تݣارݣرنت
تݣارݣرنت
| ||
| النوع | لوغة و لغة حية | |
| تخدام | ||
| اللي كبرو بيها | 20,000 (2014) | |
| كايتهضر بيها ف | جزاير | |
| أصلية ف | ولاية قسنطينة و ولاية ورقلة | |
| لخصائيص | ||
| لكتبة | تيفيناغ و ألفبائية لاتينية | |
| النّيڤو دالضعف | (4) فخطر كبير | |
| لوضعية داللوغة | 6b مهددة | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية دالشمال لوغات زناتية لأمازيغية دمزاب وورݣلة | ||
| لخاريطة | ||
| ||
| لكواض لي كايعرّفو اللوغة | ||
| إيزو 639-3 | oua | |
| ڭلوطولوڭ | taga1278 | |
| إيطنولوڭ | oua | |
| يونيسكو | 1289 | |
| لوغات مهددة | 285 | |
تݣّارݣرنت أولا لورݣلية (معروفة حتى بتوارݣريت وتݣانݣوسيت) هي واحد اللوغة من لفرع الزناتي ديال اللوغات لأمازيغية دالشمال. كايهضرو بهاد اللوغة بزّاف ديال الناس فواحات ورݣلة (وارݣرن) ونݣوسة (إنݣّوسا) فدزاير.
ف1987 ماكانش كتر من عشرالاف واحد كايهضرو بلورݣلية.[1] إتنولوݣ قدّرات بلي غير 5000 واحد كانو كايهضرو بيها ف1995. ف2014 عطات إتنولوݣ واحد التقدير جديد هو 20 ألف دلبشري ناطقين بتݣّارݣرنت.[2]
هاد اللوغة عندها جوج داللهجات: وحدة فورݣلة (تݣّارݣرنت) ولخرة فنݣوسة (تݣّانݣوسيت). كاين شوية دلفرق بيناتهوم، وبزّاف فلمكان ديال شي حروف كايجيو مع الضمائير، وفوسط تݣارݣرنت دورݣلة كاينين ختيلافات صغار فاللسان ديال لقبايل دآت براهيم، آت سيسين وآت واݣّين.[3]
الناس ديال ورݣلة كاتبان ليهوم تݣارݣرنت، تݣانݣوسيت، توݣورت (أمازيغية تيماسين) وتومزابت، وحتيمال دمتغيرات زناتيين خرين، بحال لهجات ديال لوغة وحدة كايسميوها توّارݣريت.[4] على حساب لهضرة ديال دولور Delheure (1987:355)، ݣال باللي "at Wargrən fəhhəmən d awəḥdi tawsint" (آتْ وارݣرْن فْهّامْن د أوْحدي تاوسينت، الناس ديال ورݣلة كايفهمو تيماسين مزيان).
بيارني ف1908 دار ديراسة ديال لقواعيد دتݣارݣرنت[5]، قبل تدارت ديراسة مامتعمقاش بزاف على يد باسيت ف1893.[6] لمعجام ديال هاد اللوغة توتّق مزيان فالديكسيونير اللي دارو دولور ف1987.[7] النصوص اللي كانو بيارني وباسيت قيدوها زاد ليها دولور نصوص اللي كانت على لحياة ليومية ف1988[8] ولخرافات كان قيّدهوم دولور ف1989.[9] هاد لكتاب دلخرايف، على عكس لكتوبة لخرين، اللي كانو مديورين على تݣّارݣرنت دورݣلة، تزادت فيهوم حتى نصوص من نݣوسة (تݣّانݣوسيت).
عيون لكلام
بدل- ^ Delheure 1987:1
- ^ "Tagargrent". Ethnologue (ب نڭليزية). مأرشيڤي من لأصل ف 18 أكتوبر 2012. تطّالع عليه ب تاريخ 2018-02-09.
- ^ Delheure 1987:2
- ^ Delheure 1988:20, 24; Delheure 1987:273
- ^ S. Biarnay, 1908, Étude sur le dialecte berbère de Ouargla, Paris: Ernest Leroux
- ^ René Basset (1893). "Étude sur la Zenatia du Mzab, de Ouargla et de l'Oued-Rir" (PDF). مأرشيڤي من لأصل (PDF) ف 2020-10-30.
- ^ Jean Delheure, 1987, Agerraw n iwalen teggargarent-tarumit / Dictionnaire ouargli-français, Paris: SELAF
- ^ Jean Delheure, 1988, Vivre et mourir à Ouargla. Tameddurt t-Tmettant Wargren. Paris: SELAF
- ^ Jean Delheure, 1989, Contes et légendes berbères de Ouargla : Tinfusin, Paris: Boîte à Documents