ناس لغيوان

ناس لغيوان هي فرقة د لغنا مغريبية شنعتها فايتة لحدود تصاوبات ف السبعينات و بضبط ف 1971 فكازا فلحي لموحمّادي. ومازال تاتغنًي حتا ليوما واخا ماتو ولا عتازلو بزاف د لأعضاء لبنايا ديالها. تعرفات هاد لمجموعة بزاف حيث خرًجات ستيل جديد د لمزيكة كيتسمًا بالستيل لغيواني ولاً تاغيوانيت.[1]

ناس لغيوان
ناس لغيوان
معلومات عامة
نوع د لفرقة فرقة د لموسيقا
نوع د لموسيقا موسيقى مغربية
لأعضاء لعربي باطما، عبد الرحمن قيروش، عمر سيد، علال يعلى، رشيد باطما و حميد باطما
تاريخ د لبدية 1970
معلومات إضافية
سّيت رّسمي http://www.nasselghiwane.net


تصويرة ديال ناس لغيوان

لغنا ديالهوم لوغتو داريجية نقية ، حيت جدورو مشبرين فالتورات لمغريبي لقديم هادو لامّو شلا نوايع دلمزيكة لمغريبية لقحة (لملحون، ݣناوة ، لعيطة ،لغنا د لأطلس و سير كمّل...) ؤ ديك لخيلوطة كاملة عطاتنا هاد لفرقة. فوق من هادشي لغاهوم موزون ، منضوم و فيه شلا معاني سوا واضحين ولا مضرّݣين، بنادم لعادي غايلقاه صعيب باش يفسر حروفو ولا يفك سريرتو، بلاشك هاد النوع دلمزيكة خلا بلاصتو كبيرة عند قوم من داك لجيل ولا حتا لجيال اللي تابعينهوم كانو كايتسماو ب "رولينݣ ستونز ديال فريقيا" واخا لفن ديالهوم بدا كاينداتر شوية بشوية بلخصوص بين الشبان ديال دابا .

أصل د سمية بدل

السمية د ناس لغيوان بالدارجة تاتعني ناس لفهامة, زعما الناس اللًي عندهم لعمق فلهضرة وتيمشيو بعيد فيها, وداكشي اللي كانو تيحاولو يديرو فلأغاني ديالهم.

أعضاء لݣروب بدل

اللًي أسسوه بدل

لأعضاء اللًي صاوبو لفرقة فاللول كانو هوما:

  • بوجميع.
  • لعربي باطما.
  • عمر السيد.
  • مولاي عبد العزيز الطاهري.
  • محمود السعدي.

اللًي جاو من بعد بدل

لأعضاء اللًي جاو جداد من بعد هوما:

  • علال يعلى.
  • عبد الرحمن قيروش (پًاكو).
  • محمد أخديم.
  • رضوان ريفق.
  • رشيد باطما.
  • حميد باطما.
  • عبد الكريم شيفة.

لأغاني ديالهم بدل

ناس لغيوان غنًاو بزاف د لأغاني معروفة واللي تشهرات بزاف فلمغرب وتا فلخاريج, بحال:

  • الصينية.
  • أهل الحال.
  • السلامة.
  • لبطانة.
  • نرجاك أنا.
  • مهمومة.
  • فين غادي بيا.
  • الله يا مولانا.
  • النحلة شامة

شوف تا بدل

عيون لكلام بدل

  1. ^ "ناس الغيوان - ملحمة جيل مبدع - الجزيرة (2012)". مأرشيڤي من لأصل ف 2022-04-06. تطّالع عليه ب تاريخ 2020-03-27.

لمزاود بدل

 
هادي زريعة ديال مقالة خاصها تّوسع. تقدر تشارك ف لكتبة ديالها.