ساعة زرقة
الساعة الزّرقة (جاية بترجامة من لفرانساوية l'heure bleue)[1] هي فترة ديال الشفق (الصباح أولّا فلعشية، قريب من وقيتة الشفق لبحري) فاش الشمش كاتكون ضاهريا غارقة تحت لأفق ، وداك الشوية ديال الضو اللي جاي منها كاياخد لون ديال الزرق لمغلوق اللي مختالف على اللون اللي كايتشاف فنهار صافي، هادشي تحت التأتير ديال تشتت رايلي.
.jpg)
الساعة الزرقة كاتطرا فاش الشمش كاتكون بعيدة تحت لأفق. بسباب هادشي لموجات ديال الضو اللي جاية من الشمس كاتكون قصيرة (يعني اللي فيها اللون الزرق) وكاتسيطر على السما بسباب واحد التأثير اللي عندو علاقة بلأوزون.[2] هاد لمصطلح ماعندوش تعريف علمي بحال لفجر أولا لغساق أولّا لمراحيل ديال الشفق بتلاتة حيتاش هو مصطلح عام وشعبي. الساعة الزرقة هي تعبير اللي كايعني الضو الطبيعي اللي كاطرا فلفترة ديال الشفق لبحري (فلفجر أولا فلغساق).[3]
كيفاش وإيمتا كايطرا
بدلالتفسير لغالط اللي مازال كايتعطى باش تشرح هاد الضاهيرة هو أن لغلاف لجوي قبل الطلوع دالشمس ؤ مورا ماكاتغرب غير كايستقبل وكايشتت الشعة الزرقة لقصيرة وكايبعتر الشعة لحمرة الطويلة، الشي اللي كايفسر لاش السما فهاد الساعة كايكون فيها لون مغموق بزاف.[4] فلحقيقة، الساعة الزرقة كاتطرا فاش الشمش كاتكون بعيدة تحت لأفق. بسباب هادشي لموجات ديال الضو اللي جاية من الشمس كاتكون قصيرة (يعني اللي فيها اللون الزرق) وكاتسيطر على السما بسباب واحد التأثير اللي عندو علاقة بلأوزون.[2] كاينين بزاف ديال لمواقيع اللي كاتعطي معلومات على لأوزون مازال كاتنشر لمعلومة لمغلوطة باللي لأوزون ماكايساهمش فاللون ديال السما،[5] واخّا هاد التأتير ماكايبانش فالنهار، مابين الشفق دالصباح وديال لعشية.
فاش كاتكون السما صافية، الساعة الزرقة تقدر تكون فرجة ولوحة فنّية ديال لألوان. الضو ديال الشمش اللي مضرّݣ إقدر يخلي السما تلّوّن بلحمر والليموني والصفر والزرق. هاد التأتير جاي من لينتشارية النسبية ديال لموجات لقصيرة (الزرقة) اللي كاتشاف، وحتى لموجات الطويلة (اللي عندها لوان غادة للحمر).[6] فوقيتة الساعة الزرقة كايدوز الضو لحمر فلفضاء عكس لموجات الزرقة اللي كاتشتت فلغلاف لجوي، واللي كاتوصل الضس ديال لأرض. لمدة ديال الساعة الزقة غالبا كايكون مابين 20 حتال 30 دقيقة قبل الشروق ومن مورا لغروب. متلا إلا غربات الشمش ف6:30 دلعشية، غادي تشاف الساعة الزرقة مابين 6:40 و7:00 ديال لعشية. إلا طلعات الشمش مع 7:30 دالصباح، غادي تطرا الساعة الزرقة مابين 7:00 و7:20 ديال الصباح.[7]
الساعة الزرقة فلفنون
بدلبزاف ديال لفنّانين كاتعجبهوم لوقيتة ديال الساعة الزرقة حيتاش الضو كايكون خافت. الضو الزرق اللي كاتعكسو السما من الشمش اللي كاينة ضاهريا تحت لأفق مابين 4 و8 ديال الدرجات كايكون طاغي، واخّا الساعة الزرقة ماعندهاش تعريف واضح.[6] لمصوّرين كايحماقو على الساعة الزقة حيتاش كاتعطي للتصاور ديالهوم واحد النغمة هادية وطرانكيل. من لمستحسن فاش لواحد يكون كايصور فالساعة الزرقة يشد شي حوايج اللي عندها ضو صطيناعي جاي منها، بحال لعمارات ولمآتير ولفوق ديال لمدون، أولّا لقناطر لكبار.
شوف حتى
بدل
|
تقدر تزيد شوف بزاف د تّصاور و لمعلومات ديال Blue hour ف ويكيميديا كومنز. |
عيون لكلام
بدل- ^ Verfaillie، Roland (2011). L'heure Bleue. San Francisco: Purple Onion Press. ص. 5. مأرشيڤي من لأصل ف 2022-05-17. تطّالع عليه ب تاريخ 2021-02-17.
- ^ a b Hoeppe، Götz (2007). Why the Sky Is Blue: Discovering the Color of Life. Princeton: Princeton University Press. pp. 249–53. ردمك 0-691-12453-1. مأرشيڤي من لأصل ف 2023-08-25. تطّالع عليه ب تاريخ 2021-02-17.
- ^ "The Blue Hour". timeanddate.com. مأرشيڤي من لأصل ف 2023-06-14. تطّالع عليه ب تاريخ 6 أبريل 2019.
- ^ "What is the blue hour? Learn about this magic time between daylight and darkness". mnn.com. مأرشيڤي من لأصل ف 2019-04-07. تطّالع عليه ب تاريخ 7 أبريل 2019.
- ^ https://web.archive.org/web/20190805094647/https://www.ozonesolutions.com/info/ozone-fallacies. مأرشيڤي من لأصل ف 2019-08-05. تطّالع عليه ب تاريخ 2021-02-17. Missing or empty
|title=(معاونة) - ^ a b "Blue Hour – Magic Hour". timeanddate.com. مأرشيڤي من لأصل ف 2023-06-14. تطّالع عليه ب تاريخ 16 أكتوبر 2017.
- ^ "What is the blue hour?". earthsky.org. مأرشيڤي من لأصل ف 2023-10-06. تطّالع عليه ب تاريخ 7 أبريل 2019.