سينيما مغريبية
التاريخ ديال السينيما لمغريبية كيرجع ل 1897 فاش لوي لوميير خرّج فيلم سراح لمعيز لمغريبي (ب لفرانساوية: Le chèvrier Marocain). من داك لوقت تال 1944، بزاف د لأفلام د لڭور تصوّرو ف لمغريب، سيرتو ف جوايه ورزازات. ف النص اللول ديال لقرن 20، تحلّو سينيمات ف كازا بحال سينيما ريالطو، سينيما لينكس و سينيما ڤوكس لي كانت أكبر وحدة ف إفريقيا ف وقتها. السلطات د لحماية لفرانساوية كانت كاتعرض فيها بعض لمرات أفلام ديال لپروپاڭاندا كاتمجّد دّور ديالها ف "جلب لحضارة ل لمغريب" بحال وتائقي أهلا كازا! لي خرج ف 1952.
ف 1944، تأسس لمركز السينيماطوڭرافي لمغريبي (CCM) و بانو أول ستوديوات ديال التصوير و السينيما ف رّباط.
ف لفترة من 1958 تال 2018، قدر لمغريب ينتج 372 فليم طويل، هاد لعدد بدا كايتزاد تا قدر يوصل 20 فيلم طويل فعام واحد، خصوصا منين بدا صندوق لدعم لإنتاجات السينمائية لوطنية لي تصوب عام 1980، وزيادتان تنتجو مئات ديال أفلام لقصيرة والروپورطاجات السينيمائية لمتنوعة. ؤ وصل عدد ديال لمخرجين د لأفلام الطويلة لمغربية ل 172 فهاد لفترة، و بتدقيق كتر كاين 149 مخرج (راجل) و 23 مخرجة (مرا).
السينيما د لمغريب كاتّعتابر الرابعة ف إفريقيا من حيت لإنتاج مورا السينيمات د جنوب إفريقيا، مصر و نيجيريا.[1]
|
تقدر تزيد شوف بزاف د تّصاور و لمعلومات ديال Cinema of Morocco ف ويكيميديا كومنز. |
عيون لكلام
بدل- ^ ويل هيڭبي (18 غشت 2020). Moroccan Cinema Uncut: Decentred Voices, Transnational. ردمك 9781474477956.
 هادي زريعة ديال مقالة خاصها تّوسع. تقدر تشارك ف لكتبة ديالها. |