ميخايل ڭورباتشوڤ
ميخايل ڭورباتشوڤ ؤلا ڭورباتشيڤ (مزيود ف 2 مارس 1931، مات ف 30 غشت 2022)[1] هوّا سياسي روسي ؤ قبل داكشي سوڤاتي. كان هوّا زّعيم تّامن ؤ لّخر ديال ليتيحاد سّوڤياتي، ؤ لأمين لعام ديال لحيزب شّيوعي د ليتيحاد سّوڤياتي من 1985 تال 1991. ؤ شغل مناصب عالية خرة ف لحيزب شّيوعي ؤ ف لحوكومة سّوڤياتية.
ڭورباتشوڤ ف لأصل كان لينيني ماركسي، ولاكين ف لبدية د تّسعينات بدّل لموقف ديالو ل دّيموقراطية جّتيماعية. ؤ كيتّعتابر من أهم شّخصيات سّياسية ف نّص تّاني د لقرن 20، حيت لقرارات ديالو كان عندها دور كبير ف لمسالية د لحرب لباردة، لمعاودة د توحيد ألمانيا ف 1990، ؤ سقوط شّيوعية ف ؤروپا شّرقية. ؤ خدا على هادشي نيت لجايزة د نوبل د سّلام ف 1990.
حياتو بدل
ميخاييل ڭورباتشيڤ تّولد ف پريڤولنويي، ف لجمهورية رّوسية سّوڤياتية لفيديرالية شّتيراكية لي كانت من بين لجمهوريات لي تابعين ل ليتيحاد سّوڤياتي، تحت لحكم ديال سطالين. فاميلتو كانت فقيرة ؤ من أصل روسي ؤ ؤكراني. كان بدا لعمل سّياسي على لمستوى لمدراسي ديجا من 1946. ؤ كان معروف عليه بلي كيقرا مزيان، ؤ كان كينضّم أنشطة د سّپور ؤ لمسرح، ؤ كيعاون تا بّاه ف زّراعة ؤ لحصاد. ف 1950، مشا يقرا لقانون ف لجامعة لحوكومية د موسكو، ؤ نضم ف نفس لوقت ل لحيزب شّيوعي. بعدما تخرّج ف 1955 ب متياز، دوّز 3 د لعقود ف لعامال سّياسي، ؤ تم تّرشيح ديالو باش يخلف كونسطانتين تشيرتشينكو على راس لحيزب شّيوعي.
عيون لكلام بدل
- ^ "Last Soviet leader Mikhail Gorbachev dies at 91". 30 غشت 2022. مأرشيڤي من لأصل ف 31 غشت 2023.
 هادي زريعة ديال مقالة خاصها تّوسع. تقدر تشارك ف لكتبة ديالها. |