مومن الديوري
مومن الديوري
| ||
| معلومات عامة | ||
| زيادة | 20 فبراير 1938 قنيطرة | |
| لموت | 16 ماي 2012 (74 عام) الرباط | |
| لجنسية | لمغريب | |
| لحرفة | سياسي | |
| لّوغات لي كيعرف | لفرانساوية، الداريجة لمغريبية و عربية | |
| لفاميلة | ||
| لواليد | محمد الديوري | |
| شريك | فريدة بليزيد | |
| معلومات خرى | ||
| لحيزب | تيحاد لوطني د لقوات شعبية (–1975) | |
مومن الديوري (تولد ف 20 فبراير 1938 ف قنيطرة - مات نهار 16 ماي 2012 ف الرباط) كان كاتب ومعارض سياسي مغريبي كان تيطالب بجمهورية ف لمغريب.[1] عاش من 1971 ل 2006 ف فرانسا منفي, ورجع للمغريب موراها، وتمًا عاش تال 2012.[2]
حياتو
بدلتولد مومن الديوري ف 1938 ف قنيطرة، وكان بًاه محمد الديوري مقاوم ضد ليستيعمار داخل مع حزب ليستقلال، وكان واحد من اللًي سيناو لوثيقة د لمطالبة ب ليستقلال ف 1944.[3] تعلم مومن من صغرو النضال، وتعرف على بزاف د لمناضلين اللي تعلًم معاهم, منهم: شيخ لعرب، أحمد بن بلة، لمهدي بن بركة، لفقيه لبصري، و تشي ݣيفارا.
ف 1957 مشا مومن لفرانسا باش يقرا لعلوم السياسية ومن موراها كمًل فسويسرا. من مورا ما تلاقا لمهدي بن بركة، قنعو باش يمشي يعاون الثورة لجزائرية، وولاً تينسق باش يتلاقاو لقادة د الثورة فالجزائر مع الثوار لأممين بحال تشي ݣيفارا.[4]
ف 1963, تعتاقل الديوري حيث كان مع لمجموعة د شيخ لعرب وتحكم عليه ب لإعدام. خرج بعفو ف 1965 ومن موراها بقا عايش ف السرية وتجوج مع لمخرجة فريدة بليزيد اللي ولدات معاه جوج بنات. مشا لفرانسا ف 1971 وخدا تمًا اللجوء السياسي. واخا كان عندو لجوء ف فرانسا جراو عليه ف 1991 للݣابون، وكان السبب هو باللي "خاصو يدير الرقابة لداكشي اللي تيقول". هادشي دار فضيحة ف فرانسا اللي مشات ليها بزاف من السمعة ديالها ديال الدفاع على حقوق لإنسان، وفاللخرً رجعاتو بلا شروط.
ف 2001، بغا يرجع الديوري للمغريب وطلب منو السفير د لمغريب ف باريز حسن أبو أيوب باش يكتب رسالة د عتيدار على أنو كان تيعارض النظام باش عاد يعطيه پاسپور ديالو، ومومن مابغاش.[5] ف 2004 غادي ياخد پاسپور بلا تا شرط، وغادي يدخل لبلادو ف 2006.
كتوباتو
بدلأهم كتاب كتب مومن الديوري كان ف 1992، وهو لكتاب ديال: "ديالمن لمغريب؟" (A qui appartient le maroc).
عيون لكلام
بدل- ^ "تشييع جثمان مؤمن الديوري اشرس معارضي نظام الملك الحسن الثاني بالقنيطرة - القدس العربي (2012)". مأرشيڤي من لأصل ف 2023-05-17. تطّالع عليه ب تاريخ 2020-07-06.
- ^ "رحيل مومن الديوري أشرس معارضي الحسن الثاني - المساء (2012)". مأرشيڤي من لأصل ف 2020-07-08. تطّالع عليه ب تاريخ 2020-07-06.
- ^ "وفاة مومن الديوري أبرز معارضي الحسن الثاني - هسربيس (2012)". مأرشيڤي من لأصل ف 2020-07-08. تطّالع عليه ب تاريخ 2020-07-06.
- ^ "رحيل مومن الديوري، رفيق لمهدي بن بركة". مأرشيڤي من لأصل ف 2020-07-06. تطّالع عليه ب تاريخ 2020-07-06. Text "لمهدي بنبركة وعمر بنجلون ولفقيه لبصري وشيخ العرب - ليتيحاد ليشتيراكي (2012)" ignored (معاونة)
- ^ "رحيل مؤمن الديوري أحد أبرز معارضي نظام الحسن الثاني - أخبارنا (2012)". مأرشيڤي من لأصل ف 2020-07-06. تطّالع عليه ب تاريخ 2020-07-06.