رضا سليم
رضا سليم كوايري مغريبي تزاد ف 25 أكتوبر 1999 ف كازا. كيلعب دابا مع لأهلي ف البطولة د مصر مور ما انتاقل ليه ف 30 يوليوز 2023.
رضا سليم
| ||
.jpg)
| ||
| معلومات عامة | ||
| زيادة | 25 أكتوبر 1999 (24 عام) الدار البيضا | |
| لجنسية | لمغريب | |
| لحرفة | كوايري | |
| لّوغات لي كيعرف | عربية، لوغات أمازيغية و الداريجة لمغريبية | |
| رياضة | ||
| رياضة | كورة | |
| پوسط | مهاجم | |
حياتو بدل
بدا رضا سليم المسيرة ديالو مع لي فار، وكانت ديك الساع عندو طناش العام. ف 2014 مشى يلعب مع الراجا، ولكن ثلث سنين من بعد رجع عاود للي فار فين بدا يلعب مع الفريق اللول ف موسم 2019/2020. أول ماتش ديالو كان ف ثمن النهاية ديال كأس العرش ضد الجديدة. كان لعب خمسطاش دقيقة اللخرة مور ما دخلو المدرب عبد الرحيم طالب بلاصة حمزة مجاهد ف الوسط.[1]
الأداء ديال رضا سليم خلاه دغيا يولي واحد من الركائز الأساسية د لي فار، بالخصوص مور ما جا يدربهوم سفن انطلاقا من 2021.
ف 2022 كان ساهم باش لي فار دات أول كأس العرش ديالها من 2009. لعب 82 دقيقة ف الفينال ضد تطوان وكان هو مول التمريرة الحاسمة باش بورڭيس ماركا البيت اللول.[2]
ف 2023 عاون عاود لي فار باش دات أول بطولة ديالها من 2008. ف الدورة 30 ماركا ف وقت بدل الضائع ضد طنجة الپيلانتي لي كان خاص لي فار باش تدي البطولة.[3]
لماتشات بدل
لعب رضا سليم ف المجموع 132 ماتش مع لي فار، ماركا فيها 32 بيت وعندو فيها 26 تمريرة حاسمة.[4]
على المستوى الدولي عمر رضا سليم لعب مع المنتخب ديال الكبار لكن فايت ليه تكونڤوكا مع المحلي. ف 2021 كان شارك و دّا الشان مع الحسين عموتة ف الكاميرون.
عيون لكلام بدل
- ^ "كاس لعرش د لمغريب - لجيش لملكي - الدفاع لحسني الجديدي (2019)". مأرشيڤي من لأصل ف 11 غشت 2023.
- ^ "كاس لعرش د لمغريب - لجيش لملكي - لمغرب التطواني (2022)". مأرشيڤي من لأصل ف 11 غشت 2023.
- ^ "لبطولة پرو إنوي - لجيش لملكي - اتحاد طنجة (2023)". مأرشيڤي من لأصل ف 11 غشت 2023.
- ^ "لپروفيل د رضا سلم - طرانسفيرماركت (بلفرونسي)". مأرشيڤي من لأصل ف 11 غشت 2023.