محمد بن سعيد آيت إيدر
هاد لمقال كيهضر على شخص يالاه توفّا. لمعلومات لمتعلقين ب لوفاة ؤ ضّروف ديالها يقدرو يتبدلو بزّربة معا تّطور د لأحدات، ؤ تّقارير لإخبارية لّولة تقدر ماتكونش موتوقة. آخر تّعديلات على هاد لمقال تقدر ماتعكسش أحدت معلومات متوفرة على لموضوع. (فبراير 2024) (شوف فوقاش ؤ كيفاش تحيّد هاد لميساج) |
محمد بن سعيد آيت إيدًر (تولد ف 1 يوليوز 1925 ف دوار تيمنصورت، شتوكة آيت باها، توفى ف 6 فبراير 2024 ف الرباط)[1] هو سياسي ومناضل مغريبي. تيتعتابر رمز من الرموز د ليسار د لمغريب.
محمد بن سعيد آيت إيدر
| ||
| ||
| معلومات عامة | ||
| زيادة | 1 يوليوز 1925 ماسة | |
| لموت | 6 فبراير 2024 (98 عام) الرباط | |
| لجنسية | لمغريب | |
| لحرفة | سياسي | |
| لّوغات لي كيعرف | عربية، تاشلحيت و لفرانساوية | |
| معلومات خرى | ||
| لحيزب | حيزب شتيراكي موحد (2005–2024) منظمة لعمل ديموقراطي شعبي (1983–2005) تيحاد لوطني د لقوات شعبية (1959–1975) حيزب ستيقلال (–1959) | |
| لجوايز |
| |
حياتو بدل
تولد محمد بن سعيد آيت إيدر ف 1925 ف دوار تين منصور ف اشتوكة آيت باها فسوس. قرا ف اللول تما، ومن بعد مشا يكمل فمراكش، وتما فين تعرًف على النضال لوطني ضد ليستيعمار وتلاقا ناس بحال عبد الله براهيم و لمهدي بنبركة. ف 1951، شارك ف مظاهرة ضد لاستعمار وتسجن 3 شهور.[2]
بدا آيت إيدر لعمل لمسلًح ف لخمسينات، وهو من لمؤسسين د جيش التحرير. كان هو الشاف ديال جيش التحرير ف جنوب لمغريب، واللي بقا مكمًل واخا جا لاستقلال، اللي كان تيسمًيه آيت إيدر "استقلال ناقص". ف 1958 تحالفات الدولة مع فرانسا وصبانيا باش يحاربو جيش التحرير وهرًسوه ف واحد لعملية سمًاوها "عملية الشطابة - operation écouvillon".
من بعد ماتحل جيش التحرير، بقا ينسعيد تيعارض النظام، وتحكم عليه ب الإعدام ف 1963. قبل ما يتقبط هرب للجزائر، ومن بعد مشا ل فرانسا ودخل مع لمنظمة ديال 23 مارس.[3] رجع بنسعيد للمغرب فاللول د التمانينات و أسس لحزب د منظمة العمل الديموقراطي الشعبي ف 1983. ودخل ب لحزب ديالو ل لبرلمان من 1984 تال 2007.[4]
ف 2005، كان من لمؤسسين ديال لحزب ليشتيراكي لموحًد، اللي جمع بزاف د لأحزاب ليسارية الصغيرة ف لمغريب.
كتابو بدل
ف 2001، خرًج بنسعيد آيت إيدر كتاب سميتو صفحات من ملحمة جيش التحرير بالجنوب المغربي، اللي هضر فيه على التاريخ ديال جيش التحرير ف سوس ولجنوب د لمغريب.
جوايز و توشيحات بدل
- 2015: وسام لعرش ب ڭراض د الحمالة الكبرى
عيون لكلام بدل
- ^ "رحيل المقاوم محمد بنسعيد أيت إيدر". 2024-02-06. تطّالع عليه ب تاريخ 2024-02-06.
- ^ "بنسعيد أيت ايدر - الرافض لدساتير الحسن الثاني ومحمد السادس". مأرشيڤي من لأصل ف 2020-08-15. تطّالع عليه ب تاريخ 2020-03-31.
- ^ "محمد بن سعيد آيت إيدر - الجزيرة (2015)". مأرشيڤي من لأصل ف 2022-07-09. تطّالع عليه ب تاريخ 2020-03-31.
- ^ "زعامات كاريزمية في المغرب - محمد بنسعيد أيت إيدر". مأرشيڤي من لأصل ف 2020-02-29. تطّالع عليه ب تاريخ 2020-03-31.
|
تقدر تزيد شوف بزاف د تّصاور و لمعلومات ديال Mohamed Bensaid Aït Idder ف ويكيميديا كومنز. |