عباس لمساعدي


محمد بن عبد الله بن الطيب بن لحبيب، لمعروف بعباس لمساعدي (تولد ف 1925 ف تازارين نواحي زاݣورة ؤ تقتل ف فاس ف 27 يونيو 1956[1]) كان قايد ديال جيش التحرير ف لمغريب.

عباس لمساعدي
معلومات عامة
زيادة 1925
تازارين
لموت 27 يونيو 1956 (30/31 عام)
فاس
طريقة دلموت قتيلة
لجنسية لمغريب
لحرفة سياسي
لّوغات لي كيعرف عربية و لوغات أمازيغية
معلومات خرى
لحيزب حيزب ستيقلال (1943–1956)
لعسكر
لڭراد جينيرال


حياتو بدل

تولد عباس لمساعدي ف 1925 ف تازارين نواحي زاݣورة ف لجنوب شرقي د لمغريب. كان باه فقيه و عطّار، وكان عباس تيمشي معاه هو و خوتو باش يتعلمو لحرفة.

ف لول ديال لخمسينات دخل لحبس وعدبوه فيه لفرانساويين. ملي خرج منو، قرر باش يولي مناضل للاستقلال د لمغريب، لي كان مآمن ب لي ماغادي يكون غي ب سلاح. ف 1955 مشا لريف ونظم جيش تحرير مع بزاف د ناس لي كانو متافقين معاه فلأفكار، و لي كانوا تيدًربو ب سلاح.

طريق لي خدا عباس لمساعدي ماعجباتش حزب ستيقلال، وكانت لعلاقة بينو وبين لمهدي بن بركة ماشي تال لهيه. لمساعدي قدم ليستيقالة ديالو من لحزب نهار 16 ماي 1956.[2]

ف 27 يونيو 1956، تقتل فظروف مامعروفاش بقرطاسة ماتعرفش شكون تيراها. تدفن ب تخبية ف لول ولكن عرفوها ناس وتعاود تدفن ف فاس ف 3 يوليوز 1956 وحضر لݣنازة ولي لعهد حسن.

عيون لكلام بدل

  1. ^ "تحقيق: في زيارة لعائلة الشهيد عباس المسعدي - دليل الريف (2014)". مأرشيڤي من لأصل ف 24 ماي 2022.
  2. ^ "زوجة عباس المساعدي تكشف "لغز" اغتيال قيادي جيش التحرير - هسبريس (2014)". مأرشيڤي من لأصل ف 28 شتنبر 2020.
 
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.