ويكيپيديا

پانضا عملاق

پانضا عملاق
معلومات عامة
سمية لعيلمية Ailuropoda melanoleuca
(أرمان دافيد، 1869)
لخاصية د ترتاب نوع
تابع ل پانضيات
حالة د لحماية
نوع معرض للانقراض
UICN712
لعيشة
لمودة د لعيشة حتال 36.8 عام
كايعيش ف غابة
لاصل ديالو شينوا
لمناسلة
شحال كايولد ف دقّة 1.5
خصايصو
لكتلة 104
117.5
كاياكل خيزراناوات
لخواص طبيعية
لخاريطة ديال فين عايش لكائن
معلومات خرين
رمز ديال ليونيكود 🐼


لپانضا لعملاق (سمية عيلمية: Ailuropoda melanoleuca، آيلوروپوضا ميلانوليوكا)، هو نوع من الدب مستوطن أصلي ف الشينوا. هاد لحيوان مخصل ب فرو بيض معا 2 طاشات كوحل ضايرين ب عينيه، ودنيه، رجليه، و كتافو. كسدتو مكوْرة؛ لفراد لبالغين كايوزنو من 100 ل 115 لكيلوݣرام، و ما بين 1.2 حتى ل 1.9 ميطرو ف الطول. هاد النوع عندو الديمورفية لجنسية، الدكور ف لعادة كبر من النتوات ب 10 حتى ل 20٪ ف لقد. صبع لبهام كايكون باين ف رجليه لقداميين، هادشي كايعاونو ف قبيط لبامبو منين كايكون كاياكل. لپانضا عندو ضراس كبار، و حفرة صدغية موسعة باش يقدر يلبي لحتياجات دياولو د الماكلة. كايقدر يهضم النشا و عواشبي ف لغالب، الريجيم ديالو كامل تقريبا مكون من لبامبو و الجدر ديالو.

لپانضا لعملاق كايعيش ب شكل حصري ف ستة د لمناطق جبلية ف شي أقاليم شينوية قليلة ف علو يقدر يوصل حتى ل 3.000 ميطرو. هو حيوان خلوي[ن 1] و كايتلاقى معا بعضياتو غير ف مواسم لمجاوجة. هاد النوع كايعول على التواصول ب الشم باش يتواصل و باش يخدّم التعلامات د الريحة كا سينيال كيماوي على الصخور ولا الشجر. النتوات كايقابلو الدياسم (صغار د لپانضا) من 18 ل 24 شهر كا متوسط. أكبر دب پانضا عاش كانت عندو 38 عام.

ب سباب لفلاحة، التحياد د لغابات و التاطوور ف لبنية التحتية، لپانضا لعملاق تجرا عليه من لبلايص د التيرات لحادرة فين كان كايعيش. التعداد لبري تزاد عاوتاني ف 2015 ل 1,864 راس. من 2016، تليستا كا نوع مامأمنش ف تصنيف الليستا لحمرا. ف يوليوز 2021، السلطات الشينوية حتى هوما كلاصاو لپانضا كا نوع مامأمنش. پانضا نوع كايعول على السيسطيمات د لمحافضة. ف 2007، التعداد د لپانضاوات لمشدودين ف لكاپتيڤيطي هو 239 راس ف الشينوا و 27 راس آخر برا الشينوا. لپانضا لعملاق من ديما خدم كا رمز وطني ل الشينوا، و بان ف السوانت الدهبية الشينوية د لپانضا من 1982 و واحد من 5 د لماسكوطات د فووا ف لأولامپياد الصيفي د عام 2008 لي تنضم ف بييْجين.

الطاكسونوميا

بدل

من هادي عقود، لكلاصاج الطاكسونومي لإيكزاكط على لپانضا لعملاق كان محط ل النيقاش حيتاش كايتشارك خصايل معا الدبوبا و الراكونات ب جوج.[1] ف 1985، الديراسات لجوزيئية لمحات بلي لپانضا دب د بصح، طرف ف لفاميلة د الدبيات.[2][3] هاد الديراسات ورات كيفاش هاد النوع تعرش هادي 19 لمليون عام من الجد لمشتارك ديال الدبيات؛[4] لپانضا هو أكتر عضو بيدائي من هاد لفاميلة و بعيد من ݣاع النواع لباقيين لخرين لي معاه ف لفاميلة.[5]

النواع التحتانية

بدل
 
پانضا د تشينلين عندو لون قهوي فاتح ؤ بيض.

جوج نواع تحتانية تعرفو ب سباب لقياسات لجمجومية لمفرزة، النماط د اللون، و الجينات د النسمات.[6]

  • النوع التحتاني اللول مكون من أكتر النسمات لباقية من لپانضا لعملاق. هاد النوع التحتاني كايتلقا ب شكل رئيسي ف سيتشوان و كايوريو لوان متناقضة معا بعضياتها لكحل لغالق معا لبيض.[7]
  • النوع التحتاني التاني هو لپانضا د تشينلين، (A. m. qinlingensis)،[8] لمحصور ف الجبال د تشينلين ف شانسيي ف علو ديال 1,300 ل 3,000 ميطرو. النمط د اللون بيض و كحل ديال لپانضا لعملاق د سيتشوان ولا ف بلاصتو النمط د لقهوي لفاتح و لبيض.[6] الجمجومة د لپانضا د تشينلين صغر من قرابو، و عندو ضراس كبر.

واحد الديراسة مفصلة على التاريخ الجيني د لپانضا ف 2012 كاتأكد التفراق بين النسمات د تشينلين و لپانضات لخرين كان هادي 300,000 عام تقريبا، و كاتوري بلي النسمات لي ماشي من تشينلين تفرعات ب راسها ل جوج ݣروپات هادي 2,800 عام، سميتهوم لمينشان و التشيونلاي-ضاشيانلين-شياوشانلين-ليانشان.[9]

لفيلوجينيا

بدل

واحد من التمنية د النواع لباقيين ف لفاميلة د الدب، لي هي الدبيات، النسل د لپانضا لعملاق هو أول نسل تعرش برا النواع لخرين لي ف هاد لفاميلة.[5][10]

التوزيع و لموايل

بدل

لپانضا لعملاق مستوطن أصلي ف الشينوا. كايتلقى فشي نسمات صغار و مقسمين ف ستة د لبلايص الجبلية ف هاد لبلاد، ب لآخص ف سيتشوان، و ف لبلايص لي حداها بحال شآنسيي و ݣانسوو.[11] لمحافضة الناجحة على لموايل ودات ل الزيادة ف التعداد د لپانضا، وخا هاكداك خسران لموايل ب سباب لانشيطة د بنادم باقي هو أكبر ريسك ليهوم. ف بلايص لي فيها تركيز زايد من لبزوليات لمتوسطة حتى لكبيرة لقد—بحال لبݣرة لمربية لي هي نوع معروف ب لماكلة ديالو ل أراضي د لپانضا، لپانضات ماكايكونوش بزاف. هادشي راجع ف لأساس ل التاجنوب د لپانضا ل لمنافسة بينات النواع.[12][13] النسمة ديال جبل الضاشيانلين كاتسكن ف لغابات د الصنوبر و لغابات عريضة لوراق ب جوج.[14] لموؤل الدايم ديالهوم ب تركيز زايد د لبامبو، كايكون ف لعادة لغابات لبيدائية، و لاكين يقدرو يكونو حتى ف لموايل د لغابات التانوية.[15] هاد النوع تشجل ف علو ديال 2,400 حتى ل 3,000 ميطرو فوق من النيڤو د لبحر.[16]

لپانضا لعملاق ف واحد لوقت كان كايجول ف جنوب شرق آسيا من ميانمار ل الشمال د لڤييطنام. لمادى ديالهوم ف الشينوا كان واصل حتى لبلايص الجنوب شرقية من لبلاد. منين جا لعصر الجديد لقريب، التبدال لموناخي قاس النسمات ديال لپانضا، و موراها جا لحكيم ديال لبشر و ودى ل خسران كبير ف لموايل.[17][18] ف 2001، تقدّر بلي لمادى ديال لپانضا لعملاق نقص ب 99٪ على لمادى لي كان عندو ف لالفيات لي فاتو.[19]

لوصف

بدل

لپانضا عندو شكل لكسدة بحال الدبوبا لخرين. لفرو ديالو كحل و كاين ف لودنين، الطراف لفوقانية و التحتانية، لكتاف و ضاير ب عينيه. لباقي ف لفرو بيض.[20] التلوينة لمفرزة د هاد الدب كاتبان بلي كاتخدّم كا كاموفلاج ف لبيئات د الشتا و الصيف ب جوج حيت ماكايديروش السبات بحال قرابهوم. لبلايص لبيضين كاتخدم كا كاموفلاج ف التلج، ف لوقيتة لي لكتاف و لفخاد لكحلين كايسترهوم ف الضل.[21] الديراسات لي ف لبرية لقات بلي منين لپانضا كايتشاف من لبعد، كايبدا يوري تلوينة مشتتة، ف لوقيتة منين كايتشاف من لقرب، كايبدا يعول كتر على لكاموفلاج.[22] لودنين لكحلين يقدرو يكونو كايتخدمو باش يوريو لعنف،[21] ف لوقيتة لي الضوارات د لعينين يقدرو يسهلو عليهوم ف لمعرفة د بعضياتهوم.[21][23] لفرو السميك و الصوفي ديال لپانضا كايخليه دافي ف لغابات لباردة لي كايعيش فيها.[20]

الشكل د الجمجومة ديال لپانضا ديال لكارنيڤورات لمختصين ف لماكلة د لقشريات. تطورات من الجدود لفايتين و ولات كاتوري ضراس كبر ب زيادة ف التعقاد و ب حفرة صدغية موسعة.[24][25] واحد الديراسة ورات بلي پانضا عملاق وازن 117.5 كيلوݣرام عندو جهد العضة ب 1298.9 نيوتن ف النياب. و ب 1815.9 نيوتن ف السنان اللحايمية.[26] لقياس د لبالغين بينات 1.2 و 1.9 ميطر ف الطول، ب لحساب د لقزيبة لي طولتها بين 10 و 15سنتيميطر، و بينات 60 حتى 90 سونتيم ف الطول د لكتاف.[27][28] الدكور يقدرو يوزنو حتى ل 160 كيلو.[29] النتوات ب شكل عام صغر ب 10 حتى ل 20٪ على الدكور. كايوزنو من 70 حتى ل 125 كيلو. لوزن لمتوسط عند لبالغين هو 100 ل 115 كيلوݣرام.[30]

لمخلب د لپانضا فيه صباع بحال شي بهام و خمسة د الصبعان؛ الصبع لي بحال لبهام ف لحقيقة عضم جنجلاني تموديفيا – كايعاون لپانضا ف قبيط لبامبو و هو كاياكل.[31][32] لقزيبة د لپانضا لي عبارها بين 10 و 15 لسنتيم هي تاني أطول قزيبة ف لفاميلة د الدبيات من مور الدب لفنيان.[33]

لإيكولوجيا

بدل

الريجيم

بدل
 
پانضا كياكلو لبامبو.
پانضا كياكلو، يوقفو، ؤ يلعبو.

وخا لكلاصاج الطاكسونومي كايحسبو معا لكارنيڤورات لي هي بزوليات لحايمية، الريجيم ديال لپانضا ف الساس عواشبي، ب 99٪ من الريجيم ديالو كايتكون من لبامبو.[34] وخا هاكداك، لپانضا عندو سيسطيم هضمي ديال شي كارنيڤور، و جينات مقرونة ب لكارنيڤورات،[35] عليها هاد الريجيم كايعطي طاقة و پروتين قلال من الستيهلاك د لبامبو. لقدرة على هديم السيلولوز و الليݣنين ضعيفة بزاف، و السورس الساسية ديال لموغديات كاتجي من النشا و لهيميسيلولوز. أهم طرف عند لپانضا من الريجيم د لبامبو هو الجدور د لبامبو، لي غنيين ب النشا و فيهوم حتى ل 32٪ من لپروتين. عليها، لپانضات طورو قدرة عالية ف هضيم النشا على لكارنيڤورات لخرين لي ريجيمهوم فيه اللحم.[36] لبامبو خضر طوكسيك، فيه موركابات السيانيد. لانسيجة ديال لكسدة د لپانضا عندها قدرة قل من لحيوانات لعواشبية باش تديطوكسيفيي السيانيد، و لايني لميكروبيوم د مصارن لپانضا غنيين ب شكل كبير ب جينات مفتارضة لي كاتديكوضي لأنزيمات لي عندها علاقة ب التحلول د السيانيد، هادشي كايلمح بلي عندهوم ميكروبات مصرانية كاتهضم السيانيد.[37] كايتقدر بلي پانضا بالغ كايمص 54.8–66.1 ميليݣرام من السيانيد كل يوم ف الريجيم ديالو. باش يتجنبو التاسموم، طورو ميكانيزمات أونتي طوكسيك باش يحميو راسهوم. شي 80٪ من السيانيد كايتستقلب (تميطابوليزا) ل تيوسياناط قل ف السومّيّة و كايخرج من لبول، أما ل 20٪ لباقية كاتديطوكسيفيا من كولوارات تانوية خرى.[38]

ف لوقيتة د موسم الجدور (لبامبو) لي من أبريل ل غشت، لپانضات كايخزنو كمية كبيرة من لماكلة باش يوجّدو ل الشهورا الجاية لي مورا هاد لوقيتة لموسمية، ف هاد لموسم لپانضات كايبداو يعيشو غير ب وراق ل بامبو.[39] لپانضا حيوان مختص ب شكل زايد ب آضاپطاسيوات أونيك، و عايش ف لغابات د لبامبو هادي ملاين د لعوام.[40] پانضا عملاق كاياكل حتى ل 9 ل 14 كيلو من الجدور د لبامبو كل يوم باش يعوض لمحتاوى د الريجيم ديالو لي محدود ف الطاقة. لهضيم ديال كمية كبيرة من لمواد يقدر يكون، أو لا بدّا منو ب سباب الدوزان السريع ل كميات كبيرة د لمواد النباتية لي ماكاتهضمش من لكولوار لهضمي الديريكت و لقصير.[41][42] غير هو، تقشع بلي الدوزان السريع ل لمهضومات كايحد من لحتيمالية ديال شي هضيم ميكروبي ف لكولوار لهضمي،[41] هادشي كايودي ل لحد من الشكال د لهضيم لبديلة. هادشي لي كايعطي هاد الريجيم لعامر و لي بسبابو لپانضا يقدر يخرا حتى ل 40 مرة ف ليوم.[43] لكمية د الطاقة لمحدودة لي تطبقات على لپانضا ب سباب الريجيم ديالو أترات ف السلوك د لپانضا. هاد النوع كايميل باش يحد من التافاعولات الجتيماعية ديالو، و كايتجنب لعقبات، الطلعات و لمنحادرات باش مايضيعش الطاقة.[44]

جوج من لخصايل لمفرزة عند لپانضا هي قدو لكبير و وجهو الضاير، لي هوما آضاپطاسيوات ل الريجيم د لبامبو. لآنطروپولوجيست راسل سيوشون شاف: "بحال لݣوريلا لعواشبي، السورفاص د لكسدة التحتانية [د لپانضا] ب لموقارنة معا لقد د كسدتو مؤشير على لموعدال الستيقلابي (metabolic) الطايح عند لپانضا هاد لموعدال الطايح د الستيقلاب و الستيل د لعيشة لمستاقر عند لپانضا كايخليه يعيش ب موارد د لماكلة قلال ب لموغديات بحال لبامبو". لوجه الضاير د لپانضا هو لحاصول ديال عضلات لفك لمجهدة، لي شادة من لفوق د الراس حتى لفك.[44] الضراس لكبيرة كاتشتت و تطحن لمواد النباتية لعامرة ب اللياف.[45]

لخصايل لمرفولوجية ديال لقراب لي نقارضو د لپانضا كاتلمح بلي لپانضا لعملاق لقديم كان حيوان قارت هادي 7 مليون عام. عاد ولى عواشبي يلاه هادي 2–2.4 مليون عام منين بان لپانضا ميكروطا (آيلوروپود ميكروطا).[45][46] تسلسول لجينوم د لپانضا كايلمح بلي لقليب د الريجيم يقدر يكون بدا من لخسران د الريسپطور الدوقي أومامي لوحيد، لي تديكوضا ب سباب الجينات TAS1R1 و TAS1R3، هادشي ودى ل جوج طفرات د كحيز لكاضر (frameshift) وسط لإيكسونات د T1R1.[47] لمداق د لأومامي كايتوافق معا النيڤوات الزايدة د لݣلوطاماط بحال لي كاين ف اللحم، عليها يقدر يكون هادشي لي بدل لعزيلة د لماكلة عند لپانضا.[48] وخا هاكداك التكداب الجيني (التحوول ل جين كداب - pseudogenisation) ديال الريسيبطور د مداق د لأومامي ف ݣنس لپانضا كايتصادف معا لقليب د الريجيم ديالهوم ل عواشبيا، هادشي ف لغالب لحاصول ديال التبدال ف الريجيم و ماشي السباب.[45][47] لوقت د الطفرة ديال الجين T1R1 ف لپانضا تقدّرات بلي طرات هادي 4.2 مليون عام ف لوقيتة لي لبراهين ديال لفوسيل كاتلمح بلي ستيهلاك لبامبو عند لپانضا بدا هادي 7 مليون عام عل لاقل، هادشي كايعطي بلي وخا الستيل د لماكلة لعواشبي بان عندهوم 2 مليون عام تقريبا، لقليب د الريجيم بدا قبل لخسران لوضايفي د الجين T1R1.[49]

لپانضات كاياكلو أي نوع من من النواع ل 25 د لبامبو ف لبرية، أكتر نوع شايع كاياكلوه هو فارجيسيا ضراكوسيفالا (Fargesia dracocephala)[49] و فارجيسيا روفا (Fargesia rufa).[50] غير نواع قليلة من لبامبو لي منتاشرة ب شكل عريض ف لعلوات الزايدة فين كايسكن لپانضا. لوراق د لبامبو فيهوم النيڤوات الزايدة د لپروتين؛ لعروش فيهوم نسبة قل.[51] ب سباب التزهار ف نفس لوقت (synchronous flowering)، و لموت و التجداد د ݣاع نواع لبامبو من نفس النوع، لپانضا ملزوم عليه يلقى عل لاقل جوج نواع مبدلين د لبامبو ف وسط لمادى ديالو باش مايموتش ب الجوع. وخا لپانضا عواشبي ب شكل ساسي، مازال عندو سنان الدب و يقدر ياكل اللحم، لحوت، و لبيض يلا كانو موجودين. ف لكاپتيڤيطي، لحدايق د لحيوان ف لعادة كاتخلي ل لپانضا الريجيم د لبامبو، وخا كاين لي كايعطيهوم بيسكوييات مصاوبة ب شكل خاص ل لپانضا ولا شي مكميلات ريجيمية خرى.[52]

لپانضات يقدرو يسافرو بين لموايل يلا حتاجو، باش ياخدو لموغديات لي خاصينهوم و باش يوازنو الريجيم ديالهوم على ود لمجاوجة.[53]

التافاعولات بينات النوع

بدل

وخا لپانضات لبالغين عندهوم مفتارسات طابيعيين قلال آپار بنادم، الدياسم الصغار محسوسين ل هجمات من نمر التلج، لخز صفر لحلق،[54] لعقبان، لكلاب لمطلوقين، و الدب لكحل لآسياوي. لپانضات لي باقي مابلغوش مزيان حتى هوما محسوسين ل لفريس من النمور.[55]

لپانضات حيوانات سيمپاتريك (2 نواع قراب عايشين ف نفس لموؤل) معا بزوليات كبار خرين و لي كاياكلو لبامبو، بحال الطاكن (Budorcas taxicolor). الطاكن و لپانضا لعملاق كايتشاركو ف نفس النيش لبيئي، و كايكونصوميو نفس لموارد. منين التنافوس على لماكلة كايكون مجهد، لپانضات كايتفرقو ف لقنات ديال التوزيع د الطاكن. من لمنافسين لخرين ديال لپانضا ف لموارد كاين لحلوف لبري لأوراسياوي (Sus scrofa)، لݣورال الشينوي (Naemorhedus griseus)، و الدب لكحل لآسياوي ( Ursus thibetanus). لپانضات كايتجنبو لبلايص ب كتافة متوسطة حتى ل زايدة د لكسيبة، حيت كاتكمش لغطا النباتي.[56] لهضبة د التيبيت هي لبلاصة لوحيدة فين يقدر لپانضا لعملاق و لپانضا لحمر يتلقاو معا بعضياتهم. وخا كايتشاركو تقريبا نفس النيشات لبيئية، التنافوس بين هاد جوج نواع قليل فاش تشاف. تقريباً 50٪ من التوزيع ديالهم كايتداخل، و وصلو ل تعايش ناجح ب سباب لعزيلة د لموايل لمفرزة. كايبدلو النماط السلوكية ب لماكلة من لفجر حتى ل لغروب.[57]

لعدوات و لپارازيطات

بدل

واحد النتوا كابتيڤ ماتت ب الطوكسوپلازموص، لي هو مرض سبابو واحد لپارازيط وسط لخلية پروطوزواني (أولي) معروف ب سمية طوكسوپلازما ݣوندي (Toxoplasma gondii) لي كايقيص أغلب لكاينات د الدم السخون لي بينها بنادم.[58] هوما عاوتاني محسوسين ل لمراض من بايليساسكاريس شروديري (Baylisascaris schroederi)، لي هي دودة سطووانية پارازيطية معروفة كاتقيص لمصارن د لپانضا. النواع د الدود السطوواني معروفين كايتسببو ل لپانضا ب لبايليساسكارياسي، لي هو مرض قتال لي كايفني لپانضات لبريين كتر من أي مرض آخر. زيد على هادشي، النسمة د لپانضا مهددة ب ڤيروس كف الرجل لمخشبة (CDV، ڤيروس لپارڤو د لكلاب، ڤيروس الروطا، ڤيروس ليپاتيت د لكلاب، ڤيروس كورونا د لكلاب. لباكتيريا، بحال كلوستريديوم ويلتشي (Clostridium welchii)، پروطييوس ميرابيليس (Proteus mirabilis)، كليسبييلا بنومونيي (Klebsiella pneumoniae)، و إيستشيريتشيا كولي (Escherichia coli) تقدر تكون حتى هي قتالة.[59]

السلوك

بدل

لپانضا لعملاق حيوان أرضي و كايدوّز حياتو ب شكل ساسي و هو كايجول و ياكل ف غابات لبامبو د جبال تشينلين و ف إقليم سيتشوان لي عامر ب السهول.[60] لپانضات خلويين ب شكل عام.[40] كل بالغ فيهوم عندو واحد الزون معبورة و النتوا ماكاتقبلش تكون شي نتوا خرى ف وسط الزون ديالها. التجماع كايوقع ب شكل ساسي ف وقيتة موسم لمجاوجة لقصير فين لپانضات لي حدا بعضياتهم كايتجمعو.[61] من بعد لمجاوجة، الدكر كايخلي النتوا بوحدها باش تربي الديسم.[62] كان كايتشاف بلي لپانضات من لحيوانات الشفقية، لي كايكونو آكتيڤ جوج مرات ف ليوم، من لفجر حتى ل غسق؛ غير هو، لپانضات يقدرو ينتاميو لواحد لكاطيݣوري بوحديتهوم، الطوپ ديال النشاط ديالهوم كايكون ف الصباح، مور الضهر، و نصاصة الليل. لكاليطي د لموغديات الطايحة من لبامبو كاتعني بلي لپانضات خصهوم ياكلو بزاف د لمرات لمنتاضمين ف النهار، و ب سباب نقصان لمفتارسات اللولانية، كايقدرو يكونو آكتيڤ ف أي وقيتة ف النهار.[63] أزيد موعدال د لاكتيڤيطي كايكون ف يونيو و كاينقص ف اللخر د الصيف حتى ل لخريف، لموعدال كايتزاد من نونبر حتى ل مارس. لاكتيڤيطي عاوتاني متعلقة ب كمية ضو الشمش ف لوقيتة د الليام لباردين. كاين واحد التفاعول كبير بين ليشعاع الشمشي، حيت هاد ليشعاع كايكون عندو تأتير پوزيتيف على النيڤوات د لاكتيڤيطي عند لپانضا.[64]

لپانضات كايتواصلو ب الصوات و التعلام د الريحة بحال خبيش الشجر ولا طليق لبول.[65] كايقدرو يتشعبطو و يتسترو ف الشجر لمجوف و الشقوق د الصخر، و لايني ماكايسكنوش فيهم، على ود هادشي، لپانضات ماكايديروش السبات، هادشي بحال لي عند بزاف د لبزوليات الشبه الستيوائية، و ف عوض هادشي كايمشيو ل لعلو لي فيه دوݣريات باردة.[66] لپانضات كايعولو ب شكل ساسي على الداكرة لبلاصية عوض الداكرة الشوفية (ڤيزويل).[67] وخا هاكداك، وخا لاغلابية كايسحابو لپانضا حيوان ساهل و راسو رطب، فايت هاجم على بنادم ف شي خطرات نادرين.[68] لپانضات معروف عليهم كايغطيو راسهوم ب لخرا د لعوادن باش يكاليو على راسهوم ف وقيت لبرد.[69]

هاد النوع كايتواصلو ف لغالب ب صوات د لغوات؛ و كايوصلو ل تفاعولات سلمية ب طليق هاد الصوت. منين كاتكون النتوا ف لحالة د الدودة لوداقية كاتبدا تطلق صوت بحال تزعطيط (Chirp). ف لمدابزات، لپانضا كايطلق صوات بحال الزئير و التݣرݣير. من جيهة خرى، التزغنين (squeals) ف لعادة كايلمح ل التحتية (Inferiority) و لخضوع ف شي نيقاش. كاينين عندهوم صوات خرين بحال النين.[70]

التواصول ب الشم

بدل

لپانضات كايعولو بزاف على التواصول ب الشم معا بعضياتهم. التعلامات ب الريحة كايتخدمو ف نشير هاد السينيالات لكيمياوية لي كايطلقوهم على الصخر ولا الشجر. التواصول لكيماوي عند لپانضات كايلعب شلا أدوار ف لمواقف الجتيماعية. لعلمات و الروايح كايتخدمو ف نشير لمعلومات على لحالة الجنسية، و واش النتوا ف وقيت الدودة لوداقية ولا لا، و كايتخدّمو ف عريف لعمر، الجنس، لفردية، و السيطرة على الزون، و لعزيلة د السكنة. لپانضات كايتواصلو ب فريز واحد لموركابات كاتطير، ولا ب تعلام د الريحة من لغدة الشرجية ديالهوم.[71][72] لپانضا كايعلمو الروايح ف وضعيات د لكسدة أونيك. الدكر كايخرج لعلمات د الريحة ولا لبول ب هزان رجلو اللورانية، و فريك الجيهة د اللور ديالو، ولا كايبقى واقف باش يفرك لغدة الشرجية ف شي بلاصة عالية. النتوات وخا هاكداك، كايقرّدو ولا كايفركو لبلايص الجنسية ديالهوم ف شي بلاصة أرضية.[73][74]

كايلعب لموسم دور كبير ف لوساطة د التواصول لكيماوي. هادشي كايعول على لموسم، سوا كان موسم لمجاوجة ولا لا، يقدر يأتر على إينا ريحة عندها لولاوية. السينيالات لكيمياوية يقدو يكونو عندها وضايف مبدلة ف مواسم مبدلين. ف لوقيتة د موسم اللامجاوجة، النتوات كايفضلو الروايح د نتوات خرين حيتاش لمجاوجة ماكاتكونش أولاوية. غير هو، ف وقيتة موسم لمجاوجة، الروايح من الجنس لاخر كاتكون جدابة كتر.[75][76] حيتاش هوما حيوانات خلوية و موسم لمجاوجة عندهوم كايكون قصير، النتوات د لپانضا كايفرزو سينيالات كيماوية باش يعلمو الدكور ب لحالة الجنسية ديالهوم. السينيالات لكيمياوية لي كايفرزو النتوات د لپانضا يقدرو يتعتابرو فيرومونات على ود لمجاوجة. النتوات كايخرّجو علمات د الريحة من لبول ديالهوم هادشي لي كايودي ل زيادة ف نيڤوات د لآنضروجين عند الدكور. لآنضروجين هو هورمون د السيكس كايتلقى ف الدكور و النتوات ب جوج؛ الطيسطوسطيرون هو أكبر آنضروجين كاينتجوه الدكور. السيڤيطون و آسيد الديكانويك هوما موركابات كيماوية كايتلقاو ف بول النتوا لي كايوديو ل جوابات سلوكية من الدكور؛ لموركابات ب جوج كايتعتابرو فيرومونات د لپانضا.[76] دكور لپانضا كايفرزو عاوتاني سينيالات كيماوية لي كاتشمل لمعلومات على لخصوبة الجنسية و لعمر، هادشي كاينفع النتوا ف عزيل الشريك.[74][75] إيكزومپل، لعمر يقدر يكون نافع ل النتوا باش تحدد النضيج الجنسي و لكاليطي د لماني.[77] زيد لپانضات قادرين يعرفو ف وقت آش تحطو السينيالات، هادشي كايزيد يعاونهوم كيفاش يلقاو الشريك. غير هو، السينيالات لكيماوية ماكاتخدمش غير ف التواصول بينات الدكور و النتوات، لپانضات يقدرو يعرفو لأفراد من السينيالات لكيماوية. هادشي كايخليهوم قادرين على التفراز بينات الشريك لمحتامل ولا شي حد من نفس الجنس، لي يقد يكون متنافس محتامل.[77]

كايلعبو السينيالات لكيماوية ولا الروايح دور موهيم كيفاش لپانضات كايختارو لموؤل ديالهوم. لپانضات كايقلبو على الروايح لي تعطيهوم ماشي غير لهوية د شي پانضا خر، و لايني حتى واش يتجنبوه ولا لا.[77] لپانضات كايميلو باش يتجنبو بعضياتهوم على طول لعام، أكبر التفاعولات كاتكون ف موسم لمجاوجة.[77] السينيالات لكيماوية كاتبين ل لپانضا واش يتجنب ولا يتنافس معا شي پانضا وحد آخر.[75][78] لپانضات لي لموؤل ديالهوم ف نفس لبلاصة، و هوما مجموعين غايخليو لعلمات د الريحة ف شي بلايص أونيك هادشي تطلق عليه موصطالاح "سطاسيوات الريحة - scent stations".[77] منين لپانضات كايدوزو من حدا هاد السطاسيوات، كايوليو قادرين يعرفو لهوية د شي پانضا ب الضبط و لبلاصة لي كايعيش فيها. هادشي كايخلي لپانضا يتبع الشريك لمحتامل ولا يتجنب شي متنافس محتامل.[77]

لپانضا قادر يقدّر لحالة د السيطرة ديال لفرد، لعمر و لقد، غير ب السينيالات د الريحة و يقد يتجنب شي علمة د الريحة يلا كانت عند مولاها قدرات تنافوسية كبر منو.[78] لقد د لپانضات يقدر يتعرف ب طولة د لعلمة د الريحة.[78][79] ما دام لحيوانات لكبيرة يقدرو يبلاصيو علمات د الريحة طوْل، شي علمة د الريحة عالية تقدر توري لقدرة الزايدة د لمتنافس. لعمر حتى هو خصو يتخاد ف لبال منين كايقدّرو لقدرة د لمطايفة د لمتنافس. متلا، پانضا ناضج غايكون كبر ف لقد على شي پانضا صغر منو ف لعمر، و لي باقي مانضج، و كايكون عندو آڤونطاج ف وقيتة لمطايفة.[78]

لمجاوجة

بدل

لپانضات كايبلغو مابين ربع سنين و تمن سنين، و يقدو يبداو يولدو حتى ل عشرين عام.[80] موسم لملاقية كايكون مابين مارس و ماي، منين النتوا كاتولي ف لحالة د الدودة لوداقية، لي كاتبقى يوماين حتى ل تلت يام و كاتطرا غير مرة ف لعام.[81] ف لوقيتة د لملاقية، النتوا كاتكون ف وضعية تكواز و راسها لتحت ف لوقيتة لي الدكر كايركب عليها من اللور. لوقت د ليباضة كايتفاوت من 30 تانية ل 5 الدقايق، و لاكين الدكر يقدر يركب عليها بزاف د لمرات باش يتيقن من النجاح د التخصيب. لپيريوض د لحميل كاتكون مابين 95 حتى ل 160 يوم - هاد التبدال ب سباب لبويضة لمخصبة لي تقد تبقى ف السيسطيم د لمناسلة شي وقت قبل ما تتزرع ف لحيط د لولاّدة (الرحم).[81] نص ف لولادات عند لپانضا كايكونو توام.[82] يلا تولدو توام، ف لعادة غير واحد لي كايتصوڤا ف لبرية. لأم غاتعزل لقوي بين الدياسم، و الضعيف فيهوم غايموت ب الجوع. كايتشاف بلي لأم ماكاتقدرش تنتج لحليب ل جوج دياسم مادام ماكاتخزنش الشحمة.[83] لأب ماكايكون عندو حتى دور ف تربية الدياسم.[62]

منين الديسم عاد كايتزاد، كايكون وردي، عما، و بلا سنان،[62] و كايوزن غير 90 ل 130 ݣرام، 1/800 من التقل د لأم،[84] هادشي لي كايخليهوم أصغر صغير مشيمي مقارنة ب لقد د مو.[85] الدياسم كايرضعو من صدر مواتهوم من 6 حتى ل 14 لخطرة ف ليوم ل 30 دقيقة شي مرات. لأم تقدر تخلي لوكر باش تاكل ل 3 سوايع حتى ل 4، هادشي لي كايخلي الدياسم محسوسين. سيمانة حتى ل جوج من بعد لولادة، الجلد د الدياسم كايولي رمادي فين لفرو ف اللخر كايولي كحل. يقدر يبان واحد اللون وردي خفيف ف لفرو د ديسم، كا حاصول ل تفاعول كيماوي بين لفرو و لبزاق د لأم. شهر من مور لولادة، النمط د اللون ديال لفرو كايبدا يكمل. لفرو ديالهوم كايكون رطب بزاف و كايبدا يحراش معا لعمر. الديسم كايبدا يحبو ف عمر ل 75 يوم حتى ل 80 يوم.[84] لماوات كايلعبو معا ولادهوم ب التشقليب و لمصارعة معاهوم. الدياسم يقدرو ياكلو كونتيطيات قلال من لبامبو ف عمر الست شهور، وخا لحليب د لأم كايبقى السورس د لماكلة اللولاني ل الديسم تقريبا عامو اللول كامل. الدياسم د لپانضا كايوزنو 45 كيلو ف عمر عام و كايعيشو معا ماواتهوم حتى لعمر 18 لشهر حتى ل عاماين. التتفراف ما بين كل ولادة و ولادة عند لپانضات ف لبرية كايكون عاماين.[86]

ف لبدية، كانت لميطوض اللولانية ف مجاوجة لپانضات ف لكاپتيڨيطي هي التخصيب الصطيناعي، حيتاش ماكايبقاوش باغيين يتلاقاو غير كايوليو كاپتيڤ (محبوسين).[87] هادشي خلا شي عولاما يحاولو يديرو ميطوضات بحال يوريوهوم ڤيديوات د پانضات و هوما كايتلاقاو[88] و عطيان الدكور السيلدينافيل (لمعروف ب سمية ڤياݣرا).[89] ف عوام ل 2000، لباحتين بداو يجيبو نجاحات ف لپروݣرامات د لمجاوجة ف لكاپتيڤيطي، و حددو دابا بلي لپانضات عندهوم مجاوجة كايشبهوها ب شي نسمات د الدب لكحل لأمريكي.[90][91]

ف يونيو 2009، عولاما شينويين كونفيرماو لولادة د أول دب پانضا صدق ف الزيادة ب التخصيب الصطيناعي ب تخدام ماني مجمد.[92] هاد الطيكنيك د تجماد لماني ف النيطروجين السايل تطورات لأول خطرة ف 1980 و أول زيادة تترحب بيها كا حل ل قلة ف لوفرة د لماني د لپانضا، هادشي لي فايت ودى ل لمجاوجة الدخلانية.[93][94] ماني د لپانضا، لي يقدر يتجمد لعقود، يقدر يتقسم مابين حدايق مبدلة د لحيوان باش يعتقو النوع.[92][95]

زيد محاولات تدارو باش ينتجو پانضات ب لولادة ما بين النواع - interspecific pregnancy فين أجينّة د لپانضا مكلونيين، تزرعو ف لولاّدة د حيوان من نوع آخر. هادشي ودى ل الزيادة ديال پانضات و لايني ماشي حيين.[96]

لمحافضة على النوع

بدل

لپانضا لعملاق حيوان محسوس، مهدد ب لخسران لمستامر و التقسام د لموايل،[97][98] و عندو موعدال ولادات طايح بزاف، ف لبرية و لكاپتيڤيطي ب جوج.[99] لمادى ديالو محصور ف طرف صغير ف لقنت لغربي من لمادى التاريخي ديالو، لي كان مجبد حتى ل جنوب و شرق الشينوا، شمال ميانمار، و شمال ڤييطنام. هاد النوع مفرق ل 30 نسمة تحتانية لي فيها عداد قلال. لبني د الطرقان و السكنة د بنادم حدا لموايل د لپانضا، ودى ل نقصان ف عداد لپانضا. لمراض من لحيوانات لمربية و لكسيبة تهديد آخر. من هنا ل 2100، كايتقدّر بلي التوزيع د لپانضا غايتكمش ل 100٪ ب سباب تأتيرات التبدال لموناخي.[100] لپانضا مليستي ف لملحق 1 د CITES، هادشي كايعني بلي التبزنيس ف الطراف د لپانضا ممنوع و كايخصهوم هاد لحماية باش ما ينقارضوش.[101]

لپانضا من ديما كان سيبل ل لقناصا اللاقانونيين اللوكال من هادي زمان و من لبرانيين من لوقيتة لي بداو يعرفو لغرب. بداو ف التلاتينات، لبرانيين كانو ماقادرينش يقنصو لپانضا ف الشينوا ب سباب لحرب الشينوية الجاپونية التانية و لحرب لهلية الشينوية، و لايني لپانضات بقاو السورس د لفرو الرطب ل الناس اللوكال. التعداد د الشينويين هبط ب شكل كبير من مور 1949 هادشي لي صنع ضطيرابات ف موايل لپانضا و ف التالي لمجاعة ودات ل الزيادة ف الصيادة من لبرية، لي فيها لپانضا. من مور الصليح د لقتيصاد الشينوي، لمتطلبات د جلود لپانضا من هونݣ كونݣ و الجاپون ودى ل لقنص اللاقانوني ف السوق لكحلة، هاد لفعايل تجاهلوهم لمسؤولين د الشينوا ف ديك لوقت. ف 1963، لحكومة د جمهورية الشينوا الشعبية حطو محمية وولونݣ لوطنية الطابيعية كا سكنة ل التعداد د لپانضا لقليل.[102]

لپانضا لعملاق واحد من أكتر لحيوانات لمحميين ف لعالم، و واحد من لقلال لي لحالة د السكنة الطابيعية ديالو خلاتو ياخد بلاصة ف التورات لعالمي د ليونيسكو. محميات د لپانضا د سيتشوان، لي جاو ف الجنوب لغربي د مقاطعة سيتشوان و كايغطيو سبعة د الريزيرڤات طابيعيين، تقيدو ف الليستة د التورات لعالمي ف 2006.[103][104] ف واحد لورقة ف عام 2015 لقاو بلي يقدرو يخدمو لپانضا كا نوع مضل (Umbrella species) ف لمحافضة على لموايل نتاوعهوم و زيد كاتعاون نواع خرين من لمستوطنين لأصليين ف الشينوا، منها 70٪ من طيور لغابة لي ف لبلاد، 70٪ من لبزوليات و 31٪ من لبرمائيات.[105]

ف 2012، موؤسسة أورثواتش مونضامة لاربحية لي لاقات متطوعين معا عولاما باش يديرو واحد لبحت بيئي موهيم، لي هو پروݣرام سميتو "على درب لپانضا لعملاق". هاد لپروݣرام مبازي على الريزيرڤ الطابيعية لوطنية وولونݣ، كاتخلي لمتطوعين يخدمو قراب ل لپانضات ف لكاپتيڨيطي، وكايعاونوهوم يتآضاپطاو معا حياتهوم ف لبرية، باش يقدرو يتجاوجو، و يعيشو حياة صحية و طوْل.[106] لمجهودات لي تدارت باش النسمات د لپانضا ف الشينوا تتعتق صدقو و لاكين على ضهر حيوانات خرين ف لمنطاقة، بحال نمور التلج، الدياب، و الضولات.[107] باش تولي الضروف د لعيشة و لمجاوجة عند النسمات لمقسمين د لپانضات حسن، تقريبا 70 ريزيرڤ وطني تتجمع ف لمصايبة د لمحمية لوطنية د لپانضا لعملاق ف 2020. النسمات لمعزولة و الصغيرة عندها الريسك د لمجاوجة الدخلانية و تنويعات جينية صغر كاتخلي لفراد محسوسين كتر ل عيوب خلوقية منوعة و طفرات جينية.[108]

النسمات د لپانضا

بدل

ف عام 2006، لعولاما ريپورطاو بلي لعدد د لپانضات لحيين ف لبرية يقدر يكون مامقدرش مزيان و ف جوايه 1,000 راس. لحسابات د النسمة لي فاتت تخدمو فيها ميطوضات تقليدية ف تقدير لقد د النسمة ديال لپانضا لبرية، و لايني تخدام ميطوض جديدة لي كاتحلل لا دي إن من لخرا د لپانضا، خلات لعولاما يشوفو بلي النسمة لبرية (التعداد لبري) تقدر كون حتى 3,000.[109] ف 2006، كان 40 ريزيرڤ د لپانضات ف الشينوا، ب لموقارنة معا غير 13 ريزيرڤ كان ف [110] هاد النوع تعاود تكلاصا من "مهدد ب النقيراض" ل "محسوس ب النقيراض" من عام 2016، تشاف بلي لمجهودات د لمحافضة خدمو. فوق من هادشي، كا جواب على لمعاودة ف لكلاصاج د لپانضا، إدارة الدولة الشينوية ف لغابات علنات بلي ماشي غير ب سباب هادشي غايطيحو لمجهودات د لمحافضة على لپانضا، و ف عوض هادشي غايزيدو يجهّدو مجهودات لمحافضة.[111]

ف 2020، التعداد د لپانضات ف لمحمية لوطنية الجديدة كانو ديجا كتر من 1,800 راس، لي كاتشكّل 80 ف لمية من النسمة د لپانضا ف الشينوا. لمصايبة د الزون لمحمية ف مقاطعة سيتشوان حتى هي كاتعطي ليمكانية ل بزاف د النواع لخرين لمهددين بحال لببر السيبيري باش يحسنو الضروف د لعيشة ب عطيانهوم شي موؤل.[112] نواع خرين لي تنفّعو من لحماية د موايلهوم منهوم نمر التلج، لقرد الدهبي فطح النيف، لپانضا لحمر، و السنجاب الطاير معقد التسنينة.[113]

ف يوليوز 2021، سلطات لمحافضة الشينوية علنو بلي لپانضات لعملاقة مابقاوش مهددين ف لبرية من مورا عوام د لمجهودات د لمحافضة، ب تعداد بري فايت ل 1,800.[113][114] الشينوا خدات شكير دولي على وديت التهلية ف النوع، لي عاوتاني عاون لبلاد ف تنصيب راسها كا دولة قايدة ف لمحافضة على النواع لمهددة.[115]

نويطات

بدل
  1. ^ وحداني

عيون الكلام

بدل
  1. ^ "giant panda (mammal)". Encyclopædia.
  2. ^ Lindburg, D. G.; Baragona, K. (2004). Giant Pandas: Biology and Conservation. University of California Press.
  3. ^ O'Brien, S.J.; Nash, W.G.; Wildt, D.E.; Bush, M.E. & Benveniste, R.E. (1985). "A molecular solution to the riddle of the giant panda's phylogeny". Nature. 317 (6033): 140–144.
  4. ^ {{مرجع ويب | url = https://www.ncbi.nlm.nih.gov/pmc/articles/PMC2518930/ | title = "Mitochondrial genomes reveal an explosive radiation of extinct and extant bears near the Miocene-Pliocene boundary" 8 (220): 220.
  5. ^ a b Yu, L.; Li, Y.-W.; Ryder, O. A.; Zhang, Y.-P. (2007). "Analysis of complete mitochondrial genome sequences increases phylogenetic resolution of bears (Ursidae), a mammalian family that experienced rapid speciation". BMC Evolutionary Biology. 7 (198): 198.
  6. ^ a b ""A New Subspecies of Giant Panda (Ailuropoda melanoleuca) from Shaanxi, China"" [نوع تحتاني جديد ديال لپانضا لعملاق].
  7. ^ Zhao, Y.; Chen, Y.; Zheng, Y.; Ma, Q.; Jiang, Y. (2020). "Quantifying the heavy metal risks from anthropogenic contributions in Sichuan panda (Ailuropoda melanoleuca melanoleuca) habitat". Science of the Total Environment. 745: 140941.
  8. ^ {{مرجع ويب | url = https://archive.org/details/atlasofendangere0000hamm/page/58 | title = The Atlas of Endangered Animals: Wildlife Under Threat Around the World. ص 58.
  9. ^ Zhao, S.; Zheng, P.; Dong, S.; Zhan, X.; Wu, Q.; Guo, X.; Hu, Y.; He, W.; Zhang, S.; Fan, W.; Zhu, L.; Li, D.; Zhang, X.; Chen, Q.; Zhang, H. (2013). "Whole-genome sequencing of giant pandas provides insights into demographic history and local adaptation". Nature Genetics. 45 (1): 67–71.
  10. ^ Kumar, V.; Lammers, F.; Bidon, T.; Pfenninger, M.; Kolter, L.; Nilsson, M. A.; Janke, A. (2017). "The evolutionary history of bears is characterized by gene flow across species". Scientific Reports. 7: 46487.
  11. ^ Scheff, D. (2002). Giant Pandas. Animals of the rain forest (illustrated ed.). Heinemann-Raintree Library. pp. 7–8. | trans-title = لپانضا لعملاق. حيوانات د غابات الشتا. ص 7-8
  12. ^ "Giant panda distribution and habitat preference: The influence of sympatric large mammals" 24
  13. ^ "Long-term distribution and habitat changes of protected wildlife: giant pandas in Wolong Nature Reserve, China". Environmental Science and Pollution Research. 25 (12):
  14. ^ "Distribution of a giant panda population influenced by land cover". The Journal of Wildlife Management. 82 (6)
  15. ^ "A synthesis of giant panda habitat selection". Ursus. 25 (2)
  16. ^ {{مرجع ويب | url = https://www.mdpi.com/1999-4907/14/10/1993 | title = "Characteristics and Roles of Large Trees in Giant Panda Habitat of Wanglang Nature Reserve" | trans-title = "لخصايل و لأدوار د الشجرات لكبار ف لموؤل د لپانضا ف محمية وانݣلانݣ الطبيعية"
  17. ^ {{مرجع ويب | url = https://onlinelibrary.wiley.com/doi/10.1155/2012/108752 | title = "Modeling Impacts of Climate Change on Giant Panda Habitat" | trans-title = "التأتيرات لمتجسدة د التبدال لموناخي على موؤل لپانضا"
  18. ^ He, K.; Dai, Qiang; Gu, Xianghui; Zhang, Zejun; Zhou, Jiang; Qi, D.; Gu, X.; Yang, X.; Zhang, W.; Yang, B.; Yang, Z. (2019). "Effects of roads on giant panda distribution: a mountain range scale evaluation". Scientific Reports. 9 (1): 1110.
  19. ^ Li, R.; Xu, M.; Wong, M. H. G.; Qiu, S.; Li, X.; Ehrenfeld, Davis; Li, Dianmo (2015). "Climate change threatens giant panda protection in the 21st century". Biological Conservation. 182: 93–101.
  20. ^ a b Dudley, K. (1997). Giant Pandas. Untamed world (Illustrated ed.). Weigl Educational Publishers Limited. ص 9–26.
  21. ^ a b c "why giant pandas are black and white?" [علاش لپانضا لعملاق بيض و كحل؟.].
  22. ^ Nokelainen, O.; Scott-Samuel, N. E.; Nie, Y.; Wei, F.; Caro, T. (2021). "The giant panda is cryptic". Scientific Reports. 11 (21287): 21287.
  23. ^ Morell, V. (2017). "How pandas got their patches". Science.
  24. ^ Ellis, R. (2004). No turning back: the life and death of animal species (illustrated ed.). HarperCollins. p. 315.
  25. ^ Figueirido, B.; Tseng, Z. J.; Martín-Serra, A. (2013). "Skull shape evolution in durophagous carnivorans". Evolution; International Journal of Organic Evolution. 67 (7): 1975–93.
  26. ^ Christiansen, P.; Wroe, S. (2007). "Bite forces and evolutionary adaptations to feeding ecology in carnivores". Ecology. 88 (2): 347–358.
  27. ^ Giant Panda, Arkive, archived from the original on 23 December 2014
  28. ^ "Physical Description". Giant Panda Species Survival Plan. Archived from the original
  29. ^ Boitani, L. (1984). Simon & Schuster's Guide to Mammals. Simon & Schuster / Touchstone Books.
  30. ^ "Giant panda Ailuropoda melanoleuca". Animal Fact Guide. 2011.
  31. ^ Abella, J.; Pérez-Ramos, A.; Valenciano, A.; Alba, D. M.; Ercoli, Marcos D.; Hontecillas, Daniel; Montoya, P.; Morales, J. (2015). "Tracing the origin of the panda's thumb". The Science of Nature. 102 (5): 35.
  32. ^ Wang, X.; Su, D. F.; Jablonski, N. G.; Ji, X.; Kelley, J.; Flynn, L. J.; Deng, T. (2022). "Earliest giant panda false thumb suggests conflicting demands for locomotion and feeding". Scientific Reports. 12 (1): 10538.
  33. ^ Brown, Gary (1996). Great Bear Almanac. The Lyons Press. ص. 340.
  34. ^ Earth's Changing Environment. Learn & Explore. Encyclopædia Britannica, Inc. 2010. ص.49
  35. ^ Li, R.; et al. (2010). "The sequence and de novo assembly of the giant panda genome". Nature. 463 (21): 311–317.
  36. ^ "Age-associated microbiome shows the giant panda lives on hemicelluloses, not on cellulose". The ISME Journal. 12 (5): 1319–1328.
  37. ^ "Potential mechanism of detoxification of cyanide compounds by gut microbiomes of bamboo-eating Pandas". mSphere. 3 (3).
  38. ^ "Dietary resources shape the adaptive changes of cyanide detoxification function in giant panda (Ailuropoda melanoleuca)". Scientific Reports. 6: 34700.
  39. ^ Seasonal shift of the gut microbiome synchronizes host peripheral circadian rhythm for physiological adaptation to a low-fat diet in the giant panda". Cell Reports. 38 (3): 110203.
  40. ^ a b "Giant Panda Facts". National Zoological Park.
  41. ^ a b "Feeding habits and foraging patch selection strategy of the giant panda in the Meigu Dafengding National Nature Reserve, Sichuan Province, China". Environmental Science and Pollution Research. 30 (17): 49125–49135
  42. ^ "Energy digestibility of giant pandas on bamboo-only and on supplemented diet". Zoo Biology. 30 (2): 121–133.
  43. ^ "Diet, habitat environment and lifestyle conversion affect the gut microbiomes of giant pandas". Science of the Total Environment. 770: 145316
  44. ^ a b Ciochon, R. L.; Eaves-Johnson, K. L. (2007). "Bamboozled! The Curious Natural History of the Giant Panda Family". Scitizen.
  45. ^ a b c "Whole-genome sequencing of giant pandas provides insights into demographic history and local adaptation". Nature Genetics. 45 (1): 67–71.
  46. ^ "The first skull of the earliest giant panda". Proceedings of the National Academy of Sciences of the United States of America. 104 (26): 10932–10937.
  47. ^ a b "The sequence and de novo assembly of the giant panda genome". Nature. 463 (21): 311–317
  48. ^ "Why does the giant panda eat bamboo? A comparative analysis of appetite-reward-related genes among mammals". PLOS ONE. 6 (7): 22602
  49. ^ a b Flora of China. Vol. 22. Beijing: Science Press; St. Louis: Missouri Botanical Garden Press. p. 93.
  50. ^ Flora of China. Vol. 22. Beijing: Science Press; St. Louis: Missouri Botanical Garden Press. p. 81.
  51. ^ "Progress in the utilization of urea-ammonia treated crop residues: biological and socio-economic aspects of animal production and application of the technology on small farms". University of Arhus
  52. ^ Lumpkin & Seidensticker ص 63–64، 2007.
  53. ^ "Identifying priority protection areas of key food resources of the giant panda" (PDF). Zoological Research. 44 (5): 860–866
  54. ^ "Retreat of large carnivores across the giant panda distribution range". Nature Ecology & Evolution. 4 (10): 1327–1331.
  55. ^ "Impact of sympatric carnivores on den selection of wild giant pandas". Zoological Research. 41 (3): 273–280
  56. ^ "Shared resources between giant panda and sympatric wild and domestic mammals". Biological Conservation. 186: 319–325
  57. ^ "Species coexistence and niche interaction between sympatric giant panda and Chinese red panda: A spatiotemporal approach". Ecology and Evolution. 13 (4): e9937
  58. ^ "Fatal Toxoplasma gondii infection in the giant panda". Parasite. 22: 30
  59. ^ Parasites of the Giant Panda: A Risk Factor in the Conservation of a Species, Advances in Parasitology, vol. 99, Elsevier, pp. 1–33,
  60. ^ "Panda behavior & habitat". World Wildlife Federation China.
  61. ^ "Giant Panda". National Zoological Park.
  62. ^ a b c Dudley, K. (1997). Giant Pandas. Untamed world (Illustrated ed.). Weigl Educational Publishers Limited. pp. 9–26.
  63. ^ "Activity patterns of the giant panda ( Ailuropoda melanoleuca )". Journal of Mammalogy. 96 (6): 1116–1127
  64. ^ "Activity patterns of the giant panda (Ailuropoda melanoleuca)". Journal of Mammalogy. 96 (6): 1116–1127
  65. ^ "Global Species Programme – Giant panda". World Wildlife Fund. 2007
  66. ^ "Field metabolic rates of giant pandas reveal energetic adaptations". Scientific Reports. 11 (1): 22391
  67. ^ Deborah Smith Bailey (January 2004). "Understanding the giant panda". American Psychological Association
  68. ^ "Giant panda in China bites third victim". CNN News. 10 January 2009
  69. ^ "Why wild giant pandas frequently roll in horse manure". Proceedings of the National Academy of Sciences. 117 (51): 32493–32498
  70. ^ "Vocal behaviour predicts mating success in giant pandas". Royal Society Open Science. 5 (10): 181323
  71. ^ Hagey, Lee; MacDonald, Edith (2003). "Chemical cues identify gender and individuality in giant pandas (Ailuropoda melanoleuca)". Journal of Chemical Ecology. 29 (3): 1479–1488.
  72. ^ "Reverse chemical ecology: Olfactory proteins from the giant panda and their interactions with putative pheromones and bamboo volatiles". Proceedings of the National Academy of Sciences of the United States of America. 114 (46): E9802–E9810
  73. ^ "The Highs and Lows of Chemical Communication in Giant Pandas (Ailuropoda melanoleuca): Effect of Scent Deposition Height on Signal Discrimination". Behavioral Ecology and Sociobiology. 51 (6): 519–529
  74. ^ a b "Chemical cues identify gender and individuality in giant pandas (Ailuropoda melanoleuca)". Journal of Chemical Ecology. 29 (3): 1479–1488.
  75. ^ a b c "Urinary chemosignals in giant pandas (Ailuropoda melanoleuca): Seasonal and developmental effects on signal discrimination". Journal of Zoology. 264 (3): 231–238.
  76. ^ a b "Simultaneous choice bioassays accompanied by physiological changes identify civetone and decanoic acid as pheromone candidates for giant pandas". Zoo Biology. 39 (3): 176–185.
  77. ^ a b c d e f Chemical Communication in Giant Pandas". Giant Pandas. University of California Press. pp. 106–120.
  78. ^ a b c d "The Highs and Lows of Chemical Communication in Giant Pandas (Ailuropoda melanoleuca): Effect of Scent Deposition Height on Signal Discrimination". Behavioral Ecology and Sociobiology. 51 (6): 519–529.
  79. ^ "Giant panda scent-marking strategies in the wild: role of season, sex and marking surface". Animal Behaviour. 84 (1): 39–44.
  80. ^ "Giant Panda Reproduction" (PDF). National Zoological Park
  81. ^ a b Kleiman, Devra G. "Giant Panda Reproduction".
  82. ^ Ruane, Michael E.; Koh, Elizabeth; Weil, Martin (23 August 2015). "National Zoo's giant panda Mei Xiang gives birth to two cubs hours apart". The Washington Post.
  83. ^ "Panda Facts". Pandas International.
  84. ^ a b "giant panda (mammal)". Encyclopædia Britannica Online
  85. ^ Guinness World Records 2013, Page 050, hardcover edition
  86. ^ "Panda Update: September Cub Exam". Discovery Communications, LLC. 4 May 2006
  87. ^ "National Zoo's Giant Panda Undergoes Artificial Insemination". NBC. Associated Press
  88. ^ Prapanya, Narunart (25 January 2006). "'Panda porn' to encourage mating". Time Warner.
  89. ^ "Pandas unexcited by Viagra". BBC News
  90. ^ W., Lynne (July 2006). "Pandas, Inc". National Geographic Magazine.
  91. ^ "Panda behavior & habitat". World Wildlife Federation China
  92. ^ a b "Baby panda born from frozen sperm". BBC
  93. ^ "First panda cub born using frozen sperm". The Irish Times
  94. ^ Tran, Tini (24 July 2009). "China announces first panda from frozen sperm".
  95. ^ "World's 1st giant panda born from frozen sperm in SW China". Xinhua News Agency
  96. ^ "Interspecies implantation and mitochondria fate of panda-rabbit cloned embryos". Biology of Reproduction. 67 (2): 637–642
  97. ^ "Climate change threatens giant panda protection in the 21st century". Biological Conservation. 182: 93–101.
  98. ^ "Giant panda conservation science: how far we have come". Biology Letters. 6 (2): 143–145
  99. ^ Earth's Changing Environment. Learn & Explore. Encyclopædia Britannica, Inc
  100. ^ Swaisgood, R.; Wang, D. & Wei, F. (2017) [errata version of 2016 assessment]. "Ailuropoda melanoleuca". IUCN Red List of Threatened Species. 2016
  101. ^ "Giant panda". CITES. 14 August 1983
  102. ^ "About Wolong". Wolong National Natural Reserve. 7 May 2005
  103. ^ "Pandas gain world heritage status". BBC.
  104. ^ Benn, Joanna (13 July 2006). "Panda sanctuary in China added to World Heritage list". WWF
  105. ^ "China's endemic vertebrates sheltering under the protective umbrella of the giant panda". Conservation Biology. 30 (2): 329–339.
  106. ^ "Earthwatch: On the Trail of Giant Panda"
  107. ^ Jessie Yeung (4 August 2020). "China's focus on panda conservation has come at the cost of other species: study". CNN
  108. ^ "China's National Panda Park Will Be Three Times the Size of Yellowstone". Archived from the original
  109. ^ Earth's Changing Environment. Learn & Explore. Encyclopædia Britannica, Inc. 2010.
  110. ^ 1998.Briggs, Helen (20 June 2006). "Hope for future of giant panda". BBC News. Archived from the original on 27 January 2007
  111. ^ The Panda is still endangered species, and the conservation efforts still need to be reinforced Archived 13 September 2016 at the Wayback Machine State Forestry Administration of the People's Republic of China (in Chinese)).
  112. ^ "China forges ahead with ambitious national park plan". National Geographic Society. 27 August 2020
  113. ^ a b "Giant pandas no longer endangered in the wild, China announces". TheGuardian.com. 9 July 2021
  114. ^ "Conservation efforts have saved China's giant pandas from the endangered species list". CBS News. 10 July 2021
  115. ^ (2020). Greening East Asia: The Rise of the Eco-Developmental State. Seattle: University of Washington Press.
مرجّعة من "https://ary.wikipedia.org/w/index.php?title=پانضا_عملاق&oldid=379696"