المهدي بنعبود
المهدي بنعبود
| ||
| معلومات عامة | ||
| زيادة | 1919 سلا | |
| لموت | 12 يوليوز 1999 (79/80 عام) | |
| لجنسية | لمغريب | |
| لحرفة | سياسي، طبيب، ديپلوماسي و ؤستاد جاميعي | |
| لّوغات لي كيعرف | عربية، لفرانساوية، نڭليزية و الداريجة لمغريبية | |
| معلومات خرى | ||
| لحيزب | حيزب ستيقلال | |
المهدي بنعبود (تولد ف سلا ف 1919 - مات ف الرباط ف 1999) كان طبيب وفيلسوف ومفكر وكاتب مغريبي.
حياتو
بدلتولد المهدي بنعبود فسلا ف 1919 وكبر فيها.[1] مات ليه بًاه وهو عندو 7 سنين, و ربًاتو مًو ومن بعد خاه لكبير زين العابدين. دخل للمدرسة وقرا فيها مزيان, حتا خدا لباك ديالو وبدا يقرا الطب ف 1940. مشا للجامعة د مونپوليي ففرانسا باش يكمل قرايتو, ومن بعد كمًل فباريز ف 1945. ف 1950 خدا الدكتورا ديالو وحلً عيادة فالدار لبيضا. فنفس لوقت اللي كان تيقرا, نخارط فلعمل لوطني ودخل فحزب ليستيقلال.
ف 1951 مشا للميريكان وحلً فيها مكتب باش يدافع على استقلال لمغريب. من مورا ليستيقلال نيشان, ايعينو محمد لخامس أول سفير دلمغريب فلميريكان, وغادي يبقا سفير 6 سنين (من 1956 ل 1962) حتا غادي يبدًلوه حيث ساند موظفي وزارة لخارجية فلإضراب ديالهم. موراها رجع عاود لمغرب وحلً عيادة فسلا, و من 1966 ولاُ أستاد دلعلم النفسي ولمداهب لفكرية لمعاصرة ولعقيدة لإسلامية ف لجامعة د محمد لخامس ف رباط, وخرًج بزاف د لكتوبا والتحاليل فهاديك لوقيتة.[2]
مات المهدي بن عبود نهار 12 يونيو 1999 فالرباط.
كتوباتو
بدلكتب المهدي بزاف د لكتوبا فبزاف د لمواضيع, منها:
- رصد الخاطر أفكار ونظريات وخواطر ( ثلاثة د لأجزاء)
- خواطر حول أزمة الحضارة المعاصرة والتطلع إلى مستقبل الإنسانية.
- خواطر حول مسيرة الفكر البشري أو منهاج البحث عن الحقيقة واليقين .
- التحدي الخلقي.
- أيها الجيل الصاعد (قصة فلسفية).
- العصر والنصر ( شعر).
- الواردات (حكم وأمثال) .
- متفرقات ( أحاديث صحفية وإذاعية).
عيون لكلام
بدل- ^ "الدكتور الضريًف بنعبود (بلفرانساوية) - مجلة زمان". مأرشيڤي من لأصل ف 2020-03-24. تطّالع عليه ب تاريخ 2020-03-24.
- ^ "المهدي بن عبود - المفكر والمقاوم الذي واجه الاستيلاب الثقافي في المغرب". مأرشيڤي من لأصل ف 2022-08-11. تطّالع عليه ب تاريخ 2020-03-24.