سكينة الصفدي
سكينة الصفدي (خلاقت ف دّار لبيضا ف 1952 - توفات ف 20 ماي 2022 ف حد سوالم) مغنية مغريبية كانت من لأعضاء لمؤسسين د مجموعة جيل جيلالة و هي أول صوت نسوي بان ف لمجال د لمجموعات "لغيوانية".[1]
سكينة الصفدي
| ||
| ||
| معلومات عامة | ||
| زيادة | 1952 الدار البيضا | |
| لموت | 20 ماي 2022 (69/70 عام) حد سوالم | |
| لجنسية | لمغريب | |
| لحرفة | فنانة موسيقية و مغنية | |
| لّوغات لي كيعرف | الداريجة لمغريبية | |
سكينة الصفدي كانت مجوجة ب لفنان مصطفى أهباض.[2]
حياتها
بدلسكينة كبرات ف كازا و تيتمات من مها و هي صغيرة (كانت عندها 11 عام) و رباها خالها. سكينة كانت نشيطة بزاف ف صغرها و كانت كاتدير لمسرح و كاتلعب لكورة و كان لأب جيݣو قتارح عليها تكوّن فرقة د لكورة نسوية.
دّخلة د سكينة ل لعالم لفني جات من لمسرح بحيت مارساتو بين 1964 و 1970 و متلات مسرحيات غنائية تراتية معا سميات كبيرة بحال نعيمة لمشرقي و حبيبة لمذكوري و شّعيبية لعذراوي، و زيد عليهوم بوجميع و لعربي باطما لّي كانو ف ديك لفترة كايفكرو يشكلو مجموعة ناس لغيوان.
سكينة الصفدي كانت لفنانة لوحيدة لي شاركات ف لمسيرة لخضرا ف 1975، ؤ غنات موراها غنية على هاد لحادات ب عنوان "لعيون عينيا".[3]
سكينة كانت من لمؤسسين ديال جيل جيلالة ب لقيادة د حميد الزوغي لّي كان مور لفكرة د تّأسيس و كانت سكينة مع محمود السعدي و محمد الدرهم و مولاي الطاهر الأصبهاني هوما لأعضاء لّوالا د لمجموعة.[4][5]
عيون لكلام
بدل- ^ "مصطفى اهباض الفيلالي زوج سكينة الصفدي.. تقاسما محنة القرصنة وآلام المرض". لأخبار (ب لعربية). 2016-03-08. مأرشيڤي من لأصل ف 2022-02-19. تطّالع عليه ب تاريخ 2022-05-22.
- ^ "وفاة الفنانة سكينة الصفدي عضو فرقة جيل جيلالة" (ب لعربية). 20 ماي 2022.
- ^ النبلي، حنان (2022-05-20). "رحيل المغنية المغربية سكينة الصفدي أيقونة "جيل جيلالة"" (ب لعربية). مأرشيڤي من لأصل ف 2022-05-22. تطّالع عليه ب تاريخ 2022-05-21.
- ^ "سكينة الصفدي: الصوت الملائكي الذي ازهَرّتْ بسحره شجرة جيلالة السبعينية". مأرشيڤي من لأصل ف 2019-09-11. تطّالع عليه ب تاريخ 2020-03-31.
- ^ "سكينة الحاضرة الغائبة". صحرا لمغربية (ب لعربية). 2006-03-18. تطّالع عليه ب تاريخ 2022-05-22.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |