لعربية لكلاسيكية

لعربية لكلاسيكية ؤلا لعربية لقرآنية ؤلا شي مرات لعربية لفصيحة هيّا شكل من شكال لعربية لي تخدّمات كا لوغة معيارية ديال لأداب و دّولة مابين لقرن 7 ميلادي ؤ لقرن 19. هاد لّوغة خدات لفورما لمعيارية ديالها سيرتو ف لعهد لأموي و لعهد لعباسي، ؤ كانت مخدّمة ف لكتابات و لمراسلات رّسمية من بزاف د لأنضيما لي حكمو ف لأندلس، شمال إفريقيا، و شّرق لأوسط. لعربية لكلاسيكية هيّا لّوغة طّقسية ديال لإسلام، حيت مكتوبين بيها نّصوص لأساسية ديالها لي هوما لقرآن و سّنة و لأحاديت.

لعربية لكلاسيكية
لعربية لكلاسيكية
النوع لوغة و لغة مقدسة
لخصائيص
لكتبة أبجدية عربية
لفاميلة داللوغات
لوغة د بنادم
لغات إفريقية آسيوية
لغات سامية
عربية


لوصف تّفصيلي لّولاني د لعربية لكلاسيكية دارو عالم د لّوغات لفارسي سيبويه ف كتابو لي سميتو "لكتاب"، لي شرح فيه لڭرامير و لمزايا د لعربية، ب ليعتيماد على لقرآن، شّيعر لعربي، و شي وحدين من لبدو لي كان واتق بلي كيهضرو ب عربية نقية.

لعربية لفصيحة جّديدة هيّا بنت لعربية لكلاسيكية، ؤ مخدّمة دابا كا لوغة رسمية ف بزاف د لبلدان ديال شمال إفريقيا و شّرق لأوسط، و ف نّشرات د لخبار، جّورنالات، و لإعلام بشكل عام.[1]

وخا لموعجام د لعربية لفصيحة جّديدة فيه بزاف د زّيادات، و لأساليب ديالها مختالفين على لعربية لكلاسيكية، كيبقاو لڭرامير و لمزايا لفونيتيكية و لفونولوجية ديالهوم متطابقين، ولاكين لمعيار جّديد كيخدّم غير طرف من شّكال نّحوية لي مومكينة ف لعربية لكلاسيكية. ف لبلدان لهاضرة ب لعربية ماكاينش تمييز كبير بين لعربية لكلاسيكية و لعربية لفصيحة جّديدة، ؤ بجوج بيهوم كيتسمّاو "لعربية لفصيحة" (ب لعربية العربية الفصحى).

عيون لكلام بدل

  1. ^ "Arabic language". لموسوعة لبريطانية. مأرشيڤي من لأصل ف 2023-10-10. تطّالع عليه ب تاريخ 2022-09-17.
 
هادي زريعة ديال مقالة خاصها تّوسع. تقدر تشارك ف لكتبة ديالها.