خط زماني د لموستقبال لبعيد

(تحولات من لألفية 4)

وخا مايمكنش يتكهّن بنادم ب لموستقبال ب يقينية، لفهم لحالي ديال الصيونص ف مجالات علمية مختالفة كيعطينا فكرة على بعض لأحدات لي غادي يطراو ف لموستقبال، بحال لأحدات لفلكية لي يقدر لإنسان يتوقعهوم ب لحساب. ب لمعادلات ديال لفيزيك د لفرتيتات نقدرو نحسبو مدة نص لحياة ديال لعناصر لكيماوية لمشعشعة، و تا ديال لفرتيتات التحتدرية.

رسمة تخيلية ديال الشمش و لأرض من هنا 5 تال 7 مليار عام، ملي الشمش غادي تكبر بزاف ف لحجم ديالها و تولي عملاق حمر.

مجالات خرين بحال لبيولوجيا التطورية لي كاتدرس التطور ديال لكائنات لحية، الجيولوجيا ديال طيكتونية د الصفايح، و الصوسيولوجيا تاهوما يقدرو يساهمو ب توقعات ديال أحدات مستقبلية.

خط زماني د لأحدات بدل

سوارت بدل

  لفلك و لفيزيك لكونية
  الجيولوجيا و لعولوم د لكواكب
  لبيولوجيا
  لفيزيك د لفرتيتات
  لماط
  الطيكنولوجيا و التقافة

أحدات متعلقة ب لأرض، لمجموعة الشمسية و لكون بدل

جميع التوقعات لي متعلقة ب لموستقبال د لأرض، لمجموعة الشمسية و لكون، خاصها تاخد ف عين ليعتيبار لقانون التاني د الطيرموديناميك، لي كينصّ بلي لقيمة ديال لإنطروپيا (فقدان د الطاقة لي مايمكنش تخدّم على شكل جهد) ف أي سيستيم مسدود خاصها تّزاد معا مرور الزمان. متلاً، النجوم غادي يحرقو لمخزون ديالهوم د لهيدروجين كاملو ف شي وقت، و هاكا نجمة بحال الشمش غادي تحوّل ل عملاق حمر ملي تحرق لهيدروجين ديالها كلو، و تدوز ل لمخزون د لهيليوم. ف هاد لفترة غادي تسرط لكواكب لي قراب ليها، عطارد، ڤينوس، و يمكن تا لأرض. فاش يتسالا لمخزون د لهيليوم تاهوّا، يلا تبازينا على لحسابات د لفلكيين، الشمش غادي تولي قازام بيض.

مورا ما تغبر لمجموعة الشمسية ب واهلي، لمادة براسها غادي تبدا تفرتت، ملي لفرتيتات التحتدرية، بحال لپروطون غادي يوصلو ل نص لحياة ديالهوم. و تا لمحفرات لكحلين، ف موستقبال بعيد بزاف يقدرو يتلاشاو ب مفعول إشعاع هوكينڭ. حيت التسطيرة ديال لكون مسرّحة، ماشي معوّجة، لكون ف لغالب ماغاديش يتكركب على راسو ف بيڭ كرانتش (عكس بيڭ بانڭ) كيما كان متوقع قبل. ف زمان موستقبالي ماكيسالاش، أي حادات، وخا يكون حتيمالو صغير بزاف، بحال مخ بولتزمان، غادي يطرا ف شي وقت علّاقل مرة وحدة.

  عوام من دابا حادات
  1.000 بسباب التأتير لجابدي د لقامار على لأرض، لموعدال ديال النهار الشمسي ف لأرض غادي يتزاد ب 1/30 تانية على دابا. باش يتقاد السيستيم د لحساب د الزمان، غادي يخص تبدا تّزاد تانية مكبّسة مرة ؤلا كتر كلا شهر.[1]
  1.100 حيت لمحور د لأرض غادي يكون تحرّك شوية من بلاصتو، السيستيم النجمي ڭاما سيفيي Gamma Cephei، لي فيه جوج نجمات، غادي يولّي كيمتّل النجمة لقطبية بلاصت پولاريص.[2]
  10.000[نوطة 1] لعملاق لمڭضر لحمر قلب لعقرب (نجمة) تقدر تّفرڭع على شكل سوپرنوڤا. هاد التفرڭيعة غادي تقدر تّشاف ف السما من لأرض ف وقت النهار.[3]
  11.700 معا لحاراكة ديال محور لأرض، النجمة لقطبية غادي تّبدل مرة خرة باش تولي نجمة ڤيڭا ؤلا "النسر الطايح"، لي كاتّعتابر خامس ألمع نجمة ف السما د لأرض.[4]

أحدات متعلقة ب بنادم و لحضارة د بنادم بدل

لمسابر لفضائية ڤوياجر 1، ڤوياجر 2، پايونير 10، پايونير 11 و نيو هورايزون لي تصيفطو ف لعقود اللخرة، غادي يكمّلو الرحلات ديالهوم ف لفضاء، و كاين حتيمال ضعيف بزاف باش يزدحو ف شي كسدة كونية كيما كانت، يلا عتابرنا لحجم د لخوا مقارنة معا لمادة ف لكون.

  تاريخ (م) ؤلا عوام من دابا حادات
  1,000 ساطليت نووي لي كان تصيفط ف 1965 ل 700 كلم فوق سطح لأرض غادي يكون طاح و رجع ل السطح.[5][6]
  3183 م لحجرة اللخرة غادي تكون تحطات ف لهارام د الزمان لي بدا لبني ديالو ف ويمدينڭ ف ألمانيا ف 1993، يلا مشا كولشي على حساب لبلان لحالي.[7]

نوطات بدل

  1. ^ هاد النمرة كاتمتل لمدة لقصوى باش يطرا لحادات. لحادات يقدر يطرا ف أي وقت مابين ليوم و ديك الساع.

عيون لكلام بدل

  1. ^ Finkleman، David؛ Allen، Steve؛ Seago، John؛ Seaman، Rob؛ Seidelmann، P. Kenneth (يونيو 2011). "The Future of Time: UTC and the Leap Second". American Scientist. 99 (4): 312. arXiv:1106.3141. Bibcode:2011arXiv1106.3141F. doi:10.1511/2011.91.312. Unknown parameter |s2cid= ignored (معاونة)
  2. ^ McClure، Bruce؛ Byrd، Deborah (22 شتنبر 2021). "Gamma Cephei, aka Errai, a future North Star". earthsky.org. مأرشيڤي من لأصل ف 2023-09-27. تطّالع عليه ب تاريخ 2023-01-21.
  3. ^ Hockey، T.؛ Trimble، V. (2010). "Public reaction to a V=−12.5 supernova". The Observatory. 130 (3): 167. Bibcode:2010Obs...130..167H.
  4. ^ Howell، Elizabeth (9 نونبر 2018). "Vega: The North Star of the Past and the Future". Space.com language=en. مأرشيڤي من لأصل ف 2023-10-11. تطّالع عليه ب تاريخ 2023-01-21. Missing pipe in: |website= (معاونة)
  5. ^ Staub، D.W. (25 مارس 1967). SNAP 10 Summary Report. Atomics International Division of North American Aviation, Inc., Canoga Park, California. NAA-SR-12073.
  6. ^ "U.S. ADMISSION: Satellite mishap released rays". The Canberra Times. 52 (15, 547). Australian Capital Territory, Australia. 30 مارس 1978. ص. 5. مأرشيڤي من لأصل ف 21 غشت 2021 – على طريق لمكتبة لوطنية د ؤسطراليا. "Launched in 1965 and carrying about 4.5 kilograms of uranium 235, Snap 10A is in a 1,000-year orbit ..."
  7. ^ Conception مؤرشف 2023-02-05 فموقع وايباك ماشين Official Zeitpyramide website. Retrieved 14 دجنبر 2010.