لأب جيݣو
محمد ولد الحسن العفاني المعروف ب أب جيݣو (تزاد ف 15 أبريل 1900 و مات ف 31 غشت 1970) مدير ديال كورة قدم مغربي و صحفي و لعّاب سابق كان مدير ديال نادي الوداد و الرجاء ف دار بيضا.[1][2][3] كايتعتبر من أكثر مدربيين تتويجا فتاريخ ديالت الكورة المغربية. وهو الأب الروحي لكرة القدم البيضاوية التي كتعتبر الركيزة الأساسية ديال كرة القدم المغربية. و عندو باع ف التكوين الاقتصادي ف مجال القطاع البنكي ف المغرب، و كان تا أول وزير للشبيبة والرياضة ف عهد أول حكومة مغربية بعد الاستقلال.[4][5][6][7]
لأب جيݣو
| |||
| معلومات عامة | |||
| زيادة | 1900 تونس | ||
| لموت | 30 غشت 1970 (69/70 عام) الدار البيضا | ||
| لجنسية | لمغريب | ||
| لحرفة | مدريب د لكورة، صحافي، كوايري و مدرب رياضة | ||
| لّوغات لي كيعرف | عربية و لوغات أمازيغية | ||
| رياضة | |||
| رياضة | كورة | ||
| پوسط | ظهير | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 1922–1929 |  نادي الاتحاد المغربي
| - | |
حياتو بدل
تولد عام 1900 ف تونس لعاصمة، فين كان بّاه خدام تاجر، لي أصلو من إيسافن القريبة من مدينة تارودانت المغربية، و كانت مّو تونسية. ملي ماتت فاش كان عمرو 5 سنين، فامليتو رجعات كاملة ل لمغريب. ف 1918، كان أول مغريبي كيحصل على لباك ديالو من ليسي ليوطي.[5]
كيتعتبر من أول المدربين المغاربة الي حصلو على ديپلوم تكوين المدربين، لي خداه ف النڭليز برا الإطار الفرنكوفوني لي كان مأتر ديك الساع ف المغرب، إضافة ل ثقافتو الواسعة ف الميدان الصحفي والاقتصادي.
لعب محمد بن الحسن لصالح فرقة أطليتيك Athlétique لميريكاني من عام 1922 حتال عام 1930؛ بدا مسيرتو الإدارية ف عام 1929 مع نادي أولمپيك أسفي. فعام 1939 ولا أول مدير ديال لوداد الرياضي.[8] ف عام 1952 خلا الوداد باش يدرّب منتخب المغرب حتى عام 1957، و نتاقل لنادي الرجاء الرياضي وهو المنصب لي شغلو حتى التقاعد ديالو عام 1968.
قصة اللقب بدل
كيطلقو على محمد العفاني ف الساحة الصحفية المغربية و لفرانساوية لقب "جيݣو" المرفوق بالأب و لي رفضو ف مقال صحفي. هاد جوج الألقاب عندهم سبابهوم: لقب جيݣو طلقوه عليه الصحافة لفرانساوية، حتاش واحد من الصحفيين الفرانساوين كتب على العمود ديال الجورنال لفرانساوي مقال رياضي داعى فيه بلي اللاعب محمد بن الحسن كيقلد فالحركات ديالو ف التيران واحد اللعاب فرانساوي سميتو "جيݣو". وخا هاد التشبيه لي كان غير دايز ف المقال كان فيه شوية د لإعجاب، غضب محمد بن الحسن العفاني، الشي لي خلاه يكتب رد ف نفس الجورنال ب مقال كيرفض داكشي لي جا ف لعمود الرياضي. هادشي ماممنعش الجمهور الرياضي باش يستعملو هاد اللقب ولي ولّا أمر واقع ف السيرة الشخصية الرياضية ديالو.
وفاتو بدل
مات الأب جيݣو عام 1970 و خلا موراه ثروة رياضية ثقافية مهمة للدار البيضا، بعدما ضحى بالفلوس والوقت والمجهود الخاص باش يبني الرياضة المغربية، من خلال تأسيس و إعداد لأكبر نوادي القرن 20 فإفريقيا و فالعالم العربي حتال عام 2000، على حساب تصنيفات الفيفا و الاتحاد الإفريقي، و فتاريخ كورة القدم المغربية على الإطلاق، بجوج أساليب متناقضين وجوج لوان مختالفين من مدينة وحدة.
عيون لكلام بدل
- ^ "Le saint patron de Casablanca". zamane.ma. مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ "Le fabuleux destin du Père Jégo". maroc-football.com. مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ "Père Jégo : Saint fondateur du football casaoui". lagrinta.fr.
- ^ "Père Jégo: "Mon cœur va vers le Wydad, mais le Raja symbolise la solidité de mon caractère"". madein.city. مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ a b "5 choses à savoir sur le Père Jégo". h24info.ma. مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ "Père Jégo -L'immortel fondateur de la culture sportive casablancaise". albayane.press.ma. مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ "PERE JEGO : l'entraineur, l'homme, la légende". مأرشيڤي من لأصل ف 2023-06-24. تطّالع عليه ب تاريخ 2023-10-27.
- ^ "Karton Zine – The Casablanca Derby, or the story of the enemy brothers". Karton Zine (ب نڭليزية). 2020-10-01. مأرشيڤي من لأصل ف 27 فبراير 2022. تطّالع عليه ب تاريخ 2022-02-27.