الجزائر

بلاد فشمال إفريقيا

لجزائر ؤلا دزاير ولّا الجزاير ؤلا الݣزاير (بلعربية: الجمهورية الجزائرية الديموقراطية الشعبية - بلأمازيغية: Tagduda Tazzayrit Tamagdayt Taɣerfant) هي الدولة لكبيرة ݣاع ف لميساحة ف إفريقيا، هي طرف من لمنطقة لمغاربية فشمال غرب إفريقيا. تايحدّها لبحر لبيض لمتوسط ف الشمال، تونس ف الشمال الشرقي، ليبيا ف الشرق، النيجر ف الجنوب الشرقي، مالي وموريتانيا فالجنوب لغربي، ؤ لمغريب ف لغرب. النضام د لحكيم فيها هو شبه رئاسي، و هي مقسومة إداريا ل 58 ولاية و 1541 بلدية.

الجزائر
Flag of Algeria.svg Emblem of Algeria.svg
نشيد قسما
شيعار «بالشّعب وللشّعب»
لعاصيمة ألجي
الساكينة
شحال دالسكان 41,318,142 (2017)
اللوغات الرسمية لعربية
لأمازيغية لمعيارية د لجزائر
متوسط ديال لعمر 76.078 (2016)
لجغرافيا
لميساحة 2,381,741 كم²
لقمة لعالية تاهات (2,918 م)
لبلاصة الطايحة شط ملغيغ (−40 م)
لإدارة
الرئيس د لجزائر عبد المجيد تبون
لوزير اللّول د لجزائر عبد العزيز جراد
لبرلمان لبرلمان د لجزائر
لقتيصاد
لبيطالة (شوماج) 10 % (2014)
مؤشر التنمية لبشرية 0.754 (2017)
لفلوس دينار جزايري
معلومات خرا
توقيت ديال لبلاد ڭرينيتش + 1
رمز لبلاد DZ
رمز لانترنيت ‎.dz‎
رمز التيليفون +213
نماري د ليرجونس 14، 17، 112، 1548 و 1055
جيهة د صوڭان ليمن

لبلاصة اللي فيها لجزائر عندها تاريخ قديم و دازو منها بزاف د لحضارات منهم النوميديين و لفنيقيين و لقرطاجيين و الرومان و لأمويين و لعباسيين و لأدارسة و لمرابطين و لموحدين و لعتمانيين، قبل ما تحتّلها فرانسا ف 1830. بقات فرانسا محتلاّها تال 1962، و هو لعام اللي ستاقلات فيه لجمهورية د لجزائر من مورا حرب بقات 8 سنين و ماتو فيها كثر من مليون واحد، و عليها تاتسمّا لجزائر: "لبلاد د لمليون شهيد".[1]

تيسكنو ف لجزائر تقريبا 44 مليون د الناس، و لعاصمة ديالها و أكبر مدينة فيها هي لجزائر لعاصمة. اللغات الرسمية د لبلاد هوما لعربية و لأمازيغية، و لفلوس اللي كاتخدّم هي الدينار لجزايري. لجزائر داخلة مع بزاف د لمنضمات عالمية بحال لأمم لمتحدة و لجامعة د الدول لعربية و أوپيك، و هي عضو مؤسس ديال لإتحاد لإفريقي و لإتحاد د لمغرب لعربي.

لعيونعدل

  تقدر تزيد شوف بزاف د صور و معلومات ديال Algeria ف ويكيميديا كومنز.