محمد لفاسي
محمد الفاسي (مزيود ف 1908 ف فاس، مات ف 1991) هوّا كاتب ؤ موطرجيم ؤ ؤستاد مغريبي، لي كان حتا أول وزير ديال تّعليم ف تّاريخ د لمغريب.[1] عندو بزاف د لكتوبا ؤ طّراجيم ب لعربية ؤ لفرنساوية، ؤ كان حتا من لموقاومين ل سّتيعمار لفرانساوي ل لمغريب، ؤ سنا علا لواتيقة د لموطالبة ب سّتيقلال.[2]
محمد لفاسي
| ||
| معلومات عامة | ||
| زيادة | 1908 فاس | |
| لموت | 21 دجنبر 1991 (82/83 عام) الرباط | |
| لجنسية | لمغريب | |
| لحرفة | سياسي | |
| لّوغات لي كيعرف | عربية و لفرانساوية | |
| لفاميلة | ||
| لواليد | عبدلواحد لفاسي | |
| شريك | مليكة لفاسي (1935–1991) | |
| لمحيط | عباس لفاسي (ابن أخت) | |
حياتو ؤ لكاريير ديالو بدل
محمد الفاسي بدا تّعليم ديالو ف فاس، ؤ مشا من بعد ل فرانسا باش يكمل قرايتو، فين خدا لّيصونس ف جاميعة سّوربون. ؤ موراها ميتريز من معهد دّيراسات شّرقية ف پاري. تمّاك أسس جمعية طّلابية ل دّيفاع علا لمغريب ضد سّتيعمار لفرانساوي، ؤ ساهم ف تأسيس "جمعية طلاب شمال إفريقيا" تّقافية. كان حتا ف لّجنة تّحضيرية ديال لمؤتمر تّالت ل طّالابا د شمال إفريقيا لمسلمين عام 1933. هاد لمؤتمر ساهم ف تعميم لحتيفال ب عيد لعرش ف لمغريب كامل، وخا كان تضييق من سّلطات لفرانساوية. ؤ ساهم ف تأسيس "جمعية تّقافة لعربية" لي كان من بين لأهداف ديالها توحيد طّالابا لعرب من لخاليج تال لأطلس، ؤ تلاقا ف جونيڤ معا لكاتب ؤ لموفكير لّبناني شكيب أرسلان، واحد من لمؤسسين ديال لقومية لعربية.[2]
بعدما رجع ل لمغريب، خدم محمد الفاسي كا ؤستاد ف كازا، ؤ موراها ف ليسي مولاي يوسف ف رّباط، ف معهد الدروس العليا، ؤ من بعد ف لمعهد لمولوي لي أسسو لماليك محمد لخامس باش يقراو فيه لؤومارا. ؤ ولا مودير ديال جاميعة لقرويين ف فاس.[2]
محمد الفاسي كان هوّا لي مكلف ب لموراسلات مابين لماليك محمد لخامس ؤ لقيادة ديال لحاراكة لوطنية، ؤ كان مشارك ف جّتيماعات سّرية لي منها خرجات لواتيقة د لموطالبة ب سّتيقلال ف 11 يناير 1944، لي حتا هوّا كان من نّاس لي وقّعو عليها، هوّا ؤ مراتو مليكة الفاسي.[2]
مورا سّتيقلال د لمغريب، شد محمد الفاسي لمنصب ديال وزير تّعليم ؤ شّباب ؤ رّياضة ف 1955، شّي لي كيجعلو أول وزير مغريبي د تّعليم مورا سّتيقلال ؤ ف تّاريخ د لمغريب. عام 1958 ولّا رائيس د لجاميعة لمغريبية ؤ لبحت لعيلمي، ؤ رائيس لمجلس تّنفيدي ف ليونيسكو من 1958 تال 1966، ؤ عضو ف دّيوان لمالاكي.[2]
لأعمال ديالو بدل
محمد الفاسي عندو بزاف د لأعمال لمكتوبة ؤ لمطرجمة، يمكن واصلة ل 300، ب لعربية ؤ لفرانساوية.[2] من بينها:[3]
ب لعربية بدل
- معا أحمد بلافريج: جون طارو، جيروم طارو. أزهار البساتين في أخبار الأندلس و المغرب على عهد الموحدين و المرابطين. رّباط: المطبعة الوطنية. ص. 143.CS1 maint: uses authors parameter (link)[4]
- أبو عباس الجراوي، شاعر الخلافة الموحدية. ص. 45.
- الأدب الشعبي المغربي (الملحون). لمحمدية: مطبعة فضالة. ص. 28.
- رباعيات نساء فاس: العروبيات. دار قرطبة للطباعة والنشر. ص. 87.[5]
ب لفرانساوية بدل
- Chants anciens des femmes de Fès. Seghers. 1967. ص. 121.[6]
عيون لكلام بدل
- ^ "محمد الفاسي.. وزير التعليم الذي تزوج مليكة الفاسي فأنجبا وزيرا للسكنى" (ب لعربية). 1 ماي 2016. مأرشيڤي من لأصل ف 27 ماي 2019.
- ^ a b c d e f "أعلام القرن الخامس عشر الهجري، محمد الفاسي" (ب لعربية). مأرشيڤي من لأصل ف 19 شتنبر 2017.
- ^ إدريس بن ماحي القيطوني (1988). معجم المطبوعات المغربية. مطابع سلا. ص. 271.
- ^ "أزهار البساتين في أخبار الأندلس و المغرب علي عهد المرابطين و الموحدين" (ب لعربية).
- ^ "رباعيات نساء فاس: العروبيات" (ب دّاريجة ولعربية).
- ^ Chants anciens des femmes de Fès. Seghers. 1967. ص. 121.