محمد أمقران
محمد أمقران
| ||
| معلومات عامة | ||
| زيادة | 1938 جبال الريف | |
| لموت | 13 يناير 1973 (34/35 عام) قنيطرة (لمغريب) | |
| سباب لموت | ضربة ب لقرطاس | |
| لجنسية | لمغريب | |
| لحرفة | عسكري | |
| لّوغات لي كيعرف | عربية و لوغات أمازيغية | |
| لفاميلة | ||
| شريك | مليكة أمقران (1963–1973) | |
محمد أمقران (مزيود ف 1938، توفى ف 13 يناير 1973) كان ضابط ديال السلاح الجوي دلمغريب، و كان تعدم مورا لمحاولة د الإنقلاب د 1972 المعروف ب إنقلاب الطيارين
الخلفية ديالو
بدلمحمد أمقران تزاد فريف ف 1938، ف 1963 تزوج ب ماليكة أمقران (تزادت 12 غشت 1939) لي كانت عندها الجنسية ألمانية. كان عندهم ولد سميتو رشيد تزاد 3 فبراير 1964، و بنت سميتها ياسمينة تزادت 26 فبراير 1965.[1]
ليوتنان كولونيل أمقران ولا لكوموندان ديال القشلة دلعسكر ديال قنيطرة، كانت هو لي مسؤول علا هاد لقشلة لي كانت فيها طيارات ميريكانيين ديال F-5.[2]
محاولة د لإنقلاب
بدلف 1972، وزير الدفاع محمد أوفقير بدا واحد الخطة باش يقتل الملك الحسن التاني. و كانو عاونوه أمقران و شي وحدين خرين.[2]
أمقران كان الهدف ديالو من هاد لإنقلاب هو يحارب الطبقة الحاكمة لي شفرات البلاد على حساب الرأي ديالو.[3]
ف 16 غشت 1972، الملك الحسن التاني كان راجع من فرانسا فبوينڭ 727 ديالو، جاو 4 ديال طيارات من قشلة ديال قنيطرة و هجهمو علا الطيارة ديال الماليك ملي دخلات للمغريب، واخا جاو فيها بزاف ديال القرطاسات ماطاحتش و لماليك تاهوا ماوقع ليه والو، و قدرو يحطو الطيارة فمطار رباط سلا.[2]
ملي الطيارا تحطات فلمطار، العساكريا المنقليب هجمو علا المطار و ماتو الناس فيها.[1]
لعواقب
بدلنهار ديال لإنقلاب، أوفقير عيطو ليه للقصر فين مات، الرواية الرسمية كاتقول بلي نتاحر ملي عرف بلي الإنقلاب ماصدقش.[2]
أمقران ملي عرف بلي العملية ماصدقاتش، هرب فواحد الهيليكوپطير لجبل طارق فين طلب اللجوء،[1] كانو شدوه هو و الطاقم لي وصلوه فلهيليكوپطير فواحد الحبس و قالو ليهوم غير باش يحميوهم، ولكن ورا النقاش مابين الحكومة المغريبة و البريطانية، جات طيارا مغريبية لجبل طارق و هزات أمقران و الطاقم ديال لهيليكوپطير و رجعاتهم للمغريب.
وزير الخارجية ديال بريطانيا، سير أليك دوݣلاس هوم قال بلي كانو تافقو بلي ماغاديش يتعدمو.[1]
أمقران تحكم عليه بالإعدام، و تعدم نهار 13 يناير 1973 بلقرطاس،[1] و تدفن ف شفشاون نهار 15 يناير 1973. بزاف ديال الناس مشاو للݣنازا ديالو.[4]
11 پيلوط تحكمو عليه بالإعدام مورا هاد المحاكمة ديال الطيارين، 35 خرين تضربو بلحبس و مشاو لتزمامارت.[5]
نهار لإنقلاب، مشات مرتو ماليكة أمقران و ولادو هربو من لمغريب،[1] طلبات اللجوء من بريطانيا ولكن رفضو و خلصوهوم 37500£.[6]
عيون الكلام
بدل- ^ a b c d e f Cour européenne des droits de l'homme 1973.
- ^ a b c d Miller 2013, p. 177.
- ^ Bernichi 2004, p. 25.
- ^ Audland 1975, p. 366.
- ^ Miller 2013, p. 178.
- ^ Døcker 2013.
- Audland، C.J. (1 November 1975). European Convention on Human Rights Year: 1973. Martinus Nijhoff Publishers. ردمك 978-90-247-1784-2. تطّالع عليه ب تاريخ 9 May 2013.
- Bernichi، Loubna (15 July 2004). ""J'aurais marché avec le colonel Amekrane"" (PDF). Maroc Hebdo. تطّالع عليه ب تاريخ 2013-05-08.[ليان مهرس ديما]
- Cour européenne des droits de l'homme (1973-10-11). "AMEKRANE et autres contre le ROYAUME-UNI". Juricaf. تطّالع عليه ب تاريخ 2013-05-08.
- Døcker، Henrik (2013). "Amekrane". Take Part Too. مأرشيڤي من لأصل ف 2007-10-09. تطّالع عليه ب تاريخ 2013-05-08.
- Miller، Susan Gilson (2013-04-15). A History of Modern Morocco. Cambridge University Press. ردمك 978-0-521-81070-8. تطّالع عليه ب تاريخ 2013-05-09.