محفر كحل
لمحفّر لكحل (ب نّݣليزية black hole) هوّا منطقة ف زّمكان لي لجابدية فيها واصلة ل واحد دّرجة ف لقوة بلي حتا حاجة، لا فرتيتة ؤ لا موجة كهرمغناطيسية (بحال شّعا)، ماتقدر تفلت منها. نضرية د نّسبية لعامة ديال ألبيرط آينشطاين كانت دارت توقّع بلي أي كسدة فلكية عندها كتلة ؤ كتافة كبيرة بما يكفي، تقدر تديفورمي زّمكان باش تولي محفّر كحل. لحد لي ماتقدر تا حاجة تفلت يلا تجاوزاتو، كيتسما لأفق د لحادات. وخا هاد لحد كيأتر بشكل كبير ف لحوايج لي كيدوزو منو، ماعندو تا شي خاصيات فيزيكية باينة على حساب نضرية د نّسبية. من بزاف د نّواحي، لمحفّر لكحل كيتصرف بحال كسدة كحلة ميتالية، حيت ماكيعكسش ضّو ݣاع.
نّضرية د لمجالات لكوانطية ف زمكان معوج كاتّوقع بلي لأفق د لحادات كايصدّر إشعاع د هوكين، ب حرارة متناسبة عكسياً معا لكتلة ديال لمحفّر لكحل. حيت لكتلة ديال لمحفّرات لكحلة كاتكون كبيرة بزاف، هاد لإشعاع كيكون صغيكرون، ؤ ماكاينة تا طاريقة معروفة دابا باش يتديطيكتا.
أول عولاما توقّعو لوجود ديال شي كسدة فلكية لي كتيلة ل درجة باش مايفلتش منها ضّو، هوما دجون ميتشل ؤ پيير سيمون دولاپلاص ف لقرن 18.
لعولاما د لكوصمولوجيا كيعتاقدو بلي لأغلبية د لمجرات عندهوم محفّر كحل ف لمركز ديالهوم. لمحفر لكحل لي كاين ف لمركز د لمجرة ديالنا، مجرّ لكبش، كايتسما ساجيطاريوس A*.[1]
لأصل
بدللمحفرات لكحلة كاتكوّن عادةً ب نهيار ديال نجوم لكتلة ديالها 3 د لمرات ؤلا كتر لكتلة ديال شّمش. مي لعولاما كيعتاقدو بلي لبعض منها كاتكوّن ب طرقان خرين، بحال نهيار ديال سدايم د لغبرة ف لبديات لّولة د لكون، لي عطا لمحفّرات لكحلة لمݣضرة لي كاينة ف لمركز ديال أغلبية د لمجرات.[2]
نّجوم لي لكتلة ديالها قل من 3 د لمرات لكتلة د شّمش، ف لّخر د حياتها، كاتحوّل ل نجمة نيوطرونية ؤلا ل قازام بيض.[2]
عيون لكلام
بدل- ^ "The supermassive black hole in the Milky Way" (ب نڭليزية). 12 ماي 2022. مأرشيڤي من لأصل ف 2023-03-22. تطّالع عليه ب تاريخ 2022-05-13.
- ^ a b "Black hole". لموسوعة لبريطانية (ب نڭليزية). مأرشيڤي من لأصل ف 2023-05-30. تطّالع عليه ب تاريخ 2022-05-13.
 هادي زريعة ديال مقالة خاصها تّوسع. تقدر تشارك ف لكتبة ديالها. |