ميانمار

ميانمار، ولاّ بورما (سمية قديمة)، ولاّ براهماديش، رسميا لجمهورية د لإتحاد د ميانمار ( بلبورمية: ပြည်ထောင်စု သမ္မတ မြန်မာနိုင်ငံတော်‌) هي بلاد جات ف لجنوب الشرقي د آسيا. تاتحدّها بانݣلاديش و لهند من الشمال لغربي، الشينوا من الشمال الشرقي، لاووص و طايلاند من الشرق و لجنوب الشرقي، و لمحيط لهندي من لغرب و لجنوب لغربي. بورما هي أكبر بلاد من ناحية لمساحة ف جنوب شرق آسيا، و لعاشرة ف لمساحة ف آسيا.

لبلاصة اللي فيها ميانمار تستعمرات من بريطانيا ف لقرن 19، و كانت داخلة مع لهند لبريطانية ف مستعمرة وحدا. ف 1 أبريل 1937، من مورا نتيخابات، تفارقات بورما على لهند وولأّت مستعمرة بوحدها. ف وسط لحرب لعالمية التانية، حتلات الجاپون لبلاد، و لكن مور ماخسرات لحرب، عاود رجعات بورما د بريطانيا، اللي بقات مستعمراها، تا ستاقلاّت لبلاد ف مرّة ف 1948.

تيسكنو ف ميانمار تقريبا 54 مليون د الناس، ولعاصمة ديالها هي نايپيداو. أكبر مدينة ف لبلاد هي رانݣون. اللغة الرسمية هي لبورمية، ولفلوس اللي كاتخدّم هي لكيات. لبلاد فيها ناس عندهم بزاف ديال لأديان منهم لبوديين و لمسيحيين و لمسلمين. لمسلمين و لهندوس ديال بورما عندهم مشاكل بزاف وتيعانيو من لحݣرة.^[1] ميانمار داخلة ف بزاف د لمنضمات دولية بحال لأمم لمتحدة و لحركة د عدم لإنحياز و لقمة د شرق آسيا.

عيون لكلام

^ "بورما.. "لا يحق" للمسلمين والهندوس ما يحق للبوذيين في الانتخابات - دويتشه ڤيله (2020)". مأرشيڤي من لأصل ف 20 مارس 2023.

تقدر تزيد شوف بزاف د تّصاور و لمعلومات ديال Myanmar ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "بورما.. "لا يحق" للمسلمين والهندوس ما يحق للبوذيين في الانتخابات - دويتشه ڤيله (2020)". مأرشيڤي من لأصل ف 20 مارس 2023.

[1]