رشيد اليزمي
رشيد اليزمي
| ||
| ||
| معلومات عامة | ||
| زيادة | 16 أبريل 1953 (71 عام) فاس | |
| لجنسية | لمغريب | |
| لحرفة | عالم د الفيزيك و موهنديس | |
| لّوغات لي كيعرف | عربية، نڭليزية و لفرانساوية | |
| سّيت رّسمي | http://www.kvi-battery.sg | |
| لجوايز | ||
 
| ||
رشيد اليزمي (مزيود ف 16 أبريل 1953) هو واحد لعالم ؤ باحث مغريبي عندو جنسية مغريبية ؤ جنسية فرانصاوية، تزاد ف مدينة فاس ف لمغريب. ؤهو عالم متخصص ف علم لمواد ؤ مكّنات لخدمة لي دارها على لباتريات بشكل عام باش نحصلو علا التليفونات الدكية لي كانستعملوهوم دابا ف لحياة ليومية ديالنا. لحاجة لي ساهم بها رشيد اليزمي بالضبط ف لعالام ديال التليفونانات، هيّا بلي كتاشف أولا يمكن نقولو ختارع، طريقة باش يمكن ندمجو بين الليتيوم ؤ لݣرافيت. ؤهكا ختارع لقوطب السالب د لحجرات ديال الليتيوم بهاد لختيراع ؤ ديال واحد لعالم بريطاني سميتو ستانلي ويتينݣهام تمكنو جّاپونيين باش يختارعو لحجرات ديال الليتيوم لي كانخدمو بيهوم ف التيليفونات ديال ليوم.[1]
رشيد اليزمي ربح بزاف ديال لجوايز من بينهوم لجايزة ديال تشارلز دريپر ف 2014 لي هيا جايزة كاتعطيها لأكاديمية لوطنية د لهندسة ف واشينطون فميريكان و لي هي بحال لجايزة ديال نوبل ف لقيمة غير هيا كاتعطى ل لموهندسين.
ف 2019، كان علاين يشد جايزة نوبل ف شّيمي على لمساهمة ديالو ف تطوير لباطري د لأيون ليتيوم، ولاكين حيت لجايزة كاتّعطا ل 3 نّاس علّكتيرة، لّجنة د نوبل ضطرات تدير ختيار من بين عاداد د لعولاما لي ساهمو ف لأبحات على هاد نّوع د لباطري و ليزمي ماكانش من تّلاتة لي تّختارو.[2]
حياتو
بدلرشيد اليزمي قرا التانوي ف ليسي مولاي رشيد و ليسي مولاي إدريس ف فاس. منين خدا لباكالوريا ديالو ف صيونص ماط ف عام 1971، مشى ل الرباط فين قرا ف جاميعة محمد لخاميس، ولاكين ماطولش فيها حيت من بعد عام دفع ل لأقسام التحضيرية ل لمهندسين ف فرانسا، لي مكناتو باش يدخل ل معهد د ݣرونوبل ف طيكنولوجيا ف فرانسا عام 1978، من بعد دار الدوكتورا ف لابوراطوار ديال لمركز لوطني لفرانساوي ف لبحت لعلمي ف عيلم لمواد.
ف 1998، ترقا اليزمي ف لمركز لوطني د لبحث لعلمي لفرانساوي، و ولا مودير ديال لأبحات. و خدم حتى ؤستاد زاير ف كلية كيوطو (1988-1990) و كلية د كاليفورنيا د طّيكنولوجيا (2000-2010) و كلية نانيانݣ ف سنغافورة (من 2010).
ف 2007، أسس اليزمي شركة د سيفكس باتري CFX Battery، و هيا شركة ف كاليفورنيا متخصصة ف تطوير و تسويق براءات د لختيراعات ديالو، سيرتو هاديك لي عندها علاقة ب لحجرات د أيون لفليور.
ف 2014، ربح هوا و لباحيتين دجون ݣوديناف و يوشيو نيشي و أكيرا يوشينو جايزة ديال دريپر[3] لي كاتعطيها لأكاديمية لميريكانية د لهندسة ف واشنطن، كا عتيراف ليهوم على لخدمة ديالهوم و دورهم لكبير ف تطوير حجرة أيون الليتيوم لي كايستعملوها الناس ف لعالم كولو. حيت كاينة ف لپورطابلات ،ف لپيسيات ف لاپارايات د التصاور و حتا السماعات الطبية لي كايسمعو بيها الناس لي عندهوم موشكيلة ف السمع.
ف مارس د 2016، تعطات ل رشيد اليزمي جايزة خرة لي هيا ماريوس لافيت د لموهندسين لموخترعين، ف باريز، ف فرانسا.
لخدمة ديالو
بدلعند ليزمي كتر من 100 براءة ختيراع مسجلة ف سميتو و كتر من 200 بحت عيلمي منشور.
حاليا اليزمي خدام ف كلية نانيانݣ د الطيكنولوجيا ف سنغافورة.
عيون لكلام
بدل- ^ صفحة درشيد اليزمي فموقع كلية كاليفورنيا دالتكنولوجيا.
- ^ "Chemistry Nobel Goes to Lithium Battery Scientists, Omits Rachid Yazami". موروكو وورلد نيوز. 10 أكتوبر 2019. مأرشيڤي من لأصل ف 2022-10-29. تطّالع عليه ب تاريخ 2022-09-26.
- ^ ا لباحيت لمغريبي رشيد يزمي كايربح لجايزة د تشارلز ستارك دريپر ف 2014، موقع جورنال "المغربية"، ف تاريخ 7 يناير 2014
|
تقدر تزيد شوف بزاف د تّصاور و لمعلومات ديال Rachid Yazami ف ويكيميديا كومنز. |