ليلة قطبية
ليلة قطبية (بالنݣليزية: Polar night) هي ضاهرة طبيعية كاتطرا فالشهورة دالشتا فلبلايص اللي جات فالشمال ديال الدايرة لقطبية دالشمال أولّا على لجانوب ديال الدايرة لقطبية دلجانوب، فاش الشمش كاتبقى تحت لأفق واخّا من لمفتراض خاص يكون النهار فداك لوقت.[1] فاش كاتشاف هاد الضاهرة من لقطب الشمالي أولّا لجانوبي، كاتبان الشمش باللي كاينة تحت لأفق. هادشي كايطرا فخطوط ديال لعرض مابين 65°44' حتال 90° شمال أولّا جانوب، وماكاتحبسش نيشان فالدواير لقطبية بسباب لينعيكاس.
لبلايص فين كاتطرا
بدل
حيتاش ماكاينينش شي مدون ولّا ڤيلاجات دايمين فلجانوب ديال الدايرة لقطبية دلجانوب (من غير لمحطات ديال لبحت)، الدول اللي كاتطرا فيهوم هاد الضاهرة هوما الدول اللي لأرض ديالهوم دايزة منهوم أولا كاينين فالشمال ديال الدوّيرة لقطبية دالشمال. هاد الدول هوما: لميريكان (ألاسكا)، كانادا، إسلاندا، الدانمارك (ݣرينلاند)، النورڤيج، السويد، فينلاندا وروسيا. الربع ديال فينلاندا كاين فالشمال ديال الدايرة لقطبية، والنقطة ديال لبلاد اللي كاينة فالشمال ݣاع ماكاتطلعش فيها الشمش 60 يوم. فسڤالبارد اللي تابعة للنورڤيج، الشمش ماكاتطلعش من تقريبا 23 أكتوبر حتال 21 فبراير دلعام لاخور.[2] لحالات لقصوى لهاد الضاهرة تقدر تشاف فالنقاط لقطبية، فاش الشمش ماكاتطلعش نص عام. كاتطرا هاد الضاهرة فلقطب الشمالي من اللخر ديال شتنبر حتال اللخر ديال مارس لاخور. شمس وسط الليل، اللي هي ضاهرة لعكس ديال هادي، كاتوقع فالصيف فاش كاتبقا الشمش فوق لأفق ليوم كامل.
عيون لكلام
بدل- ^ Burn، Chris. The Polar Night (PDF). The Aurora Research Institute. مأرشيڤي (PDF) من لأصل ف 2023-08-06. تطّالع عليه ب تاريخ 28 شتنبر 2015.
- ^ Trygve B. Haugan, ed. Det Nordlige Norge Fra Trondheim Til Midnattssolens Land (Trondheim: Reisetrafikkforeningen for Trondheim og Trøndelag. 1940)
|
تقدر تزيد شوف بزاف د تّصاور و لمعلومات ديال Polar night ف ويكيميديا كومنز. |