نفيسة بوزيد
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
نفيسة بوزيد
| ||
| ||
| معلومات عامة | ||
| زيادة | 1945 سلا | |
| لموت | 28 فبراير 2024 (78/79 عام) | |
| لجنسية | لمغريب | |
| لحرفة | فنانة تشكيلية و ديزاينر | |
نفيسة بوزيد[ن 1] (مزيودة ف 1945 ف سلا، توفات ف 28 فبراير 2024) كانت فنانة تشكيلية مغريبية.
حياتها
بدلنفيسة بوزيد بنت مدينة سلا و تزادت و كبرات ف حي الطالبية. مّها كانت ربة بيت، و بّاها كان فقيه، و شجّعها باش تقرا لفن التشكيلي ملي شاف لإهتمام لكبير ديالها بيه. تأترات بزاف ب جداتها ملي كانت صغيرة، و كانت كاتصاوب لمونيكات ب لقصب و الشعر و مواد خرين، ديجا ملي كان عندها 3 سنين و نص.
قرات ف لمدارس لفرانساوية و من بعد ما شدات لباك من ليسي ليوطي ف الدارلبيضا، خدات منحة باش تقرا ف پاري، فرانسا.
كانت دازت من معاهد د لفنون الزوينة ف ؤروپا، و قرّاوها أساتيدا ف لفن فرانساويين و طاليانيين. نضمّات ل دار لفنون ف مدينة ڤينيسيا، ف الطاليان، و هادشي خلّاها تشارك ف عدد د لمعارض لمحلية و لؤروپية.
زيادة على لفن التشكيلي، تعلّمات لخياطة د لأزياء، شاركات ف عروض ديال أكبر الديور د لأزياء ف پاري، و خدات ديپلوم ف تصميم الأزياء و تاريخ لفن من الشومبرة النقابية د لخياطة الراقية ف پاري. كانت أول مغريبية لي عرضات أعمالها دار "كريستان ديور" ف اللخر د السبعينات. ف 1975، رجعات ل لمغريب باش تخدم على الترات التقافي لمغريبي.[2]
خدمتها
بدلنفيسة بوزيد عندها ف جوايه 300 لوحة،[1] أغلبها متعلّقة ب الترات ديال مدينة سلا. الطيمات لأساسية ديالها هوما لمرا و التقافة لمغريبية التقليدية. ف لخدمة ديالها، كاتخدم بزاف ب مواد بحال لعقيق و النحاس.[2]
معارض
بدلدارت نفيسة بوزيد بزاف د لمعارض ف الرباط و طانجا، و تا على برا ف سوريا، لعراق، سپانيا، و غيرها.
- معرض ف لقصر د مولاي سماعيل ف طانجا
- معرض ف لملحق لتقافي لفرانساوي
- معرض ف لملحق لتقافي لينڭليزي
- معرض ف لملحق لتقافي الصبليوني
- 20 يوليوز تال 5 غشت 2019: معرض "سلا تراثي"، منظماه "جمعية إنقاذ تراث مدينة سلا"[3]
تأتير
بدلالنسخة 19 ديال مؤتمر "تاء التأنيث" لي تدار ف سلا ف 27 أبريل 2024، تسمات على سميتها "دورة الفنانة المتوفاة نفيسة بوزيد".[4]
نويطات
بدلعيون لكلام
بدل- ^ a b "بنت بلادي". تطّالع عليه ب تاريخ 2024-09-10.
- ^ a b "التشكيلية المغربية نفيسة بوزيد ترسم المرأة من خلال التراث". 2019-08-16. مأرشيڤي من لأصل ف 2024-09-10. تطّالع عليه ب تاريخ 2024-09-10.
- ^ "نفيسة بوزيد تعود بمعرض جديد بمارينا أبي رقراق بسلا". 2019-07-04. تطّالع عليه ب تاريخ 2024-09-10.
- ^ "ملتقى "تاء التأنيث :مبادرات وتحديات المرأة المغربية في عمق تداعيات زلزال الحوز". 2024-05-03. تطّالع عليه ب تاريخ 2024-09-10.