أحمد لمنصور الدهبي
أحمد لمنصور دّهبي (تولد 1549 ف فاس، مات عام 1603 ف فاس)[1] كان سلطان ديال لمغريب من سّلالة د سّعديين من 1578 حتال 1603. هو كان سادس و أشهر سلطان ديال سّعديين. أحمد لمنصور كان واحد الشّخصية مهمة ف أوروپا و أفريقيا ف لقرن 16. كانو قالو عليه بلي كان راجل "ديال التعليم لإسلامي لعميق، و محب للكتوبا و للخط و للماط، و متذوق للنصوص الصوفية ومحب للمناقشات العلمية."[2]
أحمد لمنصور الدهبي
| ||
| ||
| معلومات عامة | ||
| زيادة | 1549 فاس (الدولة الوطاسية) | |
| لموت | 25 غشت 1603 (53/54 عام) فاس (سّعديين) | |
| طريقة دلموت | موتة طبيعية | |
| سباب لموت | طاعون | |
| لحرفة | عاهل، شاعير، كاتب و قايد عسكري | |
| لّوغات لي كيعرف | عربية | |
| لفاميلة | ||
| لواليد | محمد الشيخ | |
| لواليدة | مسعودة الوزكيتية | |
| خوت | عبد الملك الأول السعدي و عبد الله الغالب | |
| لولاد | زيدان الناصر بن أحمد أبو فارس عبدالله الشيخ المأمون | |
| ||
أبو العباس أحمد المنصور بالله بن محمد الشيخ المهدي، هو "أمير المؤمنين" و "خليفة المسلمين" و سابع سلطان فمغرب الأشراف السعديين. ولقبوه "المنصور بالله"، بعد الانتصار ديالو فمعركة واد المخازن، وكيقولو عليه "الذهبي" لي كان زاهي بالذهب.
مع بداية حكم المنصور بالله، واجه مؤامرة من العثمانيين بتواطؤ مع بعض كبار الجيش المغربيين، بغاو يسقطوه ويحلو بابن أخوه إسماعيل بن عبد الملك. ولكن المنصور بالله نجا من المؤامرة وحكم على المغرب لمدة تقريبا 26 عام، و الدولة المغربية اتسعت حتى وصلات لنهر النيجر فالجنوب و النوبة فمصر فالشرق.
المنصور بالله كان عندو حب للعلم والعلماء، وعشق للشعر، و بزاف ديال الناس كيقولو عليه أحسن شاعر ملوك المغرب. و هو كتب كتاب فالسياسة تحت عنوان "كيف تنظم الملك" و هاد الكتاب كيشرح كيفاش تحافظ الدولة الملكية على هيبتها ومجدها. المنصور بالله كان معروف فالغرب باش يكون متصوف وكان يحب الكتب و الخط و الرياضيات و كان عاشق للنقاشات العلمية وكان يشجع العلوم والفنون. و بزاف ديال المؤرخين كيعتبروه واحد من أهم الشخصيات لي ليها تأثير كبير فساحة السياسية فأوروبا
عيون لكلام
بدل- ^ Rake، Alan (1994). 100 great Africans. Metuchen, N.J.: Scarecrow Press. ص. 48. ردمك 0-8108-2929-0.
- ^ García-Arenal، Mercedes (2009). Ahmad al-Mansur (Makers of the Muslim World). Oneworld Publications. ص. 23. ردمك 978-1-85168-610-0.
 هادي زريعة ديال مقالة خاصها تّوسع. تقدر تشارك ف لكتبة ديالها. |
|
تقدر تزيد شوف بزاف د تّصاور و لمعلومات ديال Ahmad al-Mansur Eddahbi ف ويكيميديا كومنز. |