كورة مليوحة
كورة مليوحة هي طريقة د لمعاودة د اللعب ف كورة. كاتستعمل من مورا ماكايوقف اللعب بسباب خرين من غير لقصارة لعادية، لغلاط أولّا السلوك لخايب. لقانون 8 و لقانون 9 ف لقواعد د اللعبة كايحددو لحالات فين خاص تدار لكورة لمليوحة؛ لقانون 8 فيه حتى كيفاش كاتدار.[1]
.jpg)
لحالات فاش كاتعطى
بدل
كايعطي لحكم كورة مليوحة فلحالات فاش كايوقّف اللعب، ولقواعد د اللعبة ماكايحددوش كيفاش يتعاود. هاد لحالات كاينين فالنوسخة ديال 2020 من لقواعد:[2]
- لبارّة تحركات من بلاصتها أولّا خسرات
- لبالون ولّا ماصالحش
- شي واحد/حاجة دخلات للتيران
- كوايري كلا دقة واعرة، من غير إلا كان سبابها غلط
- واحد من لجمهور صفّر والصفير ديالو تّالف معا الصفير د لحكم
- دخلات كورة زايدة/حاجة/حيوان وتلّف اللعب
- لحكم صفر على بيت قبل ماتفوت لكورة خط لݣول كاملو
- كوايري دار شي تعدّو على أي واحد من غير كوايري آخور، حكم أولّا مسؤول فلفرقة
- شي حاجة من برا التيران قاست كورة اللي تردّات من عند لحارس ولّا لبارّة دلݣول من مورا پيلانتي
- لبالون قاس شي حكم، وبقى وسط التيران، وطرات وحدة من هادو:
- فرقة بدات لهوجوم
- لبالون مشا نيشان للݣول
- تبدلات لفرقة اللي شادة كورة
- لحكم وقف اللعب على أي حاجة ماعندهاش طريقة ديال لمعاودة داللعب فلقواعد.
فلميطشان اللي فيهوم لحكم لمعاون بلڤيديو، إلا مراجعة ديال لڤار قررات باللي اللعب ماكانش خاصو يوقف، متلا إلا تحيدات پيلانتي عطاها لحكم بلغلط لشي فرقة، كايتعاود اللعب بكورة مليوحة فلبلاصة فين لڤار عيّط للحكم.[3]
الطريقة
بدلمن مورا التغييرات اللي طراو على لقواعد د اللعبة ف 2019، كاتعطى لكورة لمليوحة لواحد لكوايري بوحدو:
- لحارس ديال لفرقة لمدافعة، إلا كانت لكورة فلمينطاقة د پيلانتيات فاش وقف اللعب، أولّا لكورة تقاست آخر مرة تمّا
- كوايري من آخر فرقة قاست لكورة فلحالات لوخرين كاملهوم.
كايلوح لحكم لكورة فآخر بلاصة قاسها فيها شي كوايري ولّا حكم آخور ولّا شي حاجة برانية على التيران، من غير إلا كان هادشي فلمينطاقة د پيلانتيات (أولا كانت لكورة فلمينطاقة د پيلانتيات فاش اللعب وقف)، فهاد لحالة كايلوح لحكم لبالون فلمينطاقة د پيلانتيات.
ݣاع لكوايرية من لفراقي بجوج (من غير داك اللي غايشد لكورة) خاص يكونو بعاد على لكورة ب 4 ميترو حتى تقيس لكورة الضس.
كاتولي لكورة ملعوبة فاش كاتقيس الضس ديال التيران. حتى شي كوايري ماعندو لحق يقيس لكورة حتى تقيس هي نيت الضس. كاتعاود لكورة لمليوحة فاش لبالون كايخرج من التيران قبل مايقيسو شي كوايري (ولّا كايدخل لواحد من لݣوال بجوج).[4]
لغلاط
بدلكاتعاود لكورة لمليوحة إلا شي كوايري قاس لكورة قبل ماتوصل للضس.[4] إلا لكوايري كايعاود نفس لحاجة ولحكم حس باللي كايديرها بلعاني، كايعتابر لحكم هادشي سلوك خايب ويقدر يعطي كارطة صفرة على التعطال دلبدية داللعب.
مايمكنش شي بيت يتماركا من لكورة لمليوحة حتى يقيسوها جوج كوايرية بلقليلة. إلا دخل لبالون لشي ݣول بلا مايقيسوه جوج كوايرية، كايعطي لحكم إما ضربة مرمى أولّا ركنية.[1] لكورة لمليوحة هي الطريقة داللعب لوحيدة اللي كاتخلي لكوايري اللول اللي قاس لكورة يقيسها جوج مرات متابعين بلا مايتعاقب عليها.[5]
عيون لكلام
بدل- ^ a b International Football Association Board. Laws of the Game 2019/20 (PDF). Zurich: International Football Association Board. مأرشيڤي (PDF) من لأصل ف 2022-11-13. تطّالع عليه ب تاريخ 2021-09-14.
- ^ International Football Association Board. Laws of the Game 2020/21 (PDF). Zurich: International Football Association Board. مأرشيڤي (PDF) من لأصل ف 2023-01-20. تطّالع عليه ب تاريخ 2021-09-14.
- ^ Floyd، Thomas. "How does VAR work? A guide to video review in MLS". goal.com (ب نڭليزية). مأرشيڤي من لأصل ف 2023-01-20. تطّالع عليه ب تاريخ 28 يونيو 2018.
- ^ a b "Law 8 – The start and restart of play". FIFA.com. FIFA. مأرشيڤي من لأصل ف 2014-12-29. تطّالع عليه ب تاريخ 2014-02-04.
- ^ "LAW 8: THE START AND RESTART OF PLAY, thefa.com". مأرشيڤي من لأصل ف 2023-06-05. تطّالع عليه ب تاريخ 2021-09-14.
|
تقدر تزيد شوف بزاف د تّصاور و لمعلومات ديال كورة مليوحة ف ويكيميديا كومنز. |