طيم (أداب)

مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

طيم (من نّݣليزية theme، ؤلا لفرانساوية thème) ف نّقد د لأداب هوّا موضوع مركزي ؤلا رسالة لّي كتبغي تعطيها شي حجّاية ؤلا ريواية. طّيمات تقدر تقسّم ل جوج نواع: لمفهوم طّيمي لّي هوّا لفيكرة لّي كيكوّنها لقاري علا شنو سّردية بغات تݣول، ؤ تّصريح طّيمي لّي هوّا شنو سّردية كتݣول ب شكل فعلي.

طّيم ديال سردية كيقدر عادة يتختاصر ف كلمات قليلة، متلا لحب، ؤلا صّراع بين لفرد ؤ لمجتمع، ؤلا لحرية، ؤ غيرهم. ؤ عادة ماكيكونش مدكور حرفيّا ف سّردية، ولاكين كيبان ب شنو كيديرو شّخصيات ؤلا كيݣولو ؤ كيفاش كيحسو ؤلا كيفكرو. سّردية (قصة ؤلا ريواية ؤلا غيرها) يقدر يكون عندها طيم واحد ؤلا كتر. ؤ كيتعتابر طّيم عنصر ديال لخيال لأدبي، بحالو بحال لبلان، شّخصية، ؤ لإطار.

تقنيّات

كاينين شحال من تقنية باش لكاتب يقدر يطرح طّيم ؤلا طّيمات د سّردية ديالو، من بينها:

• لايتڤورتستيل (ب لألمانية Leitwortstil، بمعنى ستيل ديال لكلمة لّولة/لݣايدة): هوّا لمعاودة ديال شي كلمة ؤلا تعبير لّي كيحيلو ل طّيم، باش لقاري ينتابه ليهم (ولاكين ماشي حرفيا سّمية ديال طّيم). متلا يقدر لكاتب يخلّي شّخصيات يعاودو عيبارة "إيوا هاكّا بغا مولانا" ف مناسبات مختالفين، باش يحيل ل طّيم ديال أن لإنسان ماعندوش ختيار ف لمصير ديالو.
• تّعاويدة طّيمية (ب نّݣليزية Thematic Patterning): هوّا واحد لموتيف ؤلا نمودج كيبقا يتعاود ف سّردية، بلا ما يتݣال ب لحرف. متلا طّيم ديال لمعاناة لّي كتسببها لحرب، يقدر يبينو لكاتب ب مشاهد ديال شخصيات كتعاني ب سباب شي حرب ضايرة ؤلا حروب مختالفين.