شفق
الشفق فلكوكب ديال لأرض هو الضو فالطبقات السفلانية ديال لجو فلوقت اللي الشمش مضرّݣة مورا لأفق وماكاتشافش بطريقة ديريكت. كايوقع الشفق فاش كاتضرب الشعة ديال الشمش الطبقات لفوقانيين ديال لجو وكاتشتت، وبهاكدا كايضوا لتحت ديال لجو وكايولي السطح ديال لرض مامضويش مزيان ومامضلّمش. لكلمة ديال الشفق كانسميوها حتى على لفترات ديال لوقت اللي كايطرا فيهوم هاد الضو.[2]
كلما كانت الشمش بعد على لأفق كلما كان الضو باهت والضلمة كحلة، وبالتالي الشفق ماكايبانش. فاش كاتهبط الشمش لـ18 درجة تحت لأفق كايسالي الشفق وكايبدا الليل. عاوتاني فاش كاتطلع الشمش وكاتوصل ل18 درجة، كايسالي الليل وكايبدا الشفق ديال الصباح. لمصوّيرين كايعجبهوم لوقت ديال الشفق حيتاش كايبيّن لمجسمات أولا داكشي اللي بغاو إيصوروه بواحد الضو خافت، وكايسميو هاد لوقت بالساعة لحلوّة، أولا الرسامين اللي كايسميوها الساعة الزرقة واللي جات من لفرانساوية (l'heure bleue). هاد النوع ديال الشفق ماخاصوش يتخالط مع الشفق لقطبي اللي يمكن إيكونو عندو نفس لخاصيات فالليل فلخطوط ديال لعرض لعاليين.
التعريف ديال لهنداسة
بدلكايتعرّف الشفق فلهنداسة على حساب لرتيفاع ديال الزاوية دالشمش (θs)، واللي هي لموقع ديال لمركز لهنداسي دلقرص دالشمش بالنسبة للأفق. كاينين تلاتة ديال لأنواع دالشفق واللي مقبولين بشكل كبير: الشفق لمدني (قريب من لأفق)، الشفق لبحري والشفق لفلكي (بعيد من لأفق).[2]
التعريف بالضو
بدل
تلاتة دلأنواع ديال الشفق هوما اللي معروفين ومقبولين بشكل كبير واللي هوما: الشفق لمدني (لمضوّي بيناتهوم) والشفق لبحري والشفق لفلكي (لمضلّم بيناتهوم).
الشفق لمدني
بدلالشفق لمدني هو لوقت اللي كاين ضو طبيعي كافي باش لأضواء الصيناعية (ديال الزنقة متلا) مايبقاش خدّام. كايبدا الشفق لمدني ديال الصباح ملّي كايكون لمركز ديال لقرص دالشمش فستة ديال الدرجات تحت من لأفق[3][4][5] وكايسالي مع الطلوع دالشمس.[3][4][5] كايبدا الشفق لمدني ديال لعشية فاش كاتغرب الشمش[3][4][5] وكايسالي ملّي كايكون لمركز ديال لقرص دالشمش فستة ديال الدرجات تحت من لأفق.[3][4][5]
فاش كايكون لجو صافي ومزيان كايكون الشفق لمدني هو لحدّ اللي الضو ديال الشمس كايكون كافي باش لعين ديال بنادم تقدر تفرّق مابين لحوايج اللي فلأرض. الضو لكافي كايخلّي لبشري مامحتاجش للضو الصيناعي فبزاف ديال لانشيطة اللي كايدير. فلفجر لمدني ولغساق لمدني كايكون ضو الشمش طاغي فلأفق والنجوم ولكواكيب كايقدرو يبانو. الناس اللي كاتراقب السما تقدر تقشع الزهرة "لكوكب المضوّي" (نجمة الصباح أولا نجمة لعشية كيما كايتسمى) حيتاش كايقدرو يشوفوه فوقت الشفق لمدني، على حساب كيفاش كايتشاف من لأرض والضو اللي كايعكسو من الشمش. [6]
الشفق لبحري
بدلالتعريف
بدلكايبدا الشفق لبحري ديال الصباح ملّي كايكون لمركز ديال لقرص دالشمش ف12 ددرجة تحت من لأفق، وكايسالي ملّي كايكون لمركز ديال لقرص دالشمش فستة ديال الدرجات تحت لأفق. كايبدا الشفق لبحري ديال لعشية ملّي كايكون لمركز ديال لقرص دالشمش فستة ديال الدرجات تحت لأفق، وكايسالي ملّي كايكون لمركز ديال لقرص دالشمش ف12 ددرجة تحت من لأفق.[7]
لفجر ولغساق لبحري
بدل
لفجر لبحري هو لوقيتة فاش كايكون لمركز ديال لقرص دالشمس ف12 درجة تحت لأفق فالصباح. كايجي قبل من هاد اللحضة لفترة ديال الشفق لفلكي ديال الصباح وكايتبعها الشفق لمدني دالصباح. لغساق لبحري هو لوقيتة فاش كايكون لمركز ديال لقرص دالشمس ف12 درجة تحت لأفق فلعشية. فهاد اللحضة كايسالي الشفق لمدني ديال لعشية وكايبدا الشفق لفلكي.[3][4][5][8] البحّارة مايقدروش يبحرو جيهة لفق قبل من لفجر لبحري ومورا لغسق لبحري حيتاش الضو ماكايكونش كافي فالسما ولأفق ماكايبانش مزيان. كايكون صعيب بزاف أولا مستاحيل ݣاع على لعين دبنادم باش تشوف أولا تلقى آتار تاع الضو فالنقطة اللي كاتطلع أولا كاتغرب فيها الشمش. فهاد لحالة لبحّارة كايعتامدو على نجوم معروفين فلوقت ديال الشفق لبحري فاش يقدرو إيشوفو لأفق بطريقة باينة. فجو صافي ومزيان ؤواخّا ماكاينش ضو صيناعي لعين دبنادم تقدر يبان ليها لأجسام بطريقة مزيانة ولايني مايقدرش لواحد يدير أنشيطة على برّا.[9]
الشفق لفلكي
بدلكايبدا الشفق لفلكي ديال الصباح ملّي كايكون لمركز ديال لقرص دالشمش ف18 ددرجة تحت من لأفق، وكايسالي ملّي كايكون لمركز ديال لقرص دالشمش ف12 درجة تحت لأفق. كايبدا الشفق لفلكي ديال لعشية ملّي كايكون لمركز ديال لقرص دالشمش ف12 درجة تحت لأفق، وكايسالي ملّي كايكون لمركز ديال لقرص دالشمش ف18 درجة تحت لأفق.[2][3][4][5]
لفجر ولغساق لفلكي
بدل
لفجر لفلكي هو لوقيتة فاش كايكون لمركز ديال لقرص دالشمس ف18 درجة تحت لأفق فالصباح. كايجي قبل من هاد اللحضة لفترة دالليل وكايتبعها الشفق لبحري دالصباح. لغساق لفلكي هو لوقيتة فاش كايكون لمركز ديال لقرص دالشمس ف18 درجة تحت لأفق فلعشية. فهاد اللحضة كايسالي الشفق لفلكي ديال لعشية وكايبدا الليل.[4][5] فبعض لبلايص (بعيد على التلوت ديال الضو، ضو لݣمرة أولا الشفق لقطبي ومصادير خرين ديال الضو)، واللي فيهوم كاتكون السما كحلة بالجهد باش يدّارو لملاحضات ولمشاهادات لفلكية، لعولاما ديال لفلك كايقدرو يرصدو لماصير النقطية ديال الضو بحال النجوم أولا لكواكيب قبل وفالشفق لفلكي دلعشية ؤفالشفق لفلكي دالصباح ومن بعدو. واخا هاكاك لأجسام لفلكية لباهتة بحال لمجرات كايخصها ضلام زايد باش تشاف، داكشي لاش الرصد ديالها كايتدار بالليل. نضريا النجوم لباهتة كاتولي تبان من مورا ماكايسالي لغساق لفلكي دلعشية وكايولي مستحيل تشاف من مورا ماكايسالي لفجر لفلكي دالصباح.[10]
فبعض لبلايص الشفق لفلكي كايكون ماباينش مع الليل بسباب التلوت الضوئي، بزاف ديال الناس غادي يحساب ليهوم السما مضلمة بحال الليل إلا تسولو فلعشية واخّا سالا الشفق لفلكي أولا فالصباح ؤواخّا بدا الشفق لفلكي. بسباب هاد التلوت الناس اللي فالتجمعات لكبيرة ديال السكان أولا فلمدون لكبار ماكاتّاحش ليهوم لفرصة باش إيشوفو النجوم لباهتين، خلّي يادلّي يشوفو السما مضلمة بزاف كيما هي على طبيعتها.
تصاور
بدل-
لمنضر ديال واحد الساحة فالطايوان وقيتة الشفق لمدني ديال لعشية. -
لغروب ديال لقمر فوقيتة قريبة من الصباح. -
الشفق فوصط الصيف فلويلاية ديال كاليفورنيا فلميريكان. -
لغمام فالتصويرة بدا كايضوي بسباب الشعة ديال الشمش (12 درجة تحت لأفق) اللي جاية فالشفق لبحري. -
الشفق فالليل لقطبي فلݣزاير ديال سڤالبارد اللي تابعة للنورڤيج.
شوف حتى
بدلعيون لكلام
بدل- ^ Van Flandern، T.؛ K. Pulkkinen (1980). "Low precision formulae for planetary positions". Astrophysical Journal Supplement Series. 31 (3). Bibcode:1979ApJS...41..391V. doi:10.1086/190623.
- ^ a b c "Definitions from the US Astronomical Applications Dept". USNO. مأرشيڤي من لأصل ف 2019-09-27. تطّالع عليه ب تاريخ 2011-07-22.
- ^ a b c d e f ftp://ftp.flaterco.com/xtide/Bowditch.pdf#238[ليان مهرس ديما] The American Practical Navigator, 2002; page 238
- ^ a b c d e f g http://msi.nga.mil/MSISiteContent/StaticFiles/NAV_PUBS/APN/Gloss-1.pdf#9 مؤرشف 2017-08-29 فموقع وايباك ماشين Glossary of Marine Navigation
- ^ a b c d e f g http://www.ast.cam.ac.uk/public/ask/2445 مؤرشف 2017-08-05 فموقع وايباك ماشين University of Cambridge – Institute of Astronomy – Ask an Astronomer [NB: questionable source as its sources refer back to Wikipedia]
- ^ "What Is Civil Twilight?". www.timeanddate.com. مأرشيڤي من لأصل ف 2023-08-19. تطّالع عليه ب تاريخ 2020-10-31.
- ^ "What Is Nautical Twilight?". www.timeanddate.com. مأرشيڤي من لأصل ف 2023-08-29. تطّالع عليه ب تاريخ 2020-10-31.
- ^ "What Is Nautical Twilight?". www.timeanddate.com. مأرشيڤي من لأصل ف 2023-08-29. تطّالع عليه ب تاريخ 2020-10-31.
- ^ %5bhttps://web.archive.org/web/20190927120626/https://aa.usno.navy.mil/faq/docs/RST_defs.php مؤرشف%5d 2019-09-27 فموقع %5b%5bوايباك ماشين|وايباك ماشين%5d%5d Rise, Set, and Twilight Definitions "aa.usno.navy.mil" Check
|url=value (معاونة). - ^ "What Is Astronomical Twilight?". www.timeanddate.com. مأرشيڤي من لأصل ف 2023-10-02. تطّالع عليه ب تاريخ 2020-10-31.
|
تقدر تزيد شوف بزاف د تّصاور و لمعلومات ديال Twilight ف ويكيميديا كومنز. |