سون تزو
سون تزو
| ||
| ||
| معلومات عامة | ||
| زيادة | ج. 544 قبل لميلاد ولاية تشي, محتمل | |
| لموت | ج. 496 قبل لميلاد (47/48 عام) Gusu (سلالة زو الحاكمة) | |
| لجنسية | ولاية تشي وو (مقاطعة) | |
| لحرفة | كاتب، فيلسوف و عسكري | |
| لّوغات لي كيعرف | شينوية | |
| لفاميلة | ||
| لواليد | Sun Ping | |
| لولاد | Sun Ming Zi | |
| لمحيط | سون جيان (سليل) | |
| معلومات خرى | ||
| لأعمال | ||
| لعسكر | ||
| لڭراد | مشير قايد عسكري | |
| لحروب | فترة الربيع والخريف | |
   
| ||
سون تزو ؤلا سونزي (مزيود ف جوايه 544 ق.م، مات ف جوايه 496 ق.م) قائد عسكاري، سطراتيجيست، و فيلسوف شينوي، عاش ف لفترة ديال سلالة دجو الشرقية لي حكمات الشينوا مابين 771 ق.م تال 256 ق.م. سون تزو هوّا لي يقدر يكون ألّف كتاب لفن د لحرب لي كان عندو تأتير كبير على السطراتيجيات د لعسكر و لفلسفة ف شرق أسيا و من بعد تا ف لعالم لغربي. السمية ديالو فاش تّولد كانت سون وو، ولاكين ب كترت ما كيحتارموه الشناوا و كيعلّيو من شانو، ولّا معروف كتر ب سون تزو، لي كاتعني لموعلّيم سون.[1]
التوريخية ديال سون تزو ماشي متبوتة 100%. تّوارخي سيام تشيان ديال سلالة هان ݣال بلي سون تزو كان وزير ديال لماليك هيلو د دولة وو، شّي لي كيحطو ف لّخر د لفترة د الربيع و لخريف. مي يلا كان سون تزو فعليا عاش ف لقرن السات و لبدية د لخامس قبل لميلاد، هادا كيعني بلي كان معاصر ل لفيلسوف الشينوي كونفوشيوس، ولاكين تا مصدر تاريخي من ديك لفترة ما كيهضر عليه. التوارخيا ديال دابا لي كيقبلو التوريخية ديالو (بلي كان شخصية حقيقية ف التاريخ) كيݣولو بلي كتاب لفن د لحرب تّكتب غالباً ف لّخر ديال لفترة د الدولات لمتحاربة مابين 475 و 221 ق.م، ب ليعتيماد على الستيل د لكتاب و لوصف ديالو ل الشكل د لحروب.[2]
كاين سطراتيجيست و كوماندان عسكاري شينوي أخور معروف سميتو سون بين، لي تا هوّا ألّف كتاب عنوانو لفن د لحرب، و تال لقرن 20 كانو لعولاما كيعتاقدو بلي هوّا نيت سون تزو، تا تّكتاشفات مخطوطة ديال لكتاب د سون بين ف 1972.
لمؤلّاف ديال سون تزو كان تّشكر بزاف و تطبّق ف لحروب ف شرق أسيا من نهار بان. ف لقرن 20 لفن د لحرب تّشهر بزاف عند لغرب و ولا عندو تطبيق ماشي غير عند لعسكر، مي تا ف تّاجسوس، السياسة، التبزنيس و ف السپور.
عيون لكلام
بدل- ^ "Britannica, Sunzi". مأرشيڤي من لأصل ف 2023-10-10. تطّالع عليه ب تاريخ 2022-12-24.
- ^ دجون مينفورد (صيف 2002). "The Art of War" (23). New England Review: 5–28. مأرشيڤي من لأصل ف 2022-12-24. تطّالع عليه ب تاريخ 2022-12-24. Cite journal requires
|journal=(معاونة)