الليل بصفة عامّة هو لفترة اللي ماكاتكونش فيها الشمش فالسما. كايجي الليل مورا لغساق وقبل لفجر، لعكس ديال الليل هو النهار. لبدية ولافّان ديال الليل كايختالفو على حساب كيفاش كولا واحد عايش حياتو وفينا بلاصة وشحال دالساعات ديال الضلام كاينين فليوم لكولّا وقيتة فلعام. كايكون ختيلاف فلمدة ديال الليل على حساب خط لعرض ولفصل اللي كاين فيه لمراقيب.[1] إلا تخاد الليل كفترة كاتبدا من مورا لغساق يمكن نحددو لبدية ولافّان ديالو بوقات لماݣانة من 9 دلعشية حتال 4 دلفجر.[2]

منضر ديال خليج ناپولي فالليل
تصويرة مركّبة ديال لأرض فالليل

الضلام لكامل أولا الليل لفلكي هو لفترة مابين لغساق لفلكي ولفجر لفلكي فاش كاتكون الشمش مابين 18 و90 درجة تحت لأفق وماكاتضوّيش السما. فخطوط لعرض مابين 48.56 و 65.73 درجة (شمال أولا جانوب) ماكايجيش الضلام فالصيف لهاد لبلايص، حيتاش واخّا كاتغرب الشمش فهي عمّرها كاتوصل 18 درجة تحت لأفق.

الضو الطبيعي كايكون بالليل وكايجي من تخليطة ديال الضو دلقمر ولكواكيب وضو النجوم ولفجر لكدّاب ولوهج دالليل. فبعض لحالات يمكن للشفق لقطبي أولا لبرق أولا الضو اللي خارج من بعض لحيوانات ولحشرات أنه يضوي لمكان فالليل. داك الضباب اللي كايديرو الشعة ديال الضو دالزنقة كايتسمى التلوت بالضو، ويقدر هاد التلوت يدير مشاكيل ويتداخل مع الرصد لفلكي ولأنضمة لبيئية.

شوف حتاعدل

عيون لكلامعدل

  1. ^ "Sunrise and sunset times in London". timeanddate.com.
  2. ^ "Parts of the Day: Early morning, late morning, etc. - Ask The Editor". Learner's Dictionary.
  تقدر تزيد شوف بزاف د صور و معلومات ديال Night ف ويكيميديا كومنز.