لپروبليمات د لفلسفة (كتاب)
لپروبليمات د لفلسفة (كتاب)
| ||
| ||
| معلومات عامة | ||
| عنوان أصلي | The Problems of Philosophy | |
| لموضوع رئيسي | لفلسفة | |
| نوع د لكتاب | لفلسفة | |
| طبعات ؤ طرجمات | The Problems of Philosophy | |
| مؤلف | بيرطراند راسل | |
| لبلاد لأصلية | لمملكة لمتاحدة | |
| لّوغة لأصلية | نڭليزية | |
| تاريخ د نّشر | 1912 | |
| لكوپيرايت | ضومين عام | |
لپروبليمات د لفلسفة هوّا كتاب ديال لفيلسوف ؤ لماطيماتيسيان لبريطاني بيرطراند راسل، ألّفو ف 1912، لي حاول فيه يعرض پروبليمات أساسية لي مطروحة ف لفلسفة، لي كاتعلّق ب نّضرية د لمعرفة ؤ لإيپيستيمولوجيا.[1] لكتاب كيجبد بزاف د لحلول لفلسافية لي قتارحو فلاسفة ؤ عولاما بحال أفلاطون، أرسطو، إيمانويل كانط، روني ديكارط، ديڤيد هيوم، ؤ غيرهوم ؤ كيناقشهوم. ؤ هوّا مقسّم ل 15 مقالة مرتابطة بيناتها بشكل تسلسلي.[2]
لمواضيع د لكتاب
بدلمن بين لمسايل لي كيطرح لكتاب كاين:[1]
- كيفاش كانعرفو شنو لي حقيقي ؤ لي ماشي حقيقي، ؤ كيفاش نتبتو بلي لعالم لخرجاني موجود ؤ ماشي غير ف لخيال ديالنا؟ واش نقدرو نتيقو بلي أي حاجة كانعيشوها كاتوقع بصّح؟ هاد لمسوالات كيطرحوهوم بعض نّاس غير ب ضّحك، ولاكين راسل كيعطي تحليل لي كيبين بلي هاد لپروبليم ماشي غير حالة فتيراضية، ؤ بلي نقدرو نستعملوه باش نفهمو تّجربة ديالنا د لعالم بشكل أعمق.
- تّصنيف ديال نواع لمعرفة:
- لمعرفة ب لقرب: هيّا لمعرفة د لحوايج ب لحواس لخمسة (شّوفان، سّماع، لقيسان، دّوقان، ؤ شّمان).
- لمعرفة ب لوصف: هيّا لمعرفة د لحوايج لي ماعندناش ليها أكصي نيشان، بحال ستونات لي ماشي حدانا ؤ ماعمّرنا خبرناها، ؤ ناس لي ماعمّرنا نتلاقاو بيهوم (بحال شّخصيات تّاريخية)، ؤ لي كانعرفوها غير ب لوصف لمهضور ؤلا لمكتوب لي وصلنا عليها.
- لمعرفة ب لعقل: هيّا لمعرفة ديال حقايق لي كانوصلو ليها ب لعقل ؤ تّفكير ؤلا ب لحدس.
- كيفاش كانحصلو على معارف جديدة، على ساس د لمعرفة لي ديجا عندنا، ب ستيعمال لقواعد د لّوجيك:
- سّتيقرا (ب نّݣليزية induction): ب تعميم لمعرفة لحسية ديالنا ب أمتيلا ديال حوايج، ل معرفة عامة ؤ متجردة. متلاً تجبد لفيكرة د لقانون د لجادبية من أمتيلا ديال حوايج كيطيحو ل لرض يلا رميتيهوم.
- سّتينتاج (ب نّݣليزية deduction): تجبد حالة خاصة من شي قاعدة عامة، متلاً "كل بنادم فاني" + "سقراط بنادم"، إدن "سقراط فاني".
- كيفاش نعرفو واش لقواعد د لوجيك براسهوم صحاح ؤ بلي نقدرو نخدّموهوم باش نجبدو معارف جديدة؟
- واش لمعرفة د بنادم عندها حدود (حوايج لي ماعمّرنا نعروفوهوم)؟ شنو هوما لحدود د لفلسفة، ؤ شنو لقيمة ديالها ف لحياة د بنادم؟
عيون لكلام
بدل- ^ a b "ريڤيو ديال مارطا" (ب نڭليزية). مأرشيڤي من لأصل ف 2023-06-04. تطّالع عليه ب تاريخ 2022-01-09.
- ^ دجون بيكيت تورنر (1913). "ريڤيو د "پروبليمات لفلسفة" ديال بيرطراند راسل" (ب نڭليزية). The Journal of Philosophy, Psychology and Scientific Methods. Cite journal requires
|journal=(معاونة)
لمزاود
بدل هادي زريعة ديال مقالة خاصها تّوسع. تقدر تشارك ف لكتبة ديالها. |