محمد بن سعيد آيت إيدر

سياسي مغريبي

محمد بن سعيد آيت إيدًر (تولد ف 1 يوليوز 1925 ف تين منصور - شتوكة آيت باها) هو سياسي ومناضل مغريبي. تيتعتابر رمز من الرموز د ليسار د لمغريب.

محمد بن سعيد آيت إيدر
محمد بن سعيد آيت إيدر
معلومات عامة
زيادة 1 يوليوز 1925 (95 عام)
ماسة
لجنسية لمغريب
لميهنة سياسي
معلومات خرى
لحيزب حيزب شتيراكي موحد (2005–)
منظمة لعمل ديموقراطي شعبي (1983–2005)
تيحاد لوطني د لقوات شعبية (1959–1975)
حيزب ستيقلال (–1959)
لجوايز


حياتوعدل

تولد محمد بن سعيد آيت إيدر ف 1925 فدوار تين منصور فاشتوكة آيت باها فسوس. قرا فاللول تما, ومن بعد مشا يكمل فمراكش, وتما فين تعرًف على النضال لوطني ضد ليستيعمار وتلاقا ناس بحال عبد الله براهيم والمهدي بنبركة. ف 1951, شارك فمظاهرة ضد لاستعمار وتسجن 3 شهور.[1]

بدا آيت إيدر لعمل لمسلًح فلخمسينات, وهو من لمؤسسين د جيش التحرير. كان هو الشاف ديال جيش التحرير فجنوب لمغريب, واللي بقا مكمًل واخا جا لاستقلال, اللي كان تيسمًيه آيت إيدر "استقلال ناقص". ف 1958 تحالفات الدولة مع فرانسا وصبانيا باش يحاربو جيش التحرير وهرًسوه فواحد لعملية سمًاوها "عملية الشطابة - operation écouvillon".

من بعد ماتحل جيش التحرير, بقا ينسعيد تيعارض النظام, وتحكم عليه بالإعدام ف 1963. قبل ما يتقبط هرب للجزائر, ومن بعد مشا لفرانسا ودخل مع لمنظمة ديال 23 مارس.[2] رجع ينسعيد للمغرب فاللول د التمانينات و أسس لحزب د منظمة العمل الديموقراطي الشعبي ف 1983. ودخل بلحزب ديالو للبرلمان من 1984 تال 2007.[3]

ف 2005, كان من لمؤسسين ديال لحزب ليشتيراكي لموحًد, اللي جمع بزاف د لأحزاب ليسارية الصغيرة فلمغريب.

كتابوعدل

ف 2001, خرًج بنسعيد آيت إيدر كتاب سميتو صفحات من ملحمة جيش التحرير بالجنوب المغربي, اللي هضر فيه على التاريخ ديال جيش التحرير فسوس ولجنوب د لمغريب.

لمصادرعدل

  تقدر تزيد شوف بزاف د صور و معلومات ديال Mohamed Bensaid Aït Idder ف ويكيميديا كومنز.