نبيل أحمجيق

مناضل فحراك الريف


نبيل أحمجيق (بالريفية: ⵏⴰⴱⵉⵍ ⴰⵃⴰⵎⵊⵉⵇ) (تزاد نهار 31 دجنبر 1984 فلحسيمة) هو ناشط سياسي مغريبي, وواحد من الشيفان د لحراك د الريف, وكان تيتلقًب ب"الدينامو" ديالو.[1] نهار 5 يونيو 2017, تعتقال نبيل وموراها تحكم عليه ب 20 عام دلحبس.

نبيل أحمجيق
معلومات عامة
زيادة 31 دجنبر 1984 (38 عام)
الحسيمة
لجنسية لمغريب
لحرفة محاسب، ناشط سياسي و سجين سياسي
لّوغات لي كيعرف تاريفيت، داريجة، لعربية و لفرانساوية

حياتوعدل

تولد نبيل أحمجيق نهار 31 دجنبر 1984 فلحسيمة وكبر فيها. خدا لباك فلعلوم التجريبية ومن موراها خدا ديپلوم فتسيير لمقاولات.[2] دوًز واحد لوقيتة بيطالي, ومن موراها لقا خدمة د محاسب.

ملًي بدا لحراك د الريف, شارك فيه نبيل بزاف وكان واحد من لمنظمين لأساسيين د لمظاهرات فلحسيمة وفلخارج ديالها. كان معروف باللي كان تيطلق بزاف د الشعارات سلمية فلمظاهرات وكان تيحفز الناس اللي مشاركين فيها بالصوت ديالو. بقوة ما شارك فݣاع ليجتيماعات ولمظاهرات فلداخل ولخارج د مدينتو, وحيث كان تيخدم ويوجًد بزاف فالليل والنهار, تسمًا ب"الدينامو" ديال لحراك.

تعتاقل نبيل أحمجيق نهار 5 يونيو 2017 فلخمسة ونص د الصباح من دارهم, ومورا محاكمة ليبتيدائية وستيئنافية, تحكم عليه ب 20 عام دلحبس[3] ببزاف د التهم منها المشاركة في تدبير مؤامرة للمس بالسلامة الداخلية للدولة والمساهمة في تنظيم مظاهرات غير مصرح بها وعقد تجمعات عمومية بدون تصريح و لي قالو بزاف دلمنضمات بلي هاد لحكم قاصح و ضالم.[4]

عيون لكلامعدل

  1. ^ "نبيل أحمجيق "دينامو" الحراك الشعبي بالريف - أطاك لمغريب (2018)".
  2. ^ "معتقلو حراك الريف - ثائرون ولكنّهم مسالمون - العربي الجديد (2017)".
  3. ^ "السجن 20 عاما للزفزافي ونشطاء آخرين في "حراك الريف" بالمغرب - DW (2018)".
  4. ^ "المغرب: الاستئناف في قضية حراك الريف، فرصة لإبطال محاكمة جائرة - منظمة العفو الدولية (2018)" (PDF).
 
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.