لوليد ميمون
لوليد ميمون
| ||
| ||
| معلومات عامة | ||
| زيادة | 19 مارس 1959 (65 عام) بني سيدل جّبل | |
| لجنسية | لمغريب | |
| لحرفة | شاعير و فنان موسيقي | |
| لّوغات لي كيعرف | تاريفيت، الداريجة لمغريبية، عربية و لفرانساوية | |
لوليد ميمون (بلأمازيغية: ⵍⵡⴰⵍⵉⴷ ⵎⵉⵎⵓⵏ) (تولد نهار 19 مارس 1959 ف بني سيدال - إقليم الناظور) هو واحد لمغني أمازيغي مغريبي تيغنًي بالريفية (تاريفيت), ومعروف بسميًت "لماليك د لأغنية الريفية".
حياتو
بدلتولد الوليد ميمون فبني سيدال فإقليم الناظور ف 1959 فأسرة ديال لفلاحة أبا عن جد. من صغرو وهو تاتعجبو لموسيقا, وكان متبع بزاف إمديازن, اللي هوما لفنانا والشوعارا اللي تيغنيو فالريف. قرا الوليد الثانوي فالناظور وملًي خدا لباك مشا للجامعة د ظهر المهراز ففاس, وتمًا دار وعي سياسي ونضالي.
خرًج أول ألبوم ديالو ف 1981, وكانت سميتو أجاج, اللي هي الرًعد. من بعد ماخرج لألبوم قبطوه لبوليس وستنطقوه ومنعو لألبوم يتباع وجراو على الوليد ميمون من لجامعة.[1] واخا هاكا بقا تيغنًي بالتخبية وخرًج ألبوم آخر ف 1986, اللي سميتو أمتلوع (الشمكار), و اللي تباع عادي وماتًمنعش.
فاللول ديال التسعينات هاجر الوليد ميمون لهولاندا, وخرًج جوج ألبومات تمًا. ف 1997 مشا يعيش فالكاناري, ولكن ماطوًلش فيها ومشا لبلجيكا ف 1998, وهي اللي عايش فيها من ديك لوقت تال دابا.[2]
لأغاني ديالو
بدلالوليد ميمون معروف بزاف عند الناس اللي تيسمعو لأغاني الريفية, وعندو عدد د لأغاني لمعروفة, منها بحال دابا:
- الدشار إنو (الدوًار ديالي)
- نشًين شا (حنا هنايا)
- سرام غانغ (سمعو منًا)
- أدهار أوباران
عيون لكلام
بدل- ^ "الوليد ميمون - وغياب تغَرَّب قبل الأوان بأوان". مأرشيڤي من لأصل ف 20 يوليوز 2020.
- ^ "الوليد ميمون - ملك الأغنية الأمازيغية الملتزمة". مأرشيڤي من لأصل ف 2020-12-25. تطّالع عليه ب تاريخ 2020-03-30.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |