر 12: لاطاك ب لعافية
بدلكيشرح التخدام لعام ديال السلاح، و تخدام لمحيط براسو كا سلاح. ب لإضافة ل 5 د لأهداف لمومكينة ديال لاطاك، 5 د النواع ديال لهجمات لمعتامدة على لمحيط، و كيفاش خاص تكون الستيجابة ل هاد النواع د لهجمات.
شاپيطر 13: تخدام لجواسيس
بدلكيركز على لأهمية ديال خلق مصادر د لمعلومات لموتوقة، و خمسة د النواع د التاجسّوس و كيفاش لواحد يقدر يجيري كلا واحد منهوم.
عيون لكلام
بدل- ^ "Britannica, Sunzi". مأرشيڤي من لأصل ف 2023-10-10. تطّالع عليه ب تاريخ 2022-12-24.
- ^ The Art of War, The Book of Lord Shang. مطرجم من طاراف يووان شيبينݣ، ج.ج.ل. دويڤينداك. Wordworth Editions Limited. 1998.
لمزاود
بدل- طرجامة ب النݣليزية ديال ليونيل ݣايلز
- النص لأصلي ب الشينوية (معا طرجامة نݣليزية)
- طرجامة ب لعربية ديال رؤوف شبايك
 هادي زريعة ديال مقالة خاصها تّوسع. تقدر تشارك ف لكتبة ديالها. |